Supper Moment 今年成軍 15 週年，準備開演唱會紀念。近幾年佢地聲勢大不如前，一直受網民批評，佢地就決定拍片反擊，更激動爆粗，回應網民各樣指控。
指控一：上開心大綜藝做小丑
佢地早前上 TVB 開心大綜藝，同修哥合唱《舊歡如夢》等老餅歌，被網民形容為「淪落到做馬騮戲」「慘不忍睹」。佢地喺片段入面食住飯回應：「真係好嬲，可惡呀！點解要話修哥！要話我地！」Sunny 同阿雞就串爆回應：「食飯啦，有飯好食喇！啲飯仲暖，定人情冷暖呀？」鼓手阿達就話：「呢啲唔係電視啲飯（指拍劇道具飯）」阿雞就回應：「邊個電視台？咩電視台我都上！」
指控二：潛水
有網民指佢地近年默不作聲，佢地喺片入面就解釋呢兩年嚟都做緊音樂，唔明點解俾人話潛水，亦指樂隊好蠢：「唔識喺 social media 經營自己形象。」成員 CK 就話：「明就明。」佢話花咗好多時間做嘅新碟，最後俾網民「話 X 你新碟唔 X 貼社會議題」，主音 Sunny 亦和應，話佢地都有自由想做自己鍾意嘅音樂，而阿達更指樂評同社評應該分開，而 CK 就覺得網民期望佢地唱「嗰啲嘢」、「你無唱佢想聽嘅嘢，佢就可以隨意 X X 你。」
指控三：違背初心
Supper 嘅成名作《無盡》入面嘅熱血歌詞經常被人引用，不過佢地近年就被網民指對唔住《無盡》呢首歌，被標籤為「搖滾叛徒」，佢地就狀似輕鬆地回應：「搖滾精神係咩？係反叛？係一定要反一啲制度？咁鬧我地『搖滾叛徒』都係另一種稱讚！」Sunny 就自說自笑，話：「連搖滾都背叛埋，咁真係無人夠我地搖滾！哈哈哈！」
指控四：搵人仔
曾有網民指控佢地 2019 年北上搵人仔，佢地四個就反擊，話好耐以前演唱會一樣有內地巡演，唔係今時今日事：「當年大家又冇唔高興？」佢地亦解釋 2019 年有去加拿大、日本、西班牙、美國等地，CK 就話：「啲人而家話我地剩係搵人仔呀！我都想搵港紙呀，加紙、美金、日圓都想搵！」Sunny 就覺得大家可能忘記咗做音樂要錢：「無錢點錄音？」
佢地更講到有人鬧埋佢地已故經理人 Gary，四子好大反應，話做人要有同理心，唔好鬧埋佢：「我地對唔對得住 Gary，好多事我地自己知，唔需要話俾人聽。」
小 ck 西班牙 在 小ck開箱！輕鬆get Wendy同款- 女孩板 - Dcard 的推薦與評價
簡單介紹一下這次是小ck跟西班牙的一個藝術家COCO CAPITÁN聯名合作，這次的風格主要是以藍色小雛菊及「Loves Me Blue, Love Me Blue Not. ... <看更多>