我在大台短暫的日子
五,PA嘅「所有」職責 (下)
終於到重點,講拍攝階段工作。
拍攝主要分外景同廠景,外景有陽光時拍(除非要拍夜晚街外景啦),夜晚就返廠拍室內。正常嘅話,我們可以當一日外景拍攝時間係08:00-17:00,演員大約前一個鐘,即係07:00返到公司。不過,有啲演員會自己化妝唔返公司(要知道我地公司真係好鬼遠),咁我地就朝早去佢屋企樓下/ 將軍澳地鐵站接埋佢;有時如果要化特效妝,就要更加早Call Time。而PA就大概要06:00返到公司開始準備黎緊一日嘅工作。
08:00 - 17:00可能係拍到大概一到三個Location,視乎嗰場戲要幾耐,地點之間嘅距離等等,通常我地度schedule 時已經計好晒。如果順利嘅話無Over到(我拍咗個零月,好似只係試過一次Over),咁下晝六點就可以返到公司食飯、換衫化妝,19:00開廠。夜晚有時會係第二組導演頂替,有時就自己嗰組踩埋。如果踩埋,就可能一直去到24:00,甚至26:00(零晨兩點)或更夜。所以,有時PA嘅工時可以好長,我自己一日入面試過最長就係05:00-27:00,即係返足22個鐘,街景接廠景,真係幾攰吓。
以22個鐘為例子,我同我Senior零晨6點喺公司等(的士係唔會claim 足,最多只係60蚊,真係車錢都蝕埋畀佢),返到去第一件事就係check 野。上回都講過,我地拍攝前落好晒一堆單,又服裝又道具,所以嗰朝喺導演同演員們都未返黎之前,我地首先係要去服裝部同道具部確認晒當日出外景所需要嘅物件係正確,無出錯。如果係拍廠景都好啲,有乜事都可以即刻攞返,但外景出咗街先發現漏野就好大濟。檢查完服裝同道具(有陣時會有意外,例如係道具數量少咗,件衫借走咗等等,咁就仲要喺呢段時間執生),送晒上Book好嘅車,演員同導演就應該差唔多到。呢個時候我地會去化妝間睇吓演員人齊未,如果未到就要打埋佢地催吓。試過打畀個女演員,佢把聲仲係未瞓醒(嗰把聲,一般人聽唔到㗎LOL),好彩大台演員都住得近,就算遲都唔會太過份。大家都準備好,我地08:00正式出發。
去南生圍大概要成個鐘,09:00抵達,之後大家各自做準備。隨行化妝服裝幫演員補妝換衫(如需要);導演同攝影師傾吓要點拍(有時有動作戲,動作導演同替身可能要更多時間準備);PA就喺現場執頭執尾,確保大家拍攝順利。到Roll 機時,我地同導演一齊睇住個細mon。我地要即場寫低每一場戲係幾分幾秒開始同完結,大致拍乜,用途係方便日後做後期時剪接用。我覺得呢個Task 係超難,可以話係PA咁多個Task 最麻煩,喺最短時間要盡量清楚咁去記錄每一場戲,同時又要睇有冇野出錯(即係拍劇嘅破綻位呢),現場兵慌馬亂,其實無乜可能一心多用。導演事前亦會做咗功課,知道嗰場戲會拍幾多個Shot,有咩shot 要補,同埋空鏡等等。咁我地都要幫導演核對所有shot都拍晒,唔好等離開咗先醒起有咩甩漏。
PA喺拍攝現場會做嘅其他事,仲包括每場戲幫演員影連戲相(好彩嗰時已經有智能電話),等佢地知道呢場戲佢地有冇戴耳環、邊隻手戴錶、個髪型有冇咩特別等等(我合作嘅演員都好好,會自己記住,減輕咗我地嘅工作/壓力);街景人群管理:有時我地真係大街大巷拍戲,難免會有人圍觀。雖然已經會有外景組工作人員幫手,但有時我地PA都要出動同啲街坊講,叫佢地圍觀還圍觀,大家將就吓。
我地喺南生圍拍咗兩個鐘至12:00,完成呢個景,我地就去食個晏(時間係PA排Schedule嗰陣預到,餐廳就外景組同事搵定)。食完我地就去下一個地點,15:00抵達,演員們就喺車上換衫(如需要),其他人又好似朝早咁各就各位,就繼續拍攝。拍到黃昏,就返公司接廠景。
因為要繼續踩,食完晚飯,導演同PA跟手就去入廠睇吓個景有冇問題;演員們可以去化妝間補妝換衫或者休息下,又或者都入廠排戲。PA呢個時候又要再睇吓人齊未,因為可能有啲演員朝早唔使拍外景,所以佢係夜晚先黎(正確啲黎講,每場戲所需嘅演員都唔同,所以同一日,每位演員嘅Call Time 同完成時間都會唔同)。
對我黎講,入到廠,好處有幾樣。1. 有冷氣; 2. 可以三機拍攝(會快啲);3. 道具/服裝部都喺隔離,執生易好多;4. 個景係自己地方,少啲出意外機率;5. 拍攝時,PA同導演都係坐喺上邊間Panel房,導演基本上負責晒所有掣,PA嘅職責相對少啲。而壞處係:1.入得廠都夜,會眼瞓,大家工作效率難免都會降低少少; 2. 就算喺廠,但道具服裝都放晒工(化妝反而未),有起事上黎都未必有人幫到手。但總括,拍廠點都舒服過出去日曬雨淋嘅。
拍到26:00,終於完成一日嘅拍攝工作。演員們可以回家休息,其他工作人員執埋手尾,10-20分鐘內都走得人。PA就通常要多20分鐘善後,有時要還道具還衫(可能第二朝下一組人要用),有時要上返7樓office 做野。如果勤力啲嘅PA會選擇喺呢個時間上返去出黎緊幾日嘅單,又或者啱啱拍完發覺有野漏,要補要改Schedule等等,都要返上去搞,一搞就28:00先收到工。如果咁唔好彩第二朝又係06:00 Call Time,就喺公司瞓埋啦(我試過29:00收,梳化瞓一個鐘,06:00落去準備新一日工作)。如果無咁趕,咁我地可以搭公司車出觀塘或旺角,再自己轉車返屋企。而家諗返都覺得嗰時好鬼充實。學Error話齋,大台同viutv 一樣,其實都係CLS公司黎!
你地仲有冇野想知,不妨喺下面留言問下我。下回分享下幾件難忘事。
利申:以上都係好個人、好片面、好短暫,而且歷史久遠嘅經歷,並不代表所有PA嘅立場。
(圖片為n年前拍攝前夜總會廠景。)
同時也有10000部Youtube影片,追蹤數超過2,910的網紅コバにゃんチャンネル,也在其Youtube影片中提到,...
幫手 預 埋 我 viutv 在 Facebook 的最佳貼文
【《天與地》十周年 】
立即Follow游大東影視筆記MeWe專頁:http://bit.ly/3oFAEHM
2021年11月21日,是「2010年代唯一神劇」《天與地》首播10周年 (重溫劇集預告: https://bit.ly/35CwKrM) ,當年在監製戚其義和編審周旭明的帶領下,台前幕後製作出一套真實反映當下社會與人性的連續劇,無論角色勾勒,平行時空式的劇情推進,還有絕妙的對白設計 (https://bit.ly/38FNtwo) ,令本地劇迷震驚萬分:原來無綫電視可以拍出這種級數的港劇。 (詳見大結局最後一幕: https://bit.ly/2N1mLG5)
正正因為此劇在翡翠台播出,所以在收視低迷的情況下,依然能夠在網上掀起極熱烈的討論,後來更令大陸禁播,進一步「肯定」這套劇的地位,而片尾曲《年少無知》更於2013年元旦成為「叱咤樂壇我最喜愛的歌曲大獎」得主。 (https://bit.ly/3qkP1l8)
十年過去,香港何止死亡中,敢情說是已死了,各方面急速衰落倒退,重溫《天與地》的一字一句,更感唏噓。到底同一班底有沒有可能因為此劇10周年紀念而有新搞作?2020年11月底,我襯戚其義和陳豪有份投資的銅鑼灣甜品店開張活動期間,向身為監製的「阿戚」問個清楚,同時亦想看看他怎樣看港劇的未來。
##########
世紀疫症變幻莫測,香港早前疫情原本已轉趨穩定,但近日又出現第四波爆發,為減低傳播風險,戲院、劇院隨時要關閉,就連電影、電視拍攝進度亦有可能再次受阻。曾擔任亞視副總裁、現已轉職為亞洲心動娛樂(AMM)香港區副總裁的林文龍,早於今年6月接受《明報周刊》訪問時透露,已邀請前無綫金牌監製戚其義合作開拍新劇:「戚其義已跟我達成共識,會成為長期合作夥伴,他已開始埋班,正籌備下半年的工作。」奈何疫情狀況不明朗,連帶該劇的拍攝計劃亦突然變得「冇聲冇氣」,難道如外界傳聞因為林文龍「離開」亞視,轉投新公司AMM而無限期擱置?戚其義日前出席他有份投資的甜品店開業儀式時透露,新劇創作沒有停止,「其實冇停過,創作劇本唔需要喺條街度嘅。」
戚其義直言,今次為AMM合作的新計劃為30集時裝劇,預計明年3月開拍,現時劇本仍在籌備階段,「題材係時裝愛情片啦,(疫情下)呢個暫時嚟講係最安全。」他說,全劇會有30集,現時大約寫了三分一,所以選角暫時未有心水,「等個劇本再成形啲先!」至於今次新劇會不會再跟《金枝慾孽》(2004)和《天與地》(2011)的舊拍檔、編審周旭明合作?阿戚坦言這次創作劇本上沒有他,「佢好忙,要另外一啲同事幫手。」
提到「神劇」《天與地》,明(今)年將會是首播10周年,問阿戚會不會原班人馬再有新搞作,包括《天與地》續篇?「有㗎,其實年年都有(諗),唔一定係《天與地》,我哋呢班人成日都有聯絡,但問題係阿Mo(陳豪)又有細路仔,就會諗多啲嘢囉,我諗佢哋都比較穩陣啲,即係變咗唔同我哋,佢有小朋友。」當然疫情嚴峻也是無法成事的關鍵,「我諗睇個疫情啦,而家呢個環境、氣氛,好似今日(20/11)咁,爆咗廿幾宗,大家都好擔心。阿佘聽聞喺大陸,佢一來一回14日,我諗佢都唔會考慮。」
自從《金枝慾孽貳》(2013)離開娘家無綫後,阿戚已有幾年沒有新作推出,問他最近有沒有留意港劇?他說有看無綫的《殺手》以及ViuTV的《歎息橋》,都是跟他份屬老友的陳豪與林保怡作品,「睇《殺手》,阿Mo仲得囉(應付)啲動作,至於《歎息橋》,OK喎,我覺得(表達手法)幾新,同埋最緊要係成班人我都識,變咗佢哋響入面嘅用心我係睇到。」
「港劇仲有冇得做」是近年很多行內人都討論的話題,作為「金牌監製」,阿戚以肯定的語氣說:有!理由在於港劇的味道難以取代。「始終你講嗰個競爭市場係喺大陸呢,我哋港劇仲係快啲嘅,可能我哋嗰個(創作)空間呢,而家仲可以嘅。」問他有哪些改善建議?他認為現在不是時候講這個問題,「我諗要改善,真係要靠我哋創作同製作,最緊要睇投資方,同埋成個市場,如果個市場去到個氣氛咁樣呢,你都唔好講改善住,我覺得大家要配合番而家個需求先,即係改善嗰啲,我諗係等大家百花齊放嘅時候就有得講。」
原文刊於《香港01》:http://bit.ly/3i9Q70u
(原本標題為「林文龍邀請為AMM創作時裝劇未因疫情停工 戚其義:預出年3月開拍」)
【 延伸閱讀 】
2010至2019年自私選十大港劇:http://bit.ly/35WGBsP
(14012021)
#游大東 #游大東影視筆記 #天與地 #港劇 #陳豪 #林保怡 #佘詩曼 #黃德斌 #邵美琪 #戚其義 #周旭明 William on the way 葉一知 阿果 港女講劇 做乜膠睇電視 港人講電視 快樂的 堅離地城:沈旭暉國際生活台 Simon's Glos World TVB 港劇粉絲團 講劇時辰到
幫手 預 埋 我 viutv 在 游大東【鴻鵠志-影視筆記】 Facebook 的最佳解答
【 鮮浪潮.語2020 — 慢潛灣 】
由「杜Sir」杜琪峯2005年發起的「鮮浪潮國際短片節」(Fresh Wave International Short Film Festival),經過15年發展,如今已是本地數一數二的短片比賽,成為發掘香港影壇新血、帶動本地電影創作的重要搖籃。一如往年,ViuTV都會挑選部份作品,安排於《鮮‧浪潮語》時段內播出,當中包括今屆「鮮浪潮大獎」得主、黃嘉祺執導的《野小子》 ,以及分別獲得「最佳導演」和「最佳攝影」、由何旭輝及林瑞熙執導的《光》和《同林鳥》等等。而剛於周一凌晨(即17/8凌晨12時正)播出的第六齣作品,是由陳嘉杰執導、周祉君和梁健怡主演的《慢潛灣》。(點擊重溫:https://bit.ly/31aZDti)
故事圍繞年輕的海灣士多老闆吳成孝(周祉君飾),一直希望會等到舊情人出現,有天偶然遇上剛搬離舊情人家的寂寞女子何薾麗(梁健怡飾),兩個「有故事的人」就這樣踫頭,然後一起等待罕有的「夜光藻潮」出現。大自然景象何時出現,不會有預告,只好靜靜的無言地等,彼此不斷在士多與海灣之間徘徊,浪濤澎湃,思潮起伏,勾起抑壓在內心的離愁別緒,然後一起傾訴,漸漸放下舊戀情,不再牽掛,等待,說穿了,原來是一場自我救贖。陳嘉杰坦言:「人與人之嘅關係好神奇,明明係萍水相逢嘅過客,但喺解開別人嘅心結同時,別人亦都會幫你解開自己嘅結。」
導演陳嘉杰坦言,吳成孝這個角色,絕非首次出現。「吳成孝其實係我大學嗰陣拍嘅一個Project創作嘅角色,佢係一個好長情嘅人,對過去一段愛情念念不忘,可以話係一個停留咗喺過去嘅人物。」同樣受過情傷,但何薾麗其實比吳成孝堅強,導演解釋:「何薾麗同樣有感情失落,但會嘗試走出困局,就算知道撇除舊情幻想係對自己殘忍,都會照做。」
《慢潛灣》片長21分鐘,於去年10月拍攝,陳嘉杰透露整個拍攝期大約6天,製作成本為十多萬港元。「『鮮浪潮』有畀10萬蚊我,其他自己貼,過去儲落嘅錢就咁用晒,哈!」很多人以為拍短片Easy Job,實情是臨場有很多技術問題需要解決,每天都要不斷拆彈,陳嘉杰說,戲中一幕潛水戲最教他難忘。「拍呢幕係10月,喺梅窩都幾凍,但間酒店嘅泳池冇暖水,Aaron(周祉君)同攝影師要喺泳池入面拍成個鐘,凍到佢哋人都震埋,我哋只能夠Cut機時拎啲鎢絲燈打落個人度,等佢哋暖啲,但Aaron冇怨言,一直不斷做。」
據知這一幕潛水戲在上映版本只佔很短篇幅,何解要花如此長的時間拍攝?陳導解開這個技術問題,「因為嗰個泳池水深好淺,好似得1.6米深,係我後期做特效Key Wide咗佢,令到成件事望落去好似水好深,變咗Aaron要背脊先落水,再慢慢沉落去,要拍到呢個效果好有難度,所以Aaron要不停跳起,用個背脊撞落啲水度,試好多次先試到,仲記得佢當時背脊發炎,佢其實好痛,拍嗰陣時我心都痛埋。」
還有一幕難忘的戲亦跟水有關,劇情講到周祉君要下海拯救梁健怡。導演憶述:「話說Jasmine本身唔太識游水,所以拍嘅時候,我搵咗場務幫手試下水位深唔深,試完OK就拍喇,點知Jasmine愈行愈出,好勇敢,完全唔驚,好勁。」但陳導也自嘲說,「我成日都畀啲Crew笑,明明自己唔識游水,但下下都叫人落水,整蠱人咩。」周祉君則指,《慢潛灣》這套短片,似是描繪一種狀態多於一個故事,所以很難說哪一場戲特別難忘,「觀眾同阿孝阿麗一齊經歷完之後,內心會浮起一種釋懷嘅情緒,我覺得呢種感覺反而先係最難忘。」
劇照攝影: @tsz925
(19082020)
#游大東 #游大東影視筆記 #鮮浪潮 #慢潛灣 #周祉君 #梁健怡 #陳嘉杰 #梅窩 #杜琪峯 #viutv #鮮浪潮語2020 #鮮浪潮語 A.Chow 周祉君 Fresh Wave International Short Film Festival HKBU MSC 浸大.社傳 One Cool Artist Management 天下一藝人管理 ViuTV The Tarnished Angels 快樂的 做乜膠睇電視 電光. 幻影 新導演放映室 電影潭 Norris Wong 黃綺琳