【#士佳說 】張士佳：C兄的成績
港股繼續尋頂，由12月28日到今日，只有一日(1月7日)，沒升穿前頂，不是史無前例，但13日有12日升穿前頂，不可謂不火爆。
昨日按計劃在28376食多注期指好倉，得番兩成半，臨收市再食兩成股票好倉，13日升12日，未來肯定有一調，但唔知幾時，我選擇逢賺多某一額度就TAKE 些PROFIT，等調時有子彈買，萬一唔調呢？點算？咁咪好囉，揸住股票，邊有怕唔調架。13日升12日，我今日唔打算開冧把，唔想火上加油，大家睇番七大主題啦。尋日講唔晒果隻就升，另一隻配股唔跌就可以上。唔講冧把講件事你聽。
我有個勤力的學生（佚名：C兄，佢英文名係C字頭），一年前捧著電腦給我看，他將我教的方法組合，組合成為一套啱自己用嘅方法。佢唔太識電腦，一張圖一張圖噉將過去十幾年牛市熊市，不同股票都睇勻了，搵到方法后問我意見，我覺得唔錯再俾少少意見，叫佢試下。
一年幾過去，尋日，佢又捧住電腦同我講，呢一年除了二月，起初幾個月都賺5-8%，只有二月蝕5%，三月蝕12%，四月後每月都7-10%，這兩個月更近30%增長，大家可能覺得佢幸運或者資金少咪升得快囉，他起動資金唔算少，但又不是太多（只是七位數），又唔係幸運博中一兩隻，每隻都係跟我教既方法，加佢自己演繹去買，一個月成交有30次以上，充分有平均效應，每隻都係賺少少，運氣成份占得好少，有呢個成績都算不錯，快夠錢多買一車位了。可能hater覺得個市好嗻，有乜咁出奇，噉我都想知道hater最近炒成點，唔通hater個市係唔同嘅？
閣下如果發覺自己捉唔到爆股，可能覺得自己對股票唔熟唔在行，所以冇成績，但C兄起初連大利市都唔識睇，電腦又唔識，跟左我地四年，我乜堂佢都上，頭一年都係輸，只係輸少左，第二年普普通通，第三四年開始發光發亮，所以，我常講有方法加passion加grit，就算呢樣唔識嗰樣唔識都唔使驚。冇耐性嘅閣下可能會噉講，唔好講咁多了，醒個方法來吧！噉你都知道就算教你一個小方法去捉股，都唔會係免費午餐，放心，唔係成日都一同你講錢嘅。
好耐冇叫大家like了，FB都就快過氣，like 多次啦，夠千like，賣小包，教你一個小方法。
↓↓↓↓點擊下圖，詳文講述↓↓↓
#SKYSIR #張士佳 14.1.2021
