關於 小米33w 充電 頭 網 ，我們在網路上蒐集到這些相關的討論、資訊與評價

#小米#Mi11i#開箱評測

小米嘅 Mi 11系列一直都受市場歡迎，而小米新推出嘅 Mi 11i 更加擁有超高性價比，今日就同大家做個開箱睇下！

呢部 Mi 11i 使用雙玻璃面設計，配備高通 Snapdragon 888 處理器，同採用 6.67 吋嘅 FHD+ AMOLED 開孔式屏幕，最高支援 120Hz 更新率同360Hz 觸控採樣率。機身上，佢嘅右側設有音量鍵，同可以用作指紋感應器嘅開關鍵。而佢嘅下側就擁有支援 5G 雙卡雙待嘅 Sim 卡槽同Type-C 充電口。

等我哋試下用嚟睇片先！喺 120Hz 嘅更新率之下，畫面睇落好流暢，而且整體色彩自然。開多個有多行走馬燈嘅新聞資訊節目睇下！無 lag 之餘，畫面都依然保持到流暢度，認真唔錯！
再睇埋 5G 上網嘅速度！喺室內嘅情況下，都有呢個水準，就算打機、煲劇都可以輕鬆應付喇！

Mi 11i 其中一個主打賣點就係佢嘅拍攝功能，佢嘅後置三鏡頭由 1 億 800 萬像素主鏡頭、800 萬像素廣角鏡頭、同 500 萬像素微距鏡頭組成，等我哋睇下影相出到嚟嘅效果！佢嘅AI拍攝功能都好出色，等我再試幾個俾大家睇！

好喇! 同你試多個特效，如果你用呢部手機拍片嘅時候慢慢放大影片嘅畫面，你會聽到我講嘢嘅聲音都會越嚟越大聲，效果就好似而家咁！

Mi 11i 擁有 4520mAh 嘅電量，支援 33W 快速充電，即使全日使用 5G 網絡都足夠應付。

呢部 Mi 11i 香港已經正式開賣，8GB RAM + 128GB內置儲存空間款賣HKD$3,999，而8GB RAM + 256GB 內置儲存空間款賣 HKD$4,399，有冰霧白、太空銀、同宇宙黑 3 款顏色選擇。

小米旗下品牌 POCO 喺 2021 年 3 月 22 日發佈全新旗艦手機 POCO F3，呢部機其實係早前喺內地發佈嘅紅米 Redmi K40 嘅海外版本，今日就同大家介紹下！

POCO F3 採用 6.67 吋 FHD+ AMOLED 開孔屏幕，支援 120Hz 更新率同埋360Hz 嘅觸控採樣率，無論畫面同埋時延嘅表現都相當理想，而且喺猛烈嘅陽光下都可以清晰顯示屏幕內容。佢配備今年最新嘅高通Snapdragon 870 旗艦級處理器，機身嘅電源制可以用作指紋辨識解鎖。

POCO F3 支援 5G 網絡、雙卡雙待、亦支援 WiFi 6 高速連線、備有紅外線發射器同埋支援 NFC 技術，運行 MIUI 12 for POCO 介面。另外，POCO F3 亦都有 LiquidCool 1.0 Plus 液冷技術，有效降低使用時嘅機身溫度。

呢部機嘅前置鏡頭有 2000 萬像素，而後置 3 鏡頭就由 4800 萬像素主鏡頭、800 萬像素 119 度超廣角鏡頭、同 500 萬像素長焦微距鏡頭組成，支援 Audio Zoom 音源變焦技術及 360 度收音，亦有多款拍攝模式例如Magic Zoom、Time Freeze、同 Parallel World 等等，啱晒鍾意影相同特效嘅人。

電量上，POCO F3 配備 4520mAh 嘅電池，支援 33W 快速充電，就算全日開住 5G 都無問題，絕對足夠應付。佢仲有立體聲嘅雙喇叭，支援杜比全景聲，確保用家有優質嘅聽覺體驗。

POCO F3 有內置 6GB Ram + 128GB 儲存空間，同 8GB Ram + 256GB 儲存空間兩款版本，官方建議售價為 349 歐元及 399 歐元，香港嘅賣價就有待官方公佈，估計大約係 HK$3000 左右。

小米旗下品牌 POCO 早前發佈嘅 POCO X3 NFC 主打實用性同打機功能，以高性價比號稱嘅佢，究竟拎上手用落係點樣呢，我用咗一排，我哋一齊黎睇下！

POCO X3 NFC機背使用聚碳酸酯物料，雖然無玻璃設計睇落咁高貴，但拎上手一啲都唔膠。機身上，右側有內置指紋辨識器嘅開關鍵同音量鍵，底部有喇叭、充電位、3.5mm耳機插頭，而左側就有雙卡槽位，用家可以選擇雙卡雙待，或一張Nano Sim卡配最高256GB嘅microSD卡。

POCOX3 NFC 配置咗高通 Snapdragon 732G 處理器，使用6.67吋 FHD+ DotDisplay 開孔式屏幕，最高可以支援 120Hz 嘅屏幕刷新率，同240Hz 嘅屏幕觸控更新率。等我哋睇片試下先！畫面色彩自然，夠sharp之餘，喺120Hz刷新率下亦都十分流暢。我哋再開埋個新聞資訊節目睇下！喺有多行走馬燈嘅情況之下，都保持到順暢，真喺唔錯！

考慮到唔少人會用呢部電話嚟打機，咁上網速度固然重要啦！咁等我試一試個Wifi速度先！OK唔錯！再試埋Sim卡上網，喺室內嘅情況下都有呢個速度梗係收貨。

鏡頭方面，POCO X3 NFC採用4鏡頭設計，包括 6400 萬像素主鏡頭、1300 萬像素 119 度超廣角鏡頭、200 萬像素嘅景深同微距鏡頭，而前置就有 2000 萬像素鏡頭。喺日光環境下，相片質素大致唔錯，放大睇亦都唔會太曚。喺夜景拍攝嘅情況下，畫面顏色會比較鮮艷，雖然細節位會比日間曚，但以呢個價位嚟講，合格收貨有餘。

呢部機有 5160mAh 嘅電量，支援 33w 有線快速充電，只要唔係長期睇片同打機，電量都可以使用兩日。佢亦都支援NFC，可以配合 Google Pay 使用，方便晒大家出街俾錢。

另外，呢部機都支援 Wifi 分享功能，手機 connect 住一個 Wifi，之後仲可以用呢部手機開埋 Wifi Hotspot，好方便㗎！

POCO X3 NFC香港已經有售，6GB RAM加128GB內置儲存空間版本，賣HKD$1699，有灰色同藍色選擇。對於日常經常睇片同打機嘅人，呢個價位絕對值得入手。