[1230隔夜超短劇評][ViuTV][詭探 第1至4集]
各位觀眾,呢個column又返嚟喇。《不懂撒嬌的女人》寫足佢咁多集之後休息咗幾日,見到好多人都睇緊《詭探》咁,我自己又其實有睇但懶得寫。(有時唔同腦睇電視都係一種樂趣)之但係都睇咯,不如拎出嚟大家討論吓啦。
[讚]
[節奏]
第1集至第4集每集都有新人物登場,而你又好快知道佢嘅大概嘅背景,係好事嚟嘅。不過一吓子推咁人出嚟的確係追得幾辛苦,好在係車保羅、陳觀泰我都想睇,佢哋一出場我就覺得好型(而其實陳觀泰出現嗰幕係冇乜嘢講,如果要交代忠sir識得茅山嘅話其他場口已經交代晒,又如果要講佢喺警隊嘅威水史我又覺得冇乜必要呀,佢依家已經係指揮官啦,大家都已經預設咗係有料到)。
[人物設定]
全哥設定佢有精神病我覺得幾好喎,佢話唔食藥唔知見到係鬼定幻覺好過癮,見到觀音呀、見到鬼呀,全部都可以有個緩衝,等啲平時唔係幾相信有神鬼嘅人慢慢入局。(我斷估全哥最後都係不分人神鬼走火入魔大戰Madam方同忠Sir)
另外安排高科技Joe呢個角度我估都有同樣效果嘅。
[演員]
邵仲衡一向做戲都好用力,今次夾落去呢個有精神病嘅茅山師父度效果剛剛好,同尹揚明沉住氣、Joman Chiang 蔣祖曼乾脆小火爆互相制衡返,呢幾位嘅表現都唔使講啦,從來未擔心過,尤其係呢啲角色佢哋都handle慣。
反而一眾ViuTV嘅主持們有驚喜喎, 駱振偉 Thor Lok飾演嘅梳打比佢喺《三一如三》裡面做Frankie好得多,可能呢個串咀形象似返佢本人啩,睇落好順眼。
陳子豐 Colin Chan個毒男Joe角色又幾討好喎,始終喺呢啲靈異劇有啲搞笑啲嘅人物登場係有緩和氣氛。不過最喜出望外嘅,係楊偲泳 Renci Yeung做嘅神婆,我唔知佢平時係咪傻傻哋,但之前睇佢喺《異國二域》做主持又唔多覺,今次佢做神婆嗰種忽忽哋係討好,你知有時夾硬做會討人厭,但佢又冇喎,仲好可愛。
[roller後《詭吹》]
其實神怪嘢你點寫都可以,偏偏佢又好認真咁roller後有個《詭吹》環節,搵各路專家講返自己嘅意見,成件事會覺得製作認真咗,又可以沖淡返導人迷信嘅感覺,都係好事嚟。不過有時又真係太短,好似係第4集講返「93鐵路廣告事件」咁,講到模棱兩可。Colin做主持我一直都覺得好睇,自然得嚟又lead到。
[音效]
我喺手機戴earphone睇,啲音效好正,大家可以試試。尤其係第2集全哥去兇案現場問鬼嗰吓。
[彈]
其實冇乜,係有幾個節奏慢嘅場口差咗啲,特別係神婆同Joe喺office打緊機唔知Madam方喺後面嗰幕,明明幾有趣,但拍到出嚟係悶悶哋。
話時話,大家都讚佢節奏明快好好睇,又話佢半小時唔夠喉想佢變一個鐘咁播。我就嘗試咗2小時咁睇四集,係有問題。佢絕大部分節奏都好快,可以話只係得一個節奏,半個小時你會唔多覺,但如果係一個鐘頭四節都係咁我就會覺得辛苦。當然呢個係功力唔夠,只係handle到快節奏而慢節奏做唔嚟?定係因為半個小時所以特登咁設計?就真係冇人知啦。
[演員表]
邵仲衡 飾 全哥 / 尹揚明 飾 忠sir / 蔣祖曼 飾 Madam方 / 楊偲泳 飾 神婆 / 陳子豐 飾 Joe / 駱振偉 飾 梳打 / 車保羅 飾 八爺 / 陳觀泰 飾 副處長
#1230隔夜超短劇評 #ViuTV #詭探 #邵仲衡 #尹揚明 #蔣祖曼 #楊偲泳 #陳子豐 #駱振偉 #車保羅 #陳觀泰 #王貽興 王貽興
同時也有10000部Youtube影片,追蹤數超過2,910的網紅コバにゃんチャンネル,也在其Youtube影片中提到,...
三 一 如三 frankie 在 駱振偉 Thor Lok Facebook 的最佳解答
我都叫好少集郵㗎啦
仲要selfie ~
但係尋晚見到《三一如三》呀
唱歌彈結他好charm 嗰個喎🤘🏻
唔係唔影呀嘛!
返到屋企睇返,兩張selfie你都咁靚嘅🤦🏻♂️
周國賢 Endy Chow jaugwokyin
#viutv #behindthescenes #三一如三
#佢好型 #玩結他啲女俾你溝哂啦
#佢同我係劇度爭女 #不過唔同時空
#我都死咗囉 #阿樂 #frankie
#點樣可以咁charm #音樂強者
三 一 如三 frankie 在 Scarlett Wong 黃心美 Facebook 的最佳解答
尋晚講到黃美玲小產咗,咁究竟阿花係邊個? Frankie又係點死?都係嗰句,請留意《三一如三》劇情發展