關於 喜 寶 illuma ，我們在網路上蒐集到這些相關的討論、資訊與評價

【限時兌換獎賞1,000,000里數】
wow.......全港首次惠氏營養品 X「亞洲萬里通」crossover，今次真係幾正架！岩晒儲開asia miles既媽媽們喇，儲得黎就夠一家大仔去旅行啦！（雖然感覺去旅行是距離我好遠好遠的事......）jen仔就黎三歲但仍然係奶癡一名~仲係飲緊ILLUMA架，加上我陀住妹妺都有食藻油DHA同MATERNA，呢個月買埋最後呢轉就可以賺盡asia miles！

由即日起至2018年年底，凡係萬寧購買illuma 產品 (包括Stage 2/3/4及婦女營養產品), 即可享HK$2.5=1「亞洲萬里通」里數 (上限為6,000里)，優惠到5月31日就截止喇，千奇唔好錯過呀！細則條款可以去呢度睇下：https://www.points.wyethnutrition.hk/

【全新積分獎賞計劃 全年盡享精彩禮遇 】

PROMAMA®惠氏媽媽® X 香港萬寧Mann Card 推出全新尊尚獎賞積分計劃，憑積分換領禮遇之餘，還可儲到萬寧MannCard 積分! 立即登記，憑萬寧Mann Card 到香港萬寧購買 PROMAMA®惠氏媽媽® 產品，單件產品消費淨額每滿HK$5可賺積分1分，累積指定分數換領尊貴禮遇，精挑細選的禮遇超越您想! 當中更包括惠氏®營養品 X「亞洲萬里通」首度合作，憑積分兌換飛行里數，現更推出限時分享1,000,000里數優惠，以低至HK$2.5兌換1里數! 全年驚喜不定期推出，請密切留意我們的最新動向！

尊貴禮品其中包括：
親子同樂遊 👨‍👩‍👧：亞洲萬里通飛行里數
時尚生活👠： Mesasilla 大豬兒自主書畫架（建議零售價：$499）
待產之選🤰🏻：Mezoome 寶寶有機毛氊（建議零售價：$339）
現金禮券💵：Starbucks 50元現金券 5張（建議零售價：$250）

立即瀏覽禮品集: http://bit.ly/2HmRTcd

#Wyeth #PROMAMA #Pregnant #積分獎賞

獨一無二，屬於我和Krystal穎寶寶的「魔術方塊」！喜歡極了！

#ILLUMA
@Frement_PR @周美鳳Lelia周董
​​​#楊思琦 #szekikk #楊思琦szeki #RubikCube

《寶血開刀生產全紀錄》

小芊羽係喺長沙灣嘅寶血醫院出世嘅，當初揀呢間冇咩人諗起有得生BB嘅私家醫院都有四大原因：
一，張智醫生註診
二，同屋企只係5分鐘路程
三，香港人免費upgrade二人房
四，價錢超值

由2016年12月16日發現芊羽嘅存在，Wilma媽就同所有媽媽一樣，突然沈迷睇各大媽媽論壇。
關於張智醫生嘅激讚文經常出現，睇完之後再做research，知道張醫生係零負皮，就決定搵呢位醫生開刀接生。

寶血、港安、法國呢3間醫院都係當時張醫生有掛單，經過2個星期research，就決定Book有好多優勝之處嘅寶血醫院指定張智醫生產檢同開刀喇！（等咗個半月，醫生先幫倒我做第一次產檢，期間搵咗另一位我做開婦科檢查嘅盧佩雲醫生睇住先）

咁言歸正傳，講返開刀流程。
由於Book咗7月20日朝早9點就開刀，所以醫生就要求我早一晚就入院做登記、檢查胎心等等。以下係手術前嘅程序：

19/7 8:00p.m.
-產婦先上3樓產科病房，去到護士站會有護士幫你安排入院手續（帶齊身分證、醫生俾嘅入院信、$6000按金收據），呢個時候姑娘會叫你先生落地下會計部交多2萬蚊按金。

-姑娘帶產婦去收症室，佢會問你一大堆問題例如BB出世會補邊隻奶粉（就算你打算餵人奶都要揀一隻，市面嘅大部分牌子佢都有得揀包括幾新下嘅Illuma）、BB會唔會喺寶血做埋聽力測試等額外收費檢查，簽文件，量血壓、度高磅重，然後姑娘會叫你瞓上床，有另一位護士會幫你修剪下體毛。

-做哂上面嘅嘢，先生都辦完按金手續，姑娘就會帶你去你嘅床位（Wilma媽好好彩有位去二人房，因為如果太full，醫院就安排唔倒二人房了）

-驗一驗小便check糖尿，換好自己睡衣，姑娘就會俾個夾手指你，要喺床上面check半小時胎心，同keep住會有人定時黎check血壓

-check完胎心大概係9點幾，就可以自由活動～但留意返探訪時間係朝早8點到夜晚10點，一到10點姑娘就會好準時趕人㗎喇！

*呢晚一定要沖涼，因為之後3晚你都唔會沖🙊
*12點前好食多啲嘢，因為12點後係唔可以食嘢飲水！

20/7 7:30am
-產婦做好梳洗👀，換好手術袍戴好手術帽，姑娘8點幾就會要你瞓上另一張床準備被推去同層嘅手術室

-入到手術室出面有個area，會有手術室姑娘同你簽半身麻醉文件，麻醉醫生會同你打招呼～

-今次真係入手術室喇！！😱😱最緊張嘅時候開始，會有姑娘幫你過床，麻醉科醫生會叫你打側弓起背，然後喺背脊打麻醉針。因為凍一凍，我第一次不自覺地縮一縮，要再打過，所以記住做好心理準備唔好縮呀，其實唔痛㗎！

-慢慢你會feel倒下半身好麻，仲好想嘔！咁麻醉師會test下你係咪真係冇知覺，到麻醉成功，佢地會幫你插尿喉（揀麻醉後先插要加4百幾蚊），張醫生都入到手術室，就會叫你先生入黎坐你旁邊陪你。

-手術過程好快，你身邊嘅麻醉師、姑娘、醫生同你會不停傾計，你根本冇空間去緊張去到邊個step。手術開始咗10分鐘，醫生就會話：我地宜家會推一推你個肚推BB出黎喇！

-只係一秒，麻醉師一下就將BB推出黎，醫生就話：BB出咗黎喇！係囡囡！恭喜哂！

-期間會有位護士不停幫你地影相，BB極速剪臍帶、抹身後，姑娘會捧俾新任父母影第一張合照👨‍👩‍👧

-跟住護士就會請爸爸同抱BB出去，醫生就會繼續幫你聯針😬

手術完成，姑娘幫我地再影多張即影即有出院嘅時候俾返我地留念。媽媽就返病房休息，要到24個鐘後拆尿喉落得床先可以自己行去BB房睇BB同埋身親餵喇💁🏻

成個手術過程都係20分鐘左右，完咗手術當日只可以食粥水，到第三日先可以食飯。

想餵母乳嘅媽咪可以同姑娘講，咁佢地就會提你每4小時餵一次（如果BB輕，兒科醫生會叫你每三個鐘餵一次）

醫院可以訂早午晚餐，不過因為奶奶每日送湯送飯過黎，Wilma媽淨係試過一餐午餐，都幾好食㗎！

而總括黎講，Wilma媽呢5日4夜都過得好愉快，出院當日因為8號風波，姑娘都提早準備好文件俾我地隨時出院，最後5日4夜埋單價係4萬6千，真係物超所值！！

另外仲有以下溫馨提示💡
❗️寶血生產package本身包梳洗包（內有牙刷牙膏面巾沖涼液洗頭水），亦有1包產婦衛生巾、一包網褲、一個沖洗瓶同一包床墊。但媽媽們最好產婦衛生巾、網褲同床墊都各買多一包，因為未必夠用呀。

❗️尾二嗰日醫院會送一大袋禮品包同相簿，叫老公拎走哂先，唔係到出院真係拎唔哂㗎！

如果大家仲有關於住院問題，歡迎留言或Inbox，希望幫倒各位考慮喺寶血生BB嘅準媽媽！