📍ᴍᴏɴɢ ᴋᴏᴋ, ʜᴏɴɢ ᴋᴏɴɢ 🇭🇰
<郊遊打卡必備花花三文治|和菓治>
日式水果三文治其實都已經唔算係啲咩新鮮嘢，喺日本都已經興起左一段日子，但香港就好似一直都冇一間舖頭真正賣呢一類嘅產品，對於超級懶嘅小編來講絕對係福音，因為想買來打卡已經好耐，而且啲花花水果三文治真係好靚呀！難得見到香港終於開咗一間專做水果三文治嘅專門店，當然要去試一試啦！
和菓治 Wakashi係一間由日籍總廚監修做日式水果三文治嘅店舖。水果三文治以兩塊日本生吐司麵包夾住新鮮水果同鮮忌廉製成，而且店舖嘅水果三文治標榜每日新鮮製造，亦唔會留過夜，所以有啲特別款式係會比較搶手，想試或者有興趣買來打卡就要留意啦！
-
🍴台灣金鑽鳳梨三文治 / 靜岡蜜瓜三文治
評分：7.5/10
呢一款單一日式水果三文治算係店舖入面買相最平實嘅一批，口味方面除咗有金鑽鳳梨同靜岡蜜瓜之外，因應各種季節亦都會有唔同嘅調整，就好似之前都有推出過黃金櫻桃、無花果等等口味，所以定期都會有啲新口味可以嘗試一下。
水果三文治入口食落個生吐司非常鬆軟濕潤，而且有淡淡嘅奶香味。鮮忌廉嘅份量適中，而且忌廉嘅味道同質感亦都唔會太甜和太膩。兩款水果三文治所帶出嘅感覺亦略為有少少不同，鳳梨本身帶有少少酸酸甜甜配上味道香甜嘅鮮忌廉令整件三文治味道變得比較清新；而靜岡蜜瓜本身味道清甜多汁配上奶香味十足嘅鮮忌廉，成件事真係超級夾呀！整體來講每款水果三文治嘅味道都各有特色，雖然味道方面一般唔算話太特別，但買來野餐都係一個唔錯嘅選擇！
價格：HKD $36
-
🍴 草莓奇異果三文治 / 蜜柑奇異果三文治
評分：7/10
花花水果三文治絕對係打卡必備嘅選擇，除咗以上呢兩款花花款式之外小編亦曾經有見過黑提奇異果呢一個配搭，但真係甚少出現啦。除此之外店舖亦都有曾經推出過熊熊花三文治，真係每一款都非常可愛㗎！
花花水果三文治嘅外表真係超級靚呀，用草莓同蜜柑扮花朵，而奇異果就扮柄，真係少啲心機都砌唔到出嚟啊！不過兩款花花水果三文治嘅生吐司質感上都略為有啲乾身，而且為咗填滿水果旁邊嘅空位用上左大量鮮忌廉，所以整體感覺都有啲膩。兩款返返水果三文治來講小編就會較為鍾意草莓奇異果嘅配搭，因為本身草莓味道酸甜會令整體嘅味道更加突出，相反蜜柑奇異果本身係一種比較淡味嘅水果，而且比較多汁感覺上就較為一般，而且都唔係好食得出有蜜柑嘅味道只係食得出柑嘅質感相比之下就有少少比下去嘅感覺。整體來講，花花水果三文治真係超級靚，打卡影相絕對係不可或缺，但味道方面就真係比較一般，性價比略為有啲低。
價格：HKD $42
——————————
店舖名稱：和菓治 Wakashi
環境：3/5
服務：4/5
地址：旺角亞皆老街8號朗豪坊4樓K403號舖
交通：港鐵旺角站C3出口，步行約5分鐘
——————————
#hkfoodie_life_旺角
附近鐵路沿線仲有咩食👇
#hkfoodie_life_觀塘綫
#hkfoodie_life_荃灣綫
同類型食物嘅介紹👇
#hkfoodie_life_日本菜
小熊菓子價格 在 小熊菓子- Home | Facebook 的推薦與評價
小熊菓子 · 4,754 people checked in here · +886 4 833 9122 · [email protected] · http://www.bearbakery.net/ · 小熊菓子｜ 北斗店 04 - 887 7286 彰化縣北斗鎮斗苑 ... ... <看更多>