[Chasing Daylight]David Webb 前列腺癌,減產
1. 隨想一堆。兼閱讀理解同寫作探究。原文:https://bit.ly/3dID3Mv
2. TL:DR – 凡事樂觀。
3. 朋友傳嚟,首先見到標題,已經估到佢唔玩。咁然後就即時估係國安法。好合理嘅猜測,if too 神經質,時間上巧合嘛,我估如果我忽然話玩呢個Page,都會有好多人估係咪國安法。草木皆兵嘛。但又凡事小心好。好多名言或心得,其實都係互相矛盾嘅,當中嘅trade off 最難掌握,否則個個發咗達。
4. 再睇落去,好快,都未使睇到佢講睇醫生,就估到係健康問題。真的,睇用字睇語氣就估到。如果佢講「我幾時幾時嚟到香港,當時仲係點點點」,你就知係其他嘢。但self-aware "you" 之類,就知係個人問題,九成係健康。
5. 當然仲有啲妄想症嘅會覺得,佢借個機會啫,唔通講明國安法咩。咁就只能講句,反正大把人都反疫苗,N咁多人覺得登月係騙局,貓王未死在阿根廷同張國榮打緊麻雀。自由真好。不過反正佢唔係政客,唔使腳痛,而我相信一個男人唔會拎前列腺癌嚟作大。甚至掉轉,係仆街嘅,應該明明生cancer都講國安法,嘩我好驚。但畢竟David Webb唔係啲咁low嘅人。
6. 我同David Webb,係不相識嘅,我識佢佢唔識我。固然我好似提過,本人分析員生涯,第一份report,佢有評點。只係因為我當時老細占士咖啡(聽名都知係鬼)同佢相熟,循例fw畀佢評點後,David Webb亦都只係意思意思評點兩句。但的確都係有用。最記得佢大意都係話:唔使將啲簡單嘅嘢複雜化,幾隻英文字已講完。的確係。特別係嗰時係寫投資報告,當然唔好咁多廢話,唔同文學創作(係呀,例如呢篇)。
7. 後來,仲有在啲公開場合見到佢,同枱食飯幾次,最後一次好似係舊年。但都係嗰句,稱不上相識,我亦冇乜點同佢講過嘢。
8. 不過,本人一路都係佢嘅讀者。咁首先係免費,但呢個唔係重點,免費我都要時間的。
9. 關於佢嘅生平呀,股壇長毛呀,投資呀等等,會有好多人講。但我比較特別,我睇佢,係當睇人寫英文。留意佢寫嘢總係可以莊中帶諧,條理清晰,但又唔係流於中學作文式嘅First, Second, last but not least 之類嘅cliché (*)
10. 都回應返,勁人都係「凡事樂觀」,悲觀嘅樂觀者。你見佢寫,都不忘幽默或放鬆,there's never been a better time to get prostate cancer。
11. 多年前我推介過本書,Chasing Daylight: How My Forthcoming Death Transformed My Life(https://amz.run/3HZp)。呢本神作,因為個作者用咗三個半月寫。咁你話其實唔難,反正本書唔多字。都真係唔難的。埃汾嚟緊本書,我估一個月點都寫晒—不過我講咗兩年仲未開始寫咁解。
12. 正經,更重要係,個作者,Eugene O'Kelly,寫完冇耐就死埋—即係佢應該唔使三個半月。個故事其實係,佢確診腦癌,三個半月就死埋(幾快手,不過可能係好事?)。本書就係呢三個半月寫完。
13. 不過涼薄兼抽離講句,其實日日都好多人死,年年都好多人腦癌。點解呢本書跑出?因為作者本身就係成功人士,迫科KPMG嘅CEO。你睇,世界幾唔公平?條友三個半月死,最後都仲要威到最尾,留低咁多legacy。所以都真係做搞好你二十至三十歲嗰十年(**)。正如即係,大把人前列腺癌,但你總唔會去關心個包二奶阿伯。你成功,就割包皮都有人要你分享心得,咁上下。
14. 講返Chasing Daylight,「其實唔係太好睇」,主要係作者巴閉。咁但,腦癌三個月嘔出嚟喎,你仲想點?埃汾本書嘔咗年都未嘔到啦,本《楊枝甘露的誕生》(***)生咗廿年都未出到,芒果都爛。
15. 但Chasing Daylight有一個好成功嘅地方:開頭寫得好吸引。本書嘅開頭,我仲好記得(證明後面唔係太好睇):
16. I was blessed. I was told I had three months to live
17. 然後就講佢確診腦癌,講以往佢有幾忙,佢老婆仔女都要經秘書先約到佢食飯。之類。
18. 想講嘅始終係,凡事樂觀。即係半杯水。睇《足球小將》,有人覺得係「剩返五分鐘」(大意),但熱血嘅戴志偉會話「錯,係仲有五分鐘」。
19. 現實版就係2018世界盃,分組賽最後一輪,南韓對德國。德國非勝不可,但93分鐘失波!有趣嘅係,南韓入波被判有效後(當時VAR搞一輪),湯馬士梅拿追住球證理論。(https://bit.ly/30lkydk,9分29秒)。你以為佢鬧球證黑哨要推翻判決?錯!佢係問球證仲有幾多分鐘!然後話畀隊友聽仲有得追!係咪好撚熱向呢!
20. 不過,慎防你唔係球迷,話埋你知。之後,德國就係失多球嘅。嘻。這就是現實,正如Eugene O'Kelly寫完本書(其實未寫完),三個半月就死咗。並冇出現咩意志力令癌細胞消失。睇少啲周兆祥啦。
21. 冇錯,在呢度做冷氣軍師係好易的。泰臣(拳王,唔係吳鎮宇)話頭,Everybody has a plan until they get punched in the mouth。試下你埃汾今晚就確診Cancer睇你仲有冇咁口響睇你仲係咪凡事樂觀? 可能都冇。但無論如何有個game plan應該都係好嘅
22. 係咯,事情已發生,匯控就減咗派息,你舊芝士就搬咗走。有人選擇日日怨,有人就move on,仲識得講thankfully a brain MRI shows nothing (except a brain).
23. 但當然,Let's Carpe some fucking Diem.不過其實呢句嘢阿豬阿狗都講,但諗真啲,都廢廢地。唔得的。直到你真係有個大限就得啦。所以點解Eugene O'Kelly話I was blessed. I was told I had three months to live。其實佢有解,大把人唔知點忽然死咗,佢有三個月打理喎,仲想點。
24. 鍾意嘅,咪去買本書咯。拿,你又話冇時間,冇錢嘛。所以 Carpe 乜撚嘢Diem丫。唔好自欺欺人。送埋畀你你都唔會睇。你忙嘛。
(*)考試局對我英文最大幫助,就係教識我咩係cliché。雖然呢個字而家都十分cliché
(**)Eugene O'Kelly五十三歲死,做CEO先三年,真係頂峰收成期。不過你問佢(問米掛),佢都肯定話你知,係靠佢二十至三十歲嗰十年打下嘅基礎。
(***)《楊枝甘露的誕生》並唔會係我下一本書,以正視聽。
———————
版務:收費專欄已減價。支持埃汾高質文章。
一星期三篇,$175睇到6月22號,加埋過去兩個幾月所有文章。
請去呢度訂:bit.ly/2wVXndj
課程編號填: CC01
報完會有email通知,繳費後有Login及Password
逢一三五入去 homebloggerhk.com (入到去就睇到《事先張揚》)
亦睇得返以前嘅文。一般我都係會黃昏出文嘅。
「割包皮 收費」的推薦目錄:
- 關於割包皮 收費 在 君子馬蘭頭 - Ivan Li 李聲揚 Facebook 的最佳貼文
- 關於割包皮 收費 在 君子馬蘭頭 - Ivan Li 李聲揚 Facebook 的最佳貼文
- 關於割包皮 收費 在 君子馬蘭頭 - Ivan Li 李聲揚 Facebook 的最佳解答
- 關於割包皮 收費 在 陰莖|包皮過長讓弟弟抬不起頭?醫曝割包皮手術費用和最佳 ... 的評價
- 關於割包皮 收費 在 高雄割包皮費用的推薦與評價,PTT、YOUTUBE、DCARD 的評價
- 關於割包皮 收費 在 高雄割包皮費用的推薦與評價,PTT、YOUTUBE、DCARD 的評價
- 關於割包皮 收費 在 高雄割包皮費用的推薦與評價,PTT、YOUTUBE、DCARD 的評價
- 關於割包皮 收費 在 公立醫院割包皮費用2023-在Facebook/IG/Youtube上的焦點 ... 的評價
- 關於割包皮 收費 在 公立醫院割包皮費用2023-在Facebook/IG/Youtube上的焦點 ... 的評價
- 關於割包皮 收費 在 鳥科學先生-泌尿科顧芳瑜醫師- #美國割包皮你猜猜多少錢 ... 的評價
割包皮 收費 在 君子馬蘭頭 - Ivan Li 李聲揚 Facebook 的最佳貼文
[今季很殘酷,下季更殘酷]再下一季很美好,但多數人死在下季尾
1. 美國第一季GDP,按年收縮5%,金融海嘯之後最勁。其實金融海嘯後,美國十年經濟擴張,冇一季GDP收縮超過2%。
2. 呢個按年收縮5%,甚至亦比一般經濟師預測嘅4%為差 — 但道指照升500點。股票唔係咁運作的,正如好似過去四次定五次出首次申領失業救濟數據,次次美股都升。
3. 講返今季先,5%嘅收縮?係因為乜?因為肺炎?固然係。但唔係因為死咗人,係因為封城,社交距離,經濟活動停頓。咁當然你可以話,經濟代價咁大都做,證明人類生命而家寶貴,係進步。都係。但另一原因係:以前只係唔識點去處理(所以人類都係進步嘅)(*)。換著唔封城唔管嘅,死更多人—未必對經濟即時好大影響,但啲友一樣嚇到唔敢返工唔敢出街食飯,到時對經濟打擊仲大。所以亦有話,根本「保人命定保經濟」係偽命題,保唔到人命更加冇可能保到經濟。
4. 咩係拖低GDP嘅元兇?正係消費。個人消費跌咗8%,1980最大跌幅。冇得出街食飯啦(另文會講,幾廿年前啲友唔會洗咁多錢出街食飯,當然係指收入嘅百份比),有啲失咗業啦,或者儲定啲錢以防萬一啦
5. 不過,邊類消費跌得最多?你就估唔到啦。係Healthcare!「貢獻」消費下跌嘅40%。點解?段估你冇乜急事嘅,唔會而家入院做大手術,亦都冇得割包皮整容之類,嗰啲先係搵得錢多(**)。事實亦係醫院有人手都去救肺炎病人啦,割遲啲包皮唔會死嘅。
6. 另外,出外用餐同旅遊開支大跌,就不用講了。當然係美國啦。著實我在香港呢,用餐開支唔係跌咗好多,但都係用少咗錢,因為冇得一年去幾次日本。
7. 講返,今季很殘酷,下季更殘酷,第二季先見真章。第二季先係你前所未見嘅嘢,一般估第二季GDP收縮30%,甚至50%— 呢啲就真係uncharted territory,離晒罩,你一世人都未見過。仲要係美國喎,全球最大嘅經濟體系。
8. 但,唔係八奇,但股票市場係另一種邏輯。既然人人都知道會跌三四成,講咗個幾兩個月,乜都price in 晒,咁到時仲會有乜嘢你會覺得如夢初醒好驚?除非跌八成咯可。
9. 不過呢,暫時都仲覺得,第三四季或者會反彈 —但,第三定第四季先彈,就好重要了。正常就第三季小彈第四季大彈。但如果美國疫情再惡化呀有第二波呀(機會未必大,但肯定唔係痴人說夢,對不?),再封多次,咁第三季應該繼續難睇。
10. 做乜第三季就彈定第四季先彈咁重要?因為,正路地,十月尾就會出第三季GDP數字初值,然後十一月頭就選總統!所以你見侵侵不停咁推重啟經濟,因為佢等唔切。第三季有小反彈,佢必然會邀功。冇嘅,就要搵人賴了。
(*)都話我係悲觀嘅樂觀者。又以聯儲局反應為例,你見政府都係進步的,有從上一次危機學習到。固然人性貪婪冇變,但至少你知道點去應對。所以我唔明點解啲末日撚要講100年前嘅大蕭條—以前銀行係加息收緊銀根添。後來咪知超錯
(**)開腦呀心臟手術呀就一定貴。但甚麼包皮隆胸之類,照計唔貴,不過薄利多銷,話咁快埋口又next,聽講咋下。
———————
版務:收費專欄已推出,支持埃汾高質文章。幾舊水睇三個月,一星期三篇
請去呢度訂:bit.ly/2wVXndj
課程編號填: CC01
科咗水後後有Login及Password畀你
逢一三五入去 homebloggerhk.com (見到就睇到《事先張揚》),亦睇得返以前嘅文。一般我都係會黃昏出文嘅。
割包皮 收費 在 君子馬蘭頭 - Ivan Li 李聲揚 Facebook 的最佳解答
[半島第四季入住率都只係得三成多啲]但今年第一季應該仲甘。
1. 大酒店(45),即係香港半島酒店(仲有其他地方都有半島)嘅母公司。其實呢堆營運數據成個幾月前了。
2. 固然你見到入住率大跌,舊年第三季開始,經濟已經弱,又有社運,又少咗遊客嚟。第四季就仲勁。但古語有云,今天很殘酷,明天更殘酷—你見呢度,都只係舊年第三四季,今年第一季會更大鑊。
3. 不過股價呢?一樣係低位彈兩成。只要唔死就得。
4. 講返,之前出第三季數字,已經寫過一次(https://bit.ly/3aywqtD),當時已經好大鑊。
5. 你睇,其實第四季入住率,仲要高過第三季少少。固然因為做咗啲推廣(下面會寫),但有冇拖低房價?都唔算好多。你見平均房租,其實同第三季都差不多。
6. 但當然,唔等於見底,唔等於唔大鑊。首先就今年第一季仲甘。但即使只講舊年第四季,都係好甘的—因為酒店正常第四季入住率同房住都應該高,你睇綠色圈住舊年嘅情況就知。
7. 但無論如何,適者生存,半島,一樣做特價(https://bit.ly/3eUcMf1)。呢個1928 offer.兩千蚊左右有得住,(加返一呀老細)。做到今年嘅8月尾,生日當日,或前後一日都得。BTW,埃汾係7月生日的說,有得幫襯。
8. 至於唔生日又點?我往年同公司小朋友講,佢都話「剛過咗生日」。咁我話,「你條女呢?」佢話「那有女!」但我就話「到你有間房就有架啦!」。嘻。
9. 正經,講返,同一條link(https://bit.ly/3eUcMf1),唔係生日呢,都有嘅。貴少少咯,2020再加一。但話周年紀念喎,不過我睇勻成段都冇寫咩紀念。我估你割包皮紀念都得的,「另一半重回愛的原點」之嘛,咁我另一半係護士係醫生係院友得唔得?佢亦冇要你出示咩證明,冇話結婚證書(邊個會袋喺身?),都係講個信字。
10. 拿,生日禮遇就真係好似有望下身份證的。我點知?實不相瞞,舊年第四季嘅數字,埃汾有份貢獻。埃汾太係12月生日的,往年第四季開始有做呢個東西。兩千蚊住半島,很不錯的說。呢度都寫過文(https://bit.ly/2W2e0MV)(https://bit.ly/3cKV0Jm)
11. 但會唔會拖低品牌形象,得罪舊客,「嘩埃汾呢啲卡啦蘇都嚟住,半島而家真係好雜」,就不得而知。不過肯定嘅係,講生存先啦,仲講面子?而我估,8月尾做完之後,應該唔使再做。
12. 又,呢個post絶非廣告呀下。當然啦,我知出面其他酒店都好平,有啲做到六七一個月,平過你爆房。唔係舊酒店極老味嗰啲嚟架(https://bit.ly/2KAZQNm) ,住得人的。真係滾友恩物,包小三都抵。
13. 但,半島喎!半島喎!即係人地講八舊水食米芝蓮三星但你話我樓下三十蚊有叉燒飯,就冇得講的。
14. 又又,正路會係5月頭出第一季嘅數字,又睇下點。
——————————————-
版務:收費專欄已推出,支持埃汾高質文章。幾舊水睇三個月,一星期三篇
請去呢度訂:bit.ly/2wVXndj
課程編號填: CC01
科咗水後後有Login及Password畀你
逢一三五入去 homebloggerhk.com (見到就睇到《事先張揚》),亦睇得返以前嘅文。一般我都係會黃昏出文嘅。
割包皮 收費 在 公立醫院割包皮費用2023-在Facebook/IG/Youtube上的焦點 ... 的推薦與評價
割包皮 過長自費約需5200~5500元左右,手術後盡量避免碰水,以免傷口感染,時間大約5-7天。除非私人診所可能當天手術,否則須配合醫師的手術安排,可能當天,可能另約日期。 ... <看更多>
割包皮 收費 在 公立醫院割包皮費用2023-在Facebook/IG/Youtube上的焦點 ... 的推薦與評價
割包皮 過長自費約需5200~5500元左右,手術後盡量避免碰水,以免傷口感染,時間大約5-7天。除非私人診所可能當天手術,否則須配合醫師的手術安排,可能當天,可能另約日期。 ... <看更多>
割包皮 收費 在 陰莖|包皮過長讓弟弟抬不起頭?醫曝割包皮手術費用和最佳 ... 的推薦與評價
06:39 找醫師不同科別的差異07:08 割包皮手術費用呢? ... 包皮手術#麻醉#嬰兒#小孩#包皮發炎#水腫#性行為#割包皮費用#割包皮價錢#泌尿科#外科#王祚軒#ME. ... <看更多>