Breastfeeding position
餵奶姿勢 1
媽媽可能成日聽到我講
「埋身埋得好，好過你搵任何奶泵/人幫你清空乳房」
的確！「埋身食奶」係「餵人奶」呢件事上面成為左最為重要既事！
媽媽如果用一個正確姿勢餵bb, 可以幫助乳房任何位置既塞奶得到改善
個有效程度係明顯餵前摸落去👊🏻一粒粒&刺痛👊🏻👉🏻變到柔軟舒服
但係知易行難
鬼唔知埋身餵最好咩？！
都要bb肯埋身，個口肯張開先得架！
早幾日執媽去聽👀人奶講座👀
果位醫生仲致力研究點樣幫助下巴短、俐根短既bb學習埋身！！👏🏻👏🏻👏🏻
真係好professional!
執媽都學到少少野架
你地想知可以問我
首先要學識睇點為之正確bb食奶樣
(正確含啜）
1️⃣）bb面又圓又漲
2️⃣）身貼身，👄下巴貼乳房👄（重點！）
3️⃣）bb既頭、身、腳成一直線！唔好要佢擰則個頭食半個鐘奶
4️⃣）上下唇張大外反，下唇含大部分乳暈
5️⃣）深而慢、有連貫&節奏的吸啜
6️⃣）乳頭唔會損唔會痛
無論用咩姿勢餵奶，都應該apply以上所講既重點！✨✨✨✨
好！再黎！去姿勢
交叉搖籃式（其實我都成日唔記得d名😅）
我最推薦初生bb用呢個方式餵奶
因為佢地岩岩黎到呢個世界
食奶雖然係本能，但對好多bb黎講都係一大挑戰，要去coordinate口腔肌肉其實係好難架！
呢個姿勢就好似左手捉住佢個頭同頸👶🏻👋🏻，右手就捉住個乳房👋🏻👋🏻
好似係搵個目標去比bb食咁
重點：同bb身貼身，唔好包到佢成隻腫咁，佢隻手要攬住你而唔係隔住係你地中間
☠️☠️記住：新手媽媽既乳頭係好幼嫩，唔係人人都經得起一日10次、每次半個鐘既吸啜！！！☠️☠️
所以少少既距離對媽媽乳頭黎講已經係天堂同懸崖咁遠！！！🌋🌋🌋
😵😵救命！執媽好長氣！
下次先講另外既姿勢
以上全部都係我既肺腑之言！
因為成日見到新手媽媽被啜損個乳頭！真係好慘！
大佬！做女果時最多最多都係比人啜一陣姐（🤣🤣🤣）
而家比bb咁啜法
真係好痛架😑😑😑😑😑
只要你唔係打開哂bb既包被
唔係同佢身貼身
比佢隻手/膊頭阻住你地之間
包❗️保❗️你❗️乳❗️頭❗️一❗️定❗️損❗️
萬試萬寧，唔信你試下呀拿😂😂
傻豬！唔好以「頭」試法呀！😂😂
#多謝jenny姐同靚女suki幫我畫畫
#我驚我畫比你地睇冇人睇得明
#現場親身教最有用
#唔明搵我
#切勿以頭試法
