前兩日，我哋趕尾班車，趕係 #大澳水鄉花燈節2020 完結前，到此一遊🥰全部花燈都係手繪，真係個個都唔同，真係好靚😍可惜我哋遲去，星期六去已經無亮燈儀式，不過都唔緊要，mark 定下年早啲去🙂
我好推薦大澳呢個地方，好適合一家親子遊，以前同嶠爸拍拖都有嚟過！大澳話大唔大，話細都唔算細，慢慢行，其實都係一程享受！而今次唔同嘅係，我哋睇咗 #貓町媽媽親子玩樂扮靚日誌 嘅介紹先知，原來東涌有船搭入大澳㗎😍我哋就決定試一試☺️
我哋係東涌東薈城行去「東涌新發展碼頭」，大約要20分鐘，去到碼頭時間尚早，我哋就去咗東涌海濱長廊打卡，真係好靚好靜都好少人！係見到好多人踩單車經過，而且仲可以望到 #昂坪360 ，真係好靚嘅風景。
而東涌去大澳嘅船得3班，每架船都可以坐到約90人，當然架船都唔算爆啦！不過搭船都用咗差唔多50分鐘，都算耐，不過坐船嘅風景就真係比坐巴士更靚，更舒服🥰所以真係好值去坐，但船嘅費用就比巴士貴一倍，我哋就去程坐船，回程坐巴士🚌。
一落船就撞正日落時間，大澳嘅日落真係真係真係超級靚！一路行，一路望住個咸蛋黃，真係好鬼正😍另外，我哋每次去大澳，都必定會去 #車站豆腐花 到食豆腐花，仲有佢嘅 #陳皮魚蛋 😋
上次同朋友去大澳，仲行埋 #大澳虎山 ，一個好靚又易行嘅山，我諗係上面睇埋日落，仲更加完美。下次我哋就一定會行埋去 #大澳文物酒店 到參觀，同大家分享更美嘅大澳😊
回顧大澳虎山遊：https://www.facebook.com/1111159955676095/posts/2914771591981580/?extid=0&d=n
#大澳一日遊 #大澳水鄉花燈節 #聲尾班車 #東涌新發展碼頭 #東涌海濱長廊 #搭船入大澳 #好好嘅體驗 #大澳日落 #親子好去處 #親子遊大澳 #香港親子好去處 #芊嶠與劻霖成長日記
