之前同大家介紹過在喺 iPhone 上面加入日本嘅 Suica 卡方法，相信唔少會去日本旅行嘅朋友都有用到。近來 iPhone 出咗新機，好多果粉都相繼換咗機喇，但係換完機，你有無發現 Apple Pay 要重新加番晒啲卡，Suica 卡如果有餘額，可以點樣搬落新機呢？
如果你喺新機用翻之前教大家嘅方法加卡，你張 Suica 就會係一張全新嘅卡，剩咗嘅餘額就會長留喺舊機入面。要轉卡去新機，原來首先要喺舊機打開 Apple Pay、揀翻 Suica 卡、之後按右上角選項、拉到最底、確認揀「移除此卡」。
搞掂之後，去新機嘅 Apple Pay，揀右上角嘅加卡選項，呢個時侯因為系統已經偵測到你有一張移除咗嘅 Suica 卡，你只要喺呢度揀翻加入Suica 交通卡，之後等一陣，呢張卡連埋餘額就會走翻晒出嚟！ 不過大家要記住兩部機都要使用同一個 Apple ID 先至可以順利轉卡㗎！
《Z世代達人》
麥卓華
