亂世善行：
交個朋友慶團圓。
供養了這位在理大天橋賣唱的歌手十多年，今晚決意和他交朋友。他叫「記穗」，是他爸爸改的名字，記念在廣洲出世的意思。
「中秋快樂！你仲記唔記得我吖？」
「梗係記得啦！你畀過幾次五百蚊我……」
「小意思……通常都係過時過節先咁豪……我果陣啲人工係立稅人啲錢，無所謂，慷他人之概啫……你又咁勤力開工，唔駛番屋企過節咩？」
「依排搵得好少吖！唉！你明架啦……有晚依度企滿人……試過好幾次得六七十蚊……我次次做足四個鐘架！最好果陣一次有兩千幾架……我都風光過……不過依家……我都諗住攞番公援……個細女出年考大學，攞公援就唔駛畀學費，佢讀到書架！年嚟年考頭三名……應該考到5星星，入到大學嘅……唔同我咁，舊陣文革亂七八糟冇書讀……不過我鐘意睇小說，咁咪寫下詩，改下啲歌詞玩下囉……個大女就唔得、…佢響果間兆基讀藝術果啲……又唔畀心機……依家冇得讀，走去酒吧度做、…都好嘅……」
「兆基創意書院？！咁岩！我係果度教架！……不如點唱吖！公晚最岩唱月亮代表我的心，應厚下節……」
「個鄧麗君……你知唔知，佢初初唱歌冇震音架，後尾唱唱下先有……我冇學過唱歌玩樂器架，都係玩玩下……果陣邊有錢學……」
「……你問我愛你有多深……我愛你有幾分……」
如此這般，蘊釀咗十幾年，今晚月圓就發酵咗兩粒幾鐘，記穗嘅知音人變咗朋友。
兆基創意書院學費 在 一年制專業形體劇場青年課程之1234 Q_ 鄧樹榮戲劇工作室A_ ... 的推薦與評價
*$10,000 | 共36 堂| 香港兆基創意書院 報名及查詢 2144 5355 | 9452 6831 (WhatsApp) ... 合作夥伴香港兆基創意書院 *學員最高可獲九成學費減免. ... <看更多>