疫情下的新形態飲食習慣,最緊要唔洗排隊,或者係可以預訂位,同埋最緊要係環境舒服唔迫
咁樓上CAFE就自然會係首選,因為多選擇,呢間多人就去另一間
咁呢排都食唔少樓上CAFE,呢間係食物水準唔錯既,可以推介比大家試下
最重要係服務態度又好,食物又好,絕對滿意
入座前有測體溫,另外也有提供口罩,酒精洗手液,食客坐位隔離亦夠遠
上得黎CAFE都係打算慢慢坐,慢慢食,有提供免費WIFI
可以慢慢休息下,唔洗諗去邊,HEA下就一晚
食物方面可單點或選套餐,一般人多都係叫套餐一齊食
兩人餐,16款小吃選一款,有焗雞翼,炸雞,春卷,沙律等等
另外選主食兩款,有焗意粉,焗飯,日式咖哩飯
另外仲有兩件甜品選擇,有芝士餅,燉蛋等等6款,包飲品
咁我們選了焗雞翼,主食焗自家製芝士肉醬意粉,日式咖哩豬扒飯
2件芝士蛋糕
先上飲品,飲住等先,叫左杯蜜糖梳打,蜜糖既甜加上梳打的爽,夠清爽帶D蜜糖甜味
另一杯就叫左凍檸茶
食物都係即點即煮,咁大約等左15~20分鐘開始上菜
先上日式咖哩豬扒飯
一食就知係自家製作,真係食到日式風格,有一種自然既甜味,加埋煮得入味既薯仔
咖哩味濃郁之中帶甜,呢種真係日本家常食到既味道~
一大片豬扒切片上,炸得酥脆可口,沾上咖哩醬汁食味道更佳更豐富~
成盤清曬,味道真心好食~
再黎係焗肉醬意粉.最抵讚係佢真係焗,唔係平時快餐個種求其用火鎗燒2下芝士扮焗
原碟上,成隻碟都係熱既,食到濃濃既番茄味同番茄碎同肉碎,拌勻焗香既芝士
連意粉都係夠曬熱,食到尾都係熱,唔會好快凍曬,肉醬份量夠多,唔係單純用番茄醬煮
食到用心既製作,係而家既CAFE唔搞花巧而注重味道已經不多了
雞翼焗到起焦糖化,皮帶點脆,蜜味濃郁,係唔錯既小吃
最後上芝士蛋糕 作結尾,整體上食物有水準,服務態度好,環境舒適,推薦!
#樓上CAFE #旺角CAFE #CafeFabulous #登打士廣場CAFE #樓上鋪 #旺角餐廳
#旺角樓上CAFE #日式咖哩 #焗意粉 #HKBLOG #HKBLOGGER #HKVLOG
#HKFOOD #HKFOODBLOG #HKFOODBLOGGER #HKIGFOOD
免費wifi cafe旺角 在 HK 港生活- 樓上自修室旺角新店開幕，更免費提供WiFi、手沖 ... 的推薦與評價
樓上自修室旺角新店開幕，更免費提供WiFi、手沖咖啡和零食，啱晒想搵個寧靜環境溫習或工作的朋友！ ... <看更多>