關於 小米10t lite vs poco x3 pro ，我們在網路上蒐集到這些相關的討論、資訊與評價

#香港5G #2021手機評測

小米旗下嘅紅米手機一直都係性價比之選，佢哋喺 2021 年頭推出嘅 5G 手機 Redmi Note 9T，喺入門 5G 手機市場入面，叫座力都幾好，今日就同大家做個開箱睇下！

Redmi Note 9T 機背用上有特別紋理設計嘅塑膠機殼，使用時一隻手拎都無問題。機身右側有附設指紋識別器嘅電源制同音量鍵。下方有 Type C 充電口，同 3.5mm 耳機插頭。左側有真三卡設計嘅卡槽，可以同時放入兩張 5G Nano Sim Card，做到 5G + 5G 雙卡雙待，再加多張 MicroSD，就可以擴充至最高支援 512GB 嘅儲存空間。

Redmi Note 9T 採用咗 6.53 吋 FHD+ DotDisplay 開孔屏幕，設有AI人臉解鎖功能，而處理器配備咗 聯發科 天璣 800U，內置有 4GB Ram。等我哋試下睇片先！畫面出到嚟都算清晰，而顏色就比較鮮艷，再開多個新聞資訊節目睇下，喺多行走馬燈之下，畫面都保持到流暢，收貨啦！值得一提嘅係，佢機身上下側都有立體聲喇叭，喺打機睇片嘅時候，都有比較好嘅音質體驗。

再試埋 Redmi Note 9T 主打嘅 5G 雙卡雙待先！喺室內嘅情況之下，兩張卡分別出到嚟嘅速度都算穩定！配合埋佢嘅 Wifi 熱點功能，隨身帶住當 5G Wifi 蛋用都無問題。

呢部 Redmi Note 9T 嘅前置鏡頭有 1300 萬像素，而後置三鏡頭就由 4800 萬像素主鏡頭、200 萬像素景深及微距鏡頭組成，最高可以拍攝 4K 30fps 影片，有微距模式、人像模式、同夜景模式等等選擇。好! 等我試下影張相先，影出嚟嘅相絕對冇問題，日常生活應用嘅話，呢部機應付都有餘。

電量方面，Redmi Note 9T 有 5000mAh 嘅電池，支援 18W 快速充電，只要差滿電，用足一日甚至兩日都無問題。

呢部機香港已經有售，4GB Ram + 64GB 或 128GB 內置儲存空間版本，分別賣緊 HKD $1,599 同 HKD $1,799，有日暮黑同晨曦紫兩隻顏色選擇。以呢個價錢嚟講，仲要有 5G 雙卡雙待，同 5000mAh 嘅大電量，都算抵玩。

小米旗下品牌 POCO 早前發佈嘅 POCO X3 NFC 主打實用性同打機功能，以高性價比號稱嘅佢，究竟拎上手用落係點樣呢，我用咗一排，我哋一齊黎睇下！

POCO X3 NFC機背使用聚碳酸酯物料，雖然無玻璃設計睇落咁高貴，但拎上手一啲都唔膠。機身上，右側有內置指紋辨識器嘅開關鍵同音量鍵，底部有喇叭、充電位、3.5mm耳機插頭，而左側就有雙卡槽位，用家可以選擇雙卡雙待，或一張Nano Sim卡配最高256GB嘅microSD卡。

POCOX3 NFC 配置咗高通 Snapdragon 732G 處理器，使用6.67吋 FHD+ DotDisplay 開孔式屏幕，最高可以支援 120Hz 嘅屏幕刷新率，同240Hz 嘅屏幕觸控更新率。等我哋睇片試下先！畫面色彩自然，夠sharp之餘，喺120Hz刷新率下亦都十分流暢。我哋再開埋個新聞資訊節目睇下！喺有多行走馬燈嘅情況之下，都保持到順暢，真喺唔錯！

考慮到唔少人會用呢部電話嚟打機，咁上網速度固然重要啦！咁等我試一試個Wifi速度先！OK唔錯！再試埋Sim卡上網，喺室內嘅情況下都有呢個速度梗係收貨。

鏡頭方面，POCO X3 NFC採用4鏡頭設計，包括 6400 萬像素主鏡頭、1300 萬像素 119 度超廣角鏡頭、200 萬像素嘅景深同微距鏡頭，而前置就有 2000 萬像素鏡頭。喺日光環境下，相片質素大致唔錯，放大睇亦都唔會太曚。喺夜景拍攝嘅情況下，畫面顏色會比較鮮艷，雖然細節位會比日間曚，但以呢個價位嚟講，合格收貨有餘。

呢部機有 5160mAh 嘅電量，支援 33w 有線快速充電，只要唔係長期睇片同打機，電量都可以使用兩日。佢亦都支援NFC，可以配合 Google Pay 使用，方便晒大家出街俾錢。

另外，呢部機都支援 Wifi 分享功能，手機 connect 住一個 Wifi，之後仲可以用呢部手機開埋 Wifi Hotspot，好方便㗎！

POCO X3 NFC香港已經有售，6GB RAM加128GB內置儲存空間版本，賣HKD$1699，有灰色同藍色選擇。對於日常經常睇片同打機嘅人，呢個價位絕對值得入手。

今天是小米10T 5G系列發佈會，這3部手機是今次發佈會的主角，我們來了解一下這個發佈會有什麼特別！

之前已介紹小米10T 5G系列，這系列即將在香港正式推出。根據小米香港及台灣營運總監鄭景鴻先生表示，今次Mi 10T 5G系列，以「玩出無限可能」作為賣點，除了用上頂級硬件配置外，相機亦有很多有趣的功能！

首先，測試「魔法分身」功能。只要用腳架固定手機，再開啟相應的功能，接著便分別站在四個不同位置，擺好姿勢便可！正所謂若要人似我，除非四個我！

分身影片功能同樣出色！我們找一個 Model 示範一下！開了這模式後，首先系統要正確找到Model的位置，再按下錄像鍵，就可以在指定時間做出動作，完成後再尋找另一位置再做一次...... 過程十分簡單！

接著試一試10T系列的長曝光模式！猜一猜寫了什麼字？

Mi 10T 全系支援5G連接，雖然會場5G接收不太強，我同時以Samsung Galaxy S20 Ultra和 Mi 10T Pro做一個5G測速供大家參考！

小米10T系列將在2020年11月6日預售，11月12日正式公開發售。價錢亦相當吸引，Mi 10T Lite、Mi 10T以及 Mi 10T Pro將會以$2099、$3399及$3699發售。如果想回顧這三部機的介紹，亦可觀看以下兩條片！