＃一間1010元 ＃無早餐
＃限定日期 ＃我幫你Mark日期 ＃文末有住宿心得
1010說真的也沒什麼好嫌棄了！
沒去過的人可以參考一下，最近比較喜歡這種大自然派的住宿跟旅行，所剩下的快閃促銷日期也幫你都標註好，歡迎參考囉！
我幫你mark日期 在 走走停停，教學旅行，旅行教學 Facebook 的最佳解答
我幫你mark日期 在 蔡嘉寶 Akina CHOI Facebook 的最佳解答
原先我想等工作室全部搞掂晒我先拍段片分享，順便講返過程我點嬲法，但我實在忍唔到咁耐，宜家就要一五一十寫晒出嚟
激死我 DSC德爾斯
話說我買張梳化床，由於要改size所以要遲D先有，當時職員幫我mark底6月23號送貨，但我20號就收到電話話「聽日10點至1點」送貨，咁既然早咗我又得閒收貨唔通唔要咩，咁咪21號一朝早就去觀塘等，等到12點半左右未到貨，又冇收到送貨師傅打電話過嚟，於是打上客服，當時佢話要打比送貨師傅先之後再覆返我，點知我出左去食lunch，食完都1點半仲未收到電話，就再打多次上去，點知個職員好似即時開咗張單嚟睇，話送貨日期係6月23號，所以今日唔會有師傳送貨，但明明佢地有職員前一晚打嚟話聽日送貨，佢地好似唔認，係都話6月23號送貨，於是無嘢收線啦。原先想打多次去客服投訴，點知所謂嘅唔同部門，聽電話好似都係果班人，就由佢無投訴，問多次送貨日期係咪23號確認左就算。
以上所有聽電話嘅都係阿峰幫我傾，之後就無啦啦輪到我啦，似係阿峰1點半左右打上去果時個職員，無啦啦突登打嚟同我講「岩岩呀徐生打咗好多次電話上嚟....」barbarbar，然後就話送貨日期係23號，我咪即時火起，首先，佢打嚟同我講多次送貨係23號無意思架，都講咗咁多次，咁即係擺明同我講「呀徐生打咗好多次」煩親佢哋咁啦，就算佢唔係咁嘅意思，但唔好意思我就係覺得係咁，於是我咪再講多次，係因為佢地有同事前一晚話聽日送，先會打返上去問，仲要佢死都要同我"R"，真係嬲到跳，我叫左佢一係Check錄音，Check完比返交代我。
搞到我突登去觀塘等佢幾粒鐘，然後下星期一仲要再去等過，攞命。
激死我 實惠
話說我要電腦台，原先想係ikea買，但原來ikea嘅「電腦台」無一張有keybroad板，全部都係櫃桶，於是就去DSC德爾斯揀，揀唔岩就去咗實惠，然後係實惠我揀到啦。
不過當日無現貨，要訂，於是比晒錢就等電話。咁我揀左自取唔送貨，諗住就算我call車都唔洗佢果個價丫嘛，隔左幾日之後收到電話，就再去返分店自取。
尋日搬左張電腦台上去工作室，放底就走左，到今日去完葵涌貨櫃碼頭搬埋地板去工作室，就索性開張電腦台出嚟諗住砌，點知唔開由自可，一開把幾火。
今日都已經Post咗上Instagram，但都無法清清楚楚講出我有幾嬲，一邊開一邊睇到我哇哇聲，成張台十幾件組件，差唔多一半可以直接用Dam咗嚟形容，2塊板唔平，放係地板可以成塊搖搖板咁，2塊原本已經唔順眼整咗3個心心窿嘅金屬片，竟然仲要噴油噴到唔同樣變到更加唔順眼，有條金屬架凹咗兩個位，仲要另外2塊板崩左，1塊就咁崩咗無咗面頭d黑色膠紙見到啡色，另1塊仲衰，崩咗之餘仲好似比人用marker油返黑色上去咁，完主係細個返學鞋甩左皮用market油返果種做法。
將心比己，比著你都興過辣雞啦，咪即刻打電話投訴，點知冇單number無得聯絡客服，咪又打返去分店講件貨有問題，佢係就係肯換，但由頭到尾無道歉過，仲要態度又唔好得去邊，真係今時今日咁嘅服務態度點得架！！之後就按佢地要求，又要落去分店寫個送貨地址比佢，然後我同果個職員講送貨之前幫我check咗先，我唔想有問題又要再換，點知佢九唔搭八同我講「你哋呢D訂貨自取原本係自己拎架，宜家我幫你安排左送貨...」barbarbar...唔好意思，我又著，大佬，我係自取，但我只係諗住自取只係一次嘅事，你唔係認為件貨有問題，係應該我自己搬返比你，然後再自己搬返張新嘅走嘛？？仲講到佢送埋貨過嚟好似好益我咁，真係嬲到痴線！！仲要 佢 地 由 頭 到 尾 都 無 道 歉 ！！仲衰過德爾斯！！
都係IKEA好，係IKEA買咗三件，話6點至10點送貨，就真係準時嚟，而且包裝細心好多，件貨質素都好好，無穿無爛，明明同個電腦台一樣同樣幾百蚊嘢，都唔知點解可以差咁遠。。。
連續兩日都好嬲好嬲，呢排除咗好似平日咁要做嘢做嘢做嘢之餘，我仲要搞工作室d嘢，四圍搵唔同要嘅嘢，呢度一件果度一件，以為買好晒嘢輕鬆d啦，點知原來送貨收貨一樣咁煩，咁你地明點解我呢排個人累到咁啦。。。。。。
