【 電視節目預告/《宵夜燒到過埋夜》今晚首播 】
_
時間過得特別快,又係時候講拜拜?係講歡迎至真!由梁祖堯、陳俞希及蔡瀚億(Babyjohn)主持的《晚吹 ─ 空肚講宵夜》自2019年12月4日首播至今,轉眼間播足超過一年半,現時已播放至第八季,預計11月會播出第100集,換言之,這個節目已經快將(甚至可能已經)突破「食好西」百次大關,應該是時候跳出錄影廠,唔只空肚講宵夜,索性食到過埋夜 ── 《宵夜燒到過埋夜》就此誕生,亦是「晚吹」首播五年來,首個主持齊腳上陣參演的直屬衍生節目(另一個是非《晚吹》的《真PK Trip》),第一集將於今晚(27/9)開始逢星期一至星期五晚上11時播出。
_
《宵夜燒到過埋夜》每次由其中一位主持為另外一位主持策劃三日兩夜本地遊,參考宣傳短片《請小心𨋢門》(https://bit.ly/2Zpb81J) ,阿祖坦言籌備過程的保密工夫到家:「例如係我設計一個Trip畀『八婆』(陳俞希),『八婆』又設計一個Trip畀佢(蔡瀚億),但保密嘅工作係真係好保密㗎喎!」換言之,參與者事前對於整個行程一概不清楚,煮到嚟就食,保證充滿驚喜。
_
頭炮將會由Babyjohn為阿祖設計「神秘而慢活之Trip」,務求令他放鬆心情,認真感受慢節奏生活的美好。三人行首先出發飲早茶,梁祖堯指對上一次飲早茶已是三、四年前婆婆仍健在的時候,所以力讚BabyJohn以早茶作為行程的開始勁有心思。及後轉到賽車場輪流挑戰賽車飄移,因為大家都是頭一趟嘗試頭搖又尾擺飄移境界,所以引發出連串爆笑場面。之後BabyJohn繼續做領隊,帶領阿祖和Hailey到街市買餸,為晚上的「車中泊」體驗做好準備。
_
「車中泊」源自日文,與在歐美流行多年的車旅生活「Vanlife」理念相近,意思是在自行駕駛的車上住宿,煮食、娛樂、睡覺,統統在車內,到底兩位麻甩佬在車上會發生甚麼事?而阿祖在《請小心𨋢門》率先「劇透」:「我哋兩個(跟BabyJohn)將會史無前例咁同床……架車冇冷氣,然後夏天三九廿幾度,然後我仲未講個體驗嘅重點,重點係,嗰晚成晚都好熱啦,有汗啦,然後我瞓覺呢係有鼻鼾嘅,佢瞓覺係會放屁嘅,哈哈哈!」
_
節目預告:https://bit.ly/2WjKhDg
_
緊貼「游大東影視筆記」最新資訊:
▇ facebook專頁: 游大東【鴻鵠志-影視筆記】
▇ instagram: instagram.com/yautaitung
▇ MeWe專頁: mewe.com/p/yautaitung
▇ Telegram:https://t.me/yautaitung
▇ Medium:https://yautaitung.medium.com
_
(27092021)
_
#游大東影視筆記 #游大東 #空肚講宵夜 #宵夜燒到過埋夜 #梁祖堯 #陳俞希 #蔡瀚億 ViuTV 梁祖堯 Hailey Chan BabyJohn蔡瀚億 做乜膠睇電視 港人講電視 港女講劇 今晚睇咩好
同時也有11部Youtube影片,追蹤數超過298的網紅ANDREW PONG,也在其Youtube影片中提到,【你我情在(Bittersweet HomeKong)】Andrew Pong 龐景峰 ANDREW PONG 龐景峰 FAN PAGE: https://www.facebook.com/andrewpongofficial INSTAGRAM:https://www.instagram.co...
唔吹頭瞓覺 在 葉朗程 Facebook 的最讚貼文
月餅收了很多,又 Grand Hyatt 又 Ritz Carlton 的,每盒都是人家心意,每個都比月亮珍貴。
不過要講意思,必定是今年這盒明閣月餅。
明閣好巴閉?Ok 啦,中菜好食,月餅都好食。但這盒明閣特別有意思,跟明閣無關。
月餅是林溢欣老師送的,這個很有意思,
這位還有兩日便三十五歲的林老師早前宣佈,決定自立門戶,與另一上市公司聯手打造全新補習中心。
補習社取名「凝皓」,寓意凝聚光明。
上市公司的聯交所公告一出,很多傳媒不斷吹捧的,是上市公司支付林老師那個八位數字的「合作誠意金」,講到好似補習界 C 朗咁型。
但其實。
如果細心研究,你便會發現林老師一啲都唔型,而且非常蠢。
第一,基於很多原因,例如 covid、例如下降的出生率、例如學生多了的種種出路,客觀數據指向的事實便是補習市場逐漸縮少了。
個餅細咗先嚟自己搞生意,仲唔蠢?
第二,向來只是擔當老師一個角色的他,現在做老闆了,即是要同時孭起營運者的責任。唔好以為上市公司會幫佢做,公告講明林老師係 General Manager,好話唔好聽,而家爆水喉、冷氣唔夠凍、其他科目的學生人數都關佢事。
上完堂仲要無啦啦攬埋咁多瓣嘢上身,夠唔夠蠢?
第三,八位數的誠意金真的很多嗎?比起林生以前在遵理搵嗰個數,真係區區一年收入而已。難道你覺得他之後在自己的品牌下教學的每年收入會高過他在遵理嗎?Come on James,遵理有十一間分校,林生嘅新品牌得三間分校,普通加減數都計到,賺嘅錢何來可以多過以前?
簡單一句就係肯肯定做多咗嘢但係搵少咗錢,四個字,蠢中之蠢。
「其實我都蠢慣,」林老師在觀塘一家叫財記的茶餐廳對我說,「蠢多一次冇分別。」
高中畢業蠢了一次,決定了往後的路。
那時候考完 A Levels 的林溢欣,挾著三 A 兩 B 的成績,好多所謂神科都入到,什麼銀行什麼律師行本來就是咫尺之距,但佢偏偏揀咗中大中文系。「我知出路唔多,但係我真係鍾意中文。」
一讀便讀到碩士,出來第一份工就是遵理。你以為一出來便是天王?一開頭點會有學生,冇學生就冇分成,冇分成就冇收入,所以入行的時候,他教的是遵理日校。
朝頭早八點教到下午四點,然後五點至十點就教補習嗰邊,天天如是。不要忘記,補習要用筆記,即是拖著身軀回到家還不可以睡,要改卷、整筆記、出試卷。你以為星期日可以休息下?星期日是補習的黃金時間,夜晚十一點先落堂。
做人最難唔係努力。
即係咁,如果上帝預先話你知,嗱,只要你每日努力十五個鐘,面前呢十億現金,就係你㗎喇。你估你肯唔肯努力?肯定努力到前無古人,保證。
但如果上帝說,努力吧,十億是有機會的,但不能肯定,我諗十個有九個都會繼續瞓覺。
努力本身唔難,任何一個所謂理想,最難嘅地方,係你明知努力完之後有機會白做,但依然願意努力。
林老師在課堂裏跟學生說過:「我哋每個人都有一條想行嘅路,但行嗰條想行嘅路之前,必須先行一條要行嘅路。」
想走的路,都是任性的;要走的路,就是為自己儲夠任性的本錢。
正如林生在社交媒體說:「這個時代,做最喜歡的自己,叩問自己心中的想法,找到自身回應時代的答案,才算得上無憾。」
好似好型,但其實他這個「最喜歡的自己」,還是跟這個時代有點格格不入。
話說。
林老師跟上市公司簽約之後,公司立刻奉上一張港幣一千萬的支票,放了在中環一家律師樓。佢話唔急住入,但我說梗係早入早享受。他不能抽空到銀行,我說入票呢啲粗重功夫,我做慣,樂意代勞。
「你個戶口最尾嗰三個號碼咁得意嘅?」我問。
「有咩特別?我平時都係呢個戶口。」
去到中環的總行,把支票交給職員。隔了十秒,職員向我致歉:「唔好意思呀先生,呢個戶口入唔到呢張票。」
吓?呢個戶口有咩問題?
「呢個戶口冇問題,但呢個係簿仔戶口,簿仔戶口係入唔到一千萬嘅支票。」
原來今時今日,仲有人會打簿。
試圖用簿仔戶口入一張一千萬支票,這應該是在中環發生過最有型的蠢事。
唔吹頭瞓覺 在 Facebook 的最佳貼文
[絶非廣告]天地良心,寫廣告寫成咁,一定畀客或者公關黑名單。本人一般係好識撈的。
1. TLDR:星州唔炒輪,唔通炒米?正如馬克吐溫唔吐溫,唔通吐痰?山口素弘唔素弘,唔通掃黃?(呢個句式明顯抄林振強,但我已唔記得佢原文係用乜嘢例子)
==============
一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1900人訂! 畀年費仲有85折,20/40年費VIP 送本人著作一本。
==============
2. 香港嘅新輪商,登登,就係我舊東家(唏一夜夫妻都百二蚊,何況我做咗年幾,拎咗好多個百二蚊),星展銀行。這不是愚人節
3. 個重點唔係 星展咁XX 都學人出輪—大把更加XX 嘅公司都出輪啦,星展喎大佬,好長時間係東南亞最大市值公司(唔肯定而家仲係咪,視乎SEA你當唔當東南亞公司),好失禮你?
4. 咁你咩Macquarie都出做輪商啦(死咗未?我對上一隻買嘅輪就係Macquarie,十幾年前嘅事),「我知Macquarie在澳洲好大」(其實都唔係,迫科CBA NAB ANZ WestPac後都未到佢,有冇話你知我係睇銀行股的?),但,we talking about 新渣坡 ok?新加坡LP(*)咁大嘅地方,600萬人,又唔似香港咁有大陸公司上市(坡國上嘅大陸公司就算鳩數啦),但股市市值好長時間係東南亞最大—大佬你印尼講緊3億人呀!(其實印尼GDP係坡國4倍,see?坡國係金融中心呀)
5. 同朋友講起呢,個重點當然唔係「星展都學人出輪」,而係「而家先出」?
6. 的確,星展當然夠資格出輪有突,樓上都講咗。反而你可以奇怪係,做乜而家先出?朋友話頭,「個個炒美股啦仲有人炒香港窩輪牛熊證?」
7. 不過朋友此言我又唔係完全同意,首先,why not both?炒美股都可以照炒港股。況且,窩輪牛熊證可以買跌嘛,咁覺得騰訊爆煲嘅,咪瞓身家put 咯(Just saying,而星展出嘅正係騰訊輪,有call有put,可以幫襯下)。
8. 況且你睇港股每日嘅輪證成交,當然仲有大把人炒輪炒牛熊證。可能因為覺得自己眼光好準,可能唔想捱夜(但,邊個話買美股要捱夜?好多人以為買股票要日日望住佢,但你見我有時瞓到四點港股收市先起身),可能係覺得美股交易費貴(其實唔貴),或者覺得升咗好多,或者覺得「唔熟美股」(你以為自己好熟港股?)。Whatever.總之,睇多次呢段第一句。
9. 而另一方面,過去十幾廿年,最大嘅轉變係:發輪已經成為commodity business.呢個亦係商業社會嘅殘忍,或者進步。最初你就「認股證認法興」,後來就「買得準里昂輪」(行家戲稱「買得準你戇卵」,後來里昂都冇埋,變咗「買得準匯里輪」),仲有遠近馳名嘅「波法比餅店」(自己google)
10. 講過了,多數係歐洲嘢。里昂法興比聯(KBC,好多人都唔知點解係K,行家俗稱Kredit Bank),歐洲公司。最初就係請晒啲巴黎第X大學嘅數學家,法國出名多數學勁人,真的。
11. 但後來,人人有得抄啦,你識請法國佬我唔識?況且後來亦都有大陸仔印度仔嘅quant,一樣識講法文(嗰時匯理個quant頭同我舊老細相熟,係個踢拖但一口流利法文嘅大陸佬),點做pricing,用乜software,點行銷,點搞講座上電視,人人都識抄。波法比甚麼,只能搵第一輪水。
12. 任你講乜都好,呢啲鬥到最後係commodity business,你唔會因為A行輪后對波大啲就幫襯(我唔會啦下,我鍾意細胸),散戶都係睇貼唔貼市,多唔多成交,睇引伸波幅(**)
13. 鬥到最後,咁鬥乜?就鬥funding cost,銀牙!呢啲就係歐洲行唔夠鬥嘅地方啦。眾所周知(你唔知嘅我話你知),波法比等等,在香港邊有deposit base?咁你出輪當然要有貨打底,錢從何來?歐洲行就只能靠問匯豐中銀之類日日借,當時我做蕉行都拆唔少出去。(有啲戇鳩仔真係以為輪商要同你對賭,錯,人地食硬你,使撚同你對賭睇好定睇淡騰訊)
14. 但星展,就係個funding cost夠低,見唔見張相寫撚住亞洲最安全銀行?信貨評級好多的說。況且,quasi 國企啦。我都話我去坡國,淡馬錫都肯見我聽我鳩up—何晶識我老鼠咩(當然我亦唔會見到佢),畀面星展之嘛
15. 你見到嘅係,之前N年好多歐洲行都收晒皮,開始少人競爭,亦都有返啲肉食,所以可能而家想入場咯。
16. 仲有一樣嘢,睇嘢不能咁狹窄啦。你出輪之餘,又掃埋正股做對沖,但你又可以出埋產品畀private bank嘛。成套咁睇的。得罪講句,你KBC啲private bank,同星展點比?我唔止淨係賣香港喎,坡國馬國仲有大把……客。
17. 以上種種,只係我猜測,冇任何內幕,冇問過任何做星展嘅人。但星展啲嘢,OK架,可以幫襯下。
18. 話時話,做quant我就冇料啦,星展搵唔搵人做廣告post?Inbox我,一場舊相好,畀個特價你,保證唔講粗口。
19. 正文講完,但,當然後記仲好睇。
=============================================
20. 首先講個好簡單嘅故事:話說我在星展嘅年代,真係有次有間PR公司搵我,叫我宣傳某銀行嘅產品,問得幾問,原來係星展。成件事好似你上Tinder Match返自己老婆咁。PR問我介唔介意,我梗係唔介意,但我話你去問下你個客aka星展介唔介意,當然成件事就冇咗下文。但,我真係覺得something is wrong,星展肯畀錢街外人,然後街外人搵我喎。
21. 不過講返,我對星展真係無仇無恨,固然佢有大公司嘅老味嘢,但亦有大公司嘅好嘢。人工高(還好啦,陣間講)福利好(廿鳩幾日假,仲有士大夫供樓,搞到我幾乎買咗太古城)。你見我同啲星展舊同事都仲有食飯(你估我好得閒?),同啲舊客都仲有傾計,星展as a company 係OK的,「我係同我舊老細唔妥之嘛」
22. 遲下再寫個故事,但聽啲小朋友見工,話HR「壓佢價」,come on,C朗都減人工啦,supply and demand,老細當然係壓價,兩萬八請到嘅人點解要畀三萬?正如你想叫高人工,甚至有人吹大上一份工嘅人工(我從來唔會),咪又係昆鳩人賺到盡。哦,唔同,人地係仆街資本主義巨獸—咁你就米撚去做啦。
23. 我想講,我去星展嗰時,我開嘅人工,佢冇壓價之餘,仲加多咗啲畀我。「多五百都係多丫」(唔止五百嘅)。呢啲先係做大事嘛。其實我請人都係咁,一般你叫幾多我再畀高你,「又唔係我啲錢」。
24. 當然,入到去我冇加過人工,就係後話,一個仙都冇,雖然都只係年半。食得鹹魚抵得渴啦,喂但你條鹹魚越食越渴喎。咁你可以話我辦事不力廢撚柴,你做星展年年都加好人工,的確好多人係咁。但我又話你知,我去第間公司都係年年加人工,即使康宏咁XX都仲有加我人工(託我老細洪福,多謝)—結論?都係八字唔夾,早走早著。
25. 真的,唔夾咪分手,唔通我仲要去「好,我要好努力,證明畀你睇係你睇錯」,仲十八廿二咩,我使撚靠你「證明」咩,我去搵過份工咪最好嘅證明。
26. 其實唔應該講,但最後我都係忍唔住講。到我當時轉去星展呢,我啲朋友就叫我delete 晒以前啲Facebook Post,我話咩回事?佢地話,「你成日話人地係「保險箱都掉撚埋你嘅亞州最安全銀行嘛」」
27. 心諗,係喎,雖然我覺得我冇「成日」講(但今日又講多次),但,即係好似啲球員轉會咁,「咁轉去利物浦就梗係delete咗之前係咁串人嘅ig post」
28. 不過還是要講,「保險箱」呢單嘢真係太經典,開埠以嚟第一次喎!威唔威?更要留意,當時(2004年尾)我剛由教書轉去做銀行(蕉行嘛),真係深深震憾我心靈。我仲記得當日係標哥睇睇下報紙,自己在個位度講,「哈,啲坡佬咁撚樣都得喎」(原文照錄),當然仲要係有女同事在場。咁留意,當時我只係返工個幾月,試用期都未過,當然唔敢回佢「點撚樣呢?」。但以佢性格,當然自己主動講畀我地知。
29. 不過呢,諗深一層,扯,人地講「亞州最安全銀行」,講個credit rating嘛,講借錢存錢畀佢好安全之嘛,nothing to do with 保險箱喎。況且,to be fair,班友個個都拎一大舊錢和解啦,幾大舊冇人知,non-disclosure 嘛,但,肯定好大舊掩口費啦。Fair enough 啦。
30. 拿,有呢段,你可以肯定唔係廣告post啦。
(*)這很經典 — https://bityl.co/8SED
(**)我成日都話,香港地呢,屯門街市師奶都識講引伸波幅,金融普及程度肯定全球首位,啲咩學者話香港人金融知識不足都戇鳩。Try me,你去紐約去倫敦街市,試下問人咩叫縮vol?
==============
一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1900人訂! 畀年費仲有85折,20/40年費VIP 送本人著作一本。
==============
唔吹頭瞓覺 在 ANDREW PONG Youtube 的最佳貼文
【你我情在(Bittersweet HomeKong)】Andrew Pong 龐景峰
ANDREW PONG 龐景峰
FAN PAGE: https://www.facebook.com/andrewpongofficial
INSTAGRAM:https://www.instagram.com/andrew.pong/
新歌《你我情在》我好想表達自己對香港社會的愛,所以做一首歌曲,告訴大家,社會上有很多愛,不單 單有男女愛情,其實平時我們可以用自己感受去表達出愛意! 社會日常生活遇到大大小小問題,原來身邊有人可以,不經意幫忙解決問題, 而且不追求 回報,不用答謝。因為隱形人對社會都係有種深深的愛!
今次整個 MV 用狗仔穿梭 8 個故事之中,從中輕輕鬆鬆,就可以幫到身邊朋友或者是陌生人, 將問題解決!
Scene 1 – 音樂篇:
年青人在街上玩 busking, 可以發揮自己對音樂的夢想和熱誠!
當年青人準備在街頭 busking 表演,一切準備就緒,但發覺結他無聲,以為結他出了問題 – 其 實只是未開電源掣,Soda 幫手在拖板按上電源開關掣,音樂聲出現!
Scene 2 - 情侶篇:
年青人愛情故事!
一名怕醜仔想送花俾一個心儀的女仔,但花唔靚 - 改換另一束靚花,成件事唔同晒,個男 仔仲傻頭傻佬唔知道,女仔收到束靚花勁開心!
Scene 3 – 藝術篇:
咖啡師是一位拉花藝術家,要有創作靈感! 咖啡師缺乏拉花靈感,狗仔突然跑入咖啡店,給咖啡師帶動了靈感,拉了兩杯有柴犬圖案的 咖啡給客人,人客非常開心!
Scene 4 - 機械篇:
對自己物質的愛,自己東西自己維修! 綿羊仔壞咗,司機將綿羊仔停在路旁,立即緊急維修,一地都是維修工具,但摸不到士巴拿, 只係用腳輕輕踢過去,司機不費吹灰之力不用再起身再瞓在地上, 可以繼續維修!
Scene 6 - 家庭篇: 低頭族盛行,小朋友呼喚媽媽可惜媽媽只顧用手機沒有理會,疏忽照顧兒童,但當發現兒子 有危難時,父母的愛便立即表露無遺!
Scene 5 - 團隊篇:
團隊精神是兄弟的愛!姊妹的愛!很熱血! 球場上失去足球,大家不會互相埋怨,反而重新得到一個足球大家又可以繼續去踢波!
Scene 7 - 科技篇: 老人家跟不上科技發展,生活上帶來問題,但同時間科技又可以把人類拉近距離,只是輕鬆 按一個掣,老人家便可以與孫兒視像通話!
Scene 8 - 尋犬及重遇篇 地球上不單有人類,人類亦要依靠大自然才可以生存。幫狗狗尋回主人,正正表達對動物的愛!
係我送給香港的情書!
Director│龐景峰 / Michelle Lau
Producer│龐景峰
Photography Director│Closer Production
Editor│Closer Production
Aerial Photography│Xeron Chan
Production assistant │Christie Lee
Music & Producer│James Ting @EbiasMusic
Lyricist│鄭敏
All Keyboard & Programming│James Ting @EbiasMusic
Backing Vocals│Andrew Pong
Artiste Management│Pauline Wong
男一號│柴犬仔Soda
興趣篇│Tiffany Ng吳天兒 / Aiden / JF
情侶篇│Melody Kan簡思恩 / 香蕉王子
咖啡篇│Sam哥
機械篇│Xeron Chan
家庭篇│Sofina So / 倬楠 (燒腩仔)
團隊篇│Lester Tam譚兆展 / Tam Siu Leung譚兆良 / Yau Kin Fai游建輝
科技篇│Michael Tse
重遇篇│Hailey Li
Special thanks to:
Rachel Pong@Stain Coffee+
Bevis @綿羊仔
#andrewpong #龐景峰 #bittersweethomekong #你我情在 #shiba #柴犬
唔吹頭瞓覺 在 港。故 kongguhk Youtube 的最佳貼文
夜幕低垂,坐着輪椅的黎志偉在一幢89層高大廈的外牆奮力向上攀着,然而風勢強如三號風球,攀爬的繩都被纏住,花了整個小時也難以解開,令他寸步難移,攀爬了超過10小時的他體能已超越了極限,加上強風令他開始開始失溫,令一直充滿毅力的他也要開始考慮終止挑戰……
黎志偉半生充滿不平凡的經歷,曾是職業攀石運動員、拿過4屆亞洲冠軍、最高世界排名第8、曾贏得長洲「搶包山」比賽,然而約10年前從人生的高峰墮下,遇到交通意外令下半身癱瘓,卻不阻他在輪椅上奮起,獲十大傑青之餘,更在4年多前坐着輪椅爬上獅子山。這些經歷令黎志偉有不少頭銜,但他到今日也強調自己是名「攀登者」。
攀登者的特質就是勇於接受新挑戰,在征服獅子山後,黎志偉的新挑戰就是爬上摩天大廈,這更是他健全時已有的夢想。籌備多時後,黎志偉終獲如心廣場合作,可以有機會完夢,而這次攀登的大廈高約320米,是爬獅子山時的約3倍。
黎志偉指自己交通意外後,做的事除了是自己想做外,也是希望有意義,因此是次挑戰除了為脊髓損傷患者籌款,也是希望在疫情下鼓勵市民面對逆境時不要放棄,「將獅子山精神帶到山下。」
挑戰一度因天氣問題延期,但終在1月16日早上舉行。黎志偉起步時風和日麗,但到他攀登了三十多層時風勢開始增強,比他想像中大風,「有陣風吹到我無辦法控制自己,有幾下係人同輪椅一齊撞到玻璃」,攀爬的繩更一度纏住,已令他差點要終止攀登。
幸而問題得到解決,黎志偉可繼續攀登,且愈戰愈勇,「65樓去到70樓係爬得好快,其實心裏都有90%把握最尾可以爬到上頂,但無奈最終就係遇到我哋登山者最大嘅難題,就係天氣。」當時風刮得更加大,風勢強如三號風球,「將我喺70樓高空坐住海盜船咁,飛左飛右過咗3、4米以上。」
強風更令繩再次纏着,經歷一個小時的掙扎,不論自身的技術、或是支援的繩索隊都無法解開繩索,情況更令身經百戰的黎志偉有一絲的恐懼,不停要拍自己的頭令自己不要害怕、再想辦法向目標進發。
黎志偉當時已攀爬了超過10小時,體能已超越了極限,8隻指頭都長了水泡、身體各處也輪着抽筋,然而他卻形容自己當時的身體狀態是進入了另一境界,「係調節得好好,去到以前攀石比賽高度集中嘅狀態,其實嗰個狀態係好正,亦覺得係可以成就大事,超越咗自己意志同體能。」
「嗰種狀態真係喺受傷之前、十幾年前,真係運動員階段嘅黎志偉」,也是牽動了他的情緒,「就係拎返運動員嘅要求,只有成功同失敗、無任何藉口,嬴就係嬴、輸就係輸,嗰刻我都好難說服自己話我爬唔到、我要放棄呢次攀登」,因為目標近在咫尺,「只要畀多我40分鐘內嘅時間,我就可以爬到上頂。」
無奈繩就是解不開,黎志偉經歷大半小時的掙扎,始終要開對講機跟隊友說要停止攀登,「好多人都唔信我會講呢句說話」,在等待協助的約20分鐘,對黎志偉也是煎熬,「好唔開心、好想喊,但係不停叫自己頂住,亦都說服自己,呢個係最明智嘅決定,因為我已經沒無辦法再前進,如果繼續僵持落去,只會令整個團隊愈來愈辛苦。」
回到大廈內,黎志偉也要面對其他人,因為當日有不少傳媒報道活動,更有不少市民在網上甚至現場支持自己,要在這麼多人面前承認自己失敗,是難以開口的,「我覺得係辜負咗大家對我嘅期望。」
完了儀式後,黎志偉拖着疲倦的身體回家,「諗住可以瞓好耐,點知原來係瞓唔到」,其實他的心情是未平復的,「我覺得應該係自己未放低嗰份執着、嗰份成功與失敗之間嘅掙扎。」
失眠的情況持續了數天,已經開始影響黎志偉的思維與日常生活,他知道不是辦法,就選擇面對心底那根刺,回到大樓下,望了3、4個小時,除了想如何可以解決繩被纏住的問題外,也是再一次跟自己說要放下這事情,及放下運動員的黎志偉。
黎志偉的確在大廈外爬了250米,是全世界第一個坐輪椅爬摩天大廈的人,他不成功的經歷也令更多人留意事件,「帶出嘅訊息係比我爬到上頂更加成功,因為大家都會感受到係件好困難嘅事」,他說這總算沒有浪費辛苦攀登的目的,「其實都想鼓勵大家幾艱難都好、盡力去做,一切盡自己能力後,就交畀個天,最重要係做到自己無憾。」
可是,對黎志偉而言,這件事一直都會是他的遺憾,他不諱言這段經歷令他更加成熟,,因為他能夠對自己坦白,「我夠膽同自己講我失敗咗、我承認呢次係失敗,可能換轉以前角度嘅我,會覺得今次係成功。」
他也希望其他人也對自己坦白,「每一個人生都係屬於自己,你唔需要如人交代、都唔需要模仿人,去做返自己、去演活你自己,你嘅人生先會豐盛同精彩」,也鼓勵大家追夢,「無論你傷殘又好、健全又好,只要你抖緊氣,就去追你自己想做嘅嘢,唔好畀自己生命太多遺憾。」
唔吹頭瞓覺 在 爆頭仔 poonpoon1997 Youtube 的最佳解答
男朋友瞓緊覺同埋背景冷氣機聲好嘈??♀️
如果聽得唔清楚或者太辛苦,後段可以再拍過??
00:00 intro
01:05 擴耳所需工具
02:00 清潔耳環+耳窿
03:20 8mm擴耳過程
05:10 結果
06:05 擴耳經歷分享
07:58 擴耳耳環分享
11:16 6mm擴耳失敗
This video is NOT sponsored.
✥http://instagram.com/poonpoon1997
✥https://www.facebook.com/DebbyDomo
FAQ:
✥How old are you? 23
✥What camera do you use? Canon g7x mark ii
✥What editor do you use? Filmora 9
✥Where are you from? Hong Kong
✥How tall are you? 165
Thanks for watching guys!
#記得按訂閱開鈴鐺 #擴耳 #Stretchingear