有日剛剛過完新年，假又放完，工又要開。
一位先生嚟到診所，佢就咁放低身分證：「登記」
我拎咗佢張身分證，check check見到有喺度睇過：「登記好啦，可以坐低等嗌名呀」
佢拎返張身分證坐低。
到佢時，我嗌佢：「先生，可以入醫生房啦」
佢睇完醫生出返嚟，拎得藥，我又嗌佢：「先生，可以拎藥啦」
佢終於望一望我，講咗句：「你係咪專登㗎？」
我：「吓？」
佢：「好似成日喺我面前擾擾攘攘專登俾我見到你咁嘅？」
傻西瓜嚟嘅，你以為診所真係有咁多姑娘嗎？嚟嚟去去都係得我一個咋嘛！另外嗰個同事趁新年連續放大假呀！
我：「哦～今日診所得我一個咋，所以咩都係我做」
佢：「哦」
我：「呢度啲藥每日四次，每次一粒嘅（下刪n字都係講點食）」
我：「呢度三百蚊呀」
佢個銀包一拎出嚟有封利是打棟咁插咗喺度，佢望一望我，再好快手咁抆返封利是走，拎出三百蚊放低，再同我講：「我派利是派到初五㗎咋，唔係俾你㗎」
唔駛解釋啦，大家成年人，我又冇同你講恭喜發財，唔駛咁驚喎。
我收咗錢之後，佢：「走得啦？」
我：「係呀，冇其他嘢要我幫你嘅話攞完藥就可以走㗎啦」
佢好迷茫樣咁企咗喺度。
我：「你仲有其他需要？有咩幫到你？」
佢：「冇呀，我喺度諗緊點返去冇咁易撞到人」
…不如我俾張紙你，你貼住『明年請早』喺自己額頭？
同事 封利是 在 MoneySmart.hk - 返工派利是有咩要忌? 點解利是最好俾單 ... 的推薦與評價
又點解有時封利是, 個利是封唔好咁靚咁搶眼? 新年一封利是, ... 派利是這行為，對於不少新婚夫婦來說，今年可能是一種挑戰，如果公司同事人數少，應該無難度。 ... <看更多>