呢篇野早幾日睇嘅,都幾精彩,但就好長,亦好難深究是否全是事實,但你當故事睇,都幾有趣的,以青冰記得呢,彭博好似會每日free你睇一篇的,咁應該click條link都睇到晒全文。
韓國佬生活低調,又有宗教信仰,但炒嘢似乎好狼死,長期做兩倍以上槓桿,報導話去到今年仲做五倍以上,咁順嘅時候梗係爽,奶嘅時候就..... 而佢副身家,彭博幫佢計到有200億美元,不過兩日內就煙消雲散。
文中講佢主要用swap的形式去做槓桿賭,簡單啲嚟講就係同投行對賭,每日結算,由於這個算係場外的交易,理論上你分別同時同瑞信/野村/大摩做完,當係做百度BIDU咁啦,幾間投行係唔會互相交換呢個消息,話韓國佬呢隻做好大喎,但其實唔會完全無蛛絲馬跡的,因為交易員一定會平盤,100%同客對賭,呢個應該係老散思維嚟,現實係不會發生的,尤其是交易員知道佢哋的交易對手係對沖基金,你估你大行真係食硬人哋咩,所以絕對唔會100%同你賭,一定會出街平盤,減低風險,食吓差價,袋袋平安。
咁如果你出街去平,自然條街就會知,喂點解隻BIDU成日有盤要出嚟平架呢(所謂平盤唔係去market買賣吓正股,而係做其他衍生工具作對沖),行頭咁窄,平得一兩次,就會有人諗吓: 似乎有人做好大喎。所以,你話完全無人知,就一定無可能,篇文都有提到一點,佢有幾隻中概股,投行揸得多到要申報,我哋老散無留意,行家未必睇唔到。
青冰覺得最有趣就係,以韓國佬個咁爛的track record,篇文話高盛一直都唔肯幫佢開戶口,話佢呢樣唔得嗰樣唔得,寧願唔同佢做生意,但去到12月時忽然又同人開戶口,內裡原因唔知啦,但佢都算係黑腳喇,幫人開完戶口幾個月就爆煲,佢仲要適時斬纜,無乜損傷,係唔係咁巧合,有好大想像空間。
文中提及的幾隻美股,當中唯品會,愛奇藝,騰訊音樂,ViacomCBS及Discovery,都係爆煲前一兩日先大插,你開個圖出嚟睇,之前應該會睇到全部都係超強勢股,市回佢哋都新高,反而百度及跟誰學,其實在一、二月已經見頂,唔知係咪重倉在此,所以搞到3月時已經無錢補倉,以至最後爆煲。
無論你係一介老散,還是經驗老到的韓國佬,槓桿都係好似吸毒咁,抽到身梗係爽啦,否則的話,都係學誠哥教落: 要量力而為呀。
同時也有1部Youtube影片,追蹤數超過40萬的網紅我要做富翁,也在其Youtube影片中提到,不論電視劇還是電影之中,投行都是五光十色,臥虎藏龍的英雄地。現實生活中又是甚麼光景?擁有 19 年操盤經驗,曾在美林、摩根史丹尼工作的 Chris Weston,會為大家分享他在投行的往事。另外,一個普通投資者如何應用 #海龜心態 去不斷提升自己? 今集訪問 Jackie 會和 Chris 一同和大...
投行trader 在 君子馬蘭頭 - Ivan Li 李聲揚 Facebook 的最佳貼文
[三千字PTGF冷氣企管系列]中—介—必—須—死!(*)
1. 聲明:唔係教你做PTGF,亦唔教你做客。純粹案例研究,講risk management,principal agency problem,pay structure,profit sharing,skin in the game (加多啲buzzword就巧似professional 啲)
2. TL;DR:人地就落場衝鋒陷陣以身犯險,你就涼冷氣分咁大舊,梗係出事。楊恭如話齋,呢個世界冇話邊個冇咗邊個唔得(**)。仲要幾個都後生女唔係阿嬋,更加難服眾咯
3. 上次講補習天王篇文反應還好(https://bit.ly/2M0yLUB),絶不走數,今日講類似嘅東西。
4. 重覆多次:我不作道德判斷。犯法梗係唔好,唔好試,赤柱擺壽酒冇人嚟的。至於買春賣淫呢啲,我冇乜咩感覺,有供有求。大家明知係有咗幾千年,古今中外都有,甚至張愛玲都話婚姻就係長期賣淫。本文不作任何道德判斷,只係討論as 一個JV咁去做,有乜注意
5. 當然一切都你請我願,但都有廣義同狹義。你畀人拎支槍指住嘅自願唔係真自願。同樣地,咩安排都好,terms太辣嘅,個equilibrium 好易topple,可能人地違約,你要打官司,甚至佢使橫手,搵人打你,同你攬炒,等等。
6. 所以「公平」唔只係「合約精神」,「Michael Sandel都咁講」,亦唔只係你簽嗰下同意。要一路玩落去,大家都心服口服,先有得玩。
7. 個大意思在TL;DR寫咗了:雖然冇相,但呀16歲少女事主X,就去接客。兩日接八個,就算個客吳彥祖咁款我估都唔多過瘾,更何況多數係張同祖咁款(無意冒犯,順口啫)。
8. 你話,「冇畀錢你呀?」,等於我地寫字樓講,「冇糧出畀你呀?」。但,唔係咁嘅。呀事主X,一次分1000,值唔值,無從判斷。但有咁多人幫襯,至少都有唔少覺得值?可以話存在即合理,但都唔係重點
9. 重點係,人係好得意嘅動物,人就係會比較。我甚至懷疑只有人先類會有「攬炒」。著名嘅Ultimatum Game(https://bit.ly/2zAtmRr)(果然加個英文就好專業):一筆錢,A決定分幾多畀阿B,阿B可以收,或者攬炒,大家都冇。理論上阿B應該乜都受,因為總係好過冇,就算100蚊阿A要99蚊分1蚊畀B,B都應該受,因為1蚊好過冇。至少古典經濟學咁講
10. 但實驗見到,唔係咁。人係好奇怪嘅動物,你可以話公義,或者就叫黃子華嘅「魚蛋論」。人見到其他人幸福,會唔開心。又或者,見到人仆街,會好開心。呢個可以同佢自己情況無關的。做過投行都知,你出三個月花紅,廢柴同事出五個月,你嬲足幾日。但你出一個月,廢柴同事冇,保證你就開心幾日。
11. 道理正係咁,事主X係咪值1000蚊,根本唔重要。重要係,你另外三條女,坐冷氣房碌下電話,收咗1600蚊喎!唔公道咯。咬得咁狼,分贜唔勻,必然出事的。肚痛只係一個導火線,總會有一日爆。
12. 另一個問題就係,所謂嘅馬扶,雞頭,龜公,agent,whatever you name it,就係中介人,帶嚟乜價值先?直接啲講,你憑乜去收嗰1600蚊?個客畀2600,係想要事主X嘅服務嘛。點解事主X唔自己拎晒2600?甚至減到2000,就win-win,大家分咗個consumer surplus (!)
13. 我同利世民,幾次都提過一本書,有中文版,《百辯經濟學》。但英文版Defending the Undefendable直頭可以免費網上睇,(https://bit.ly/2zzhfUA)。右翼Libertarian必睇,入面就係去為啲傳統畀人鬧嘅角色辯解。其中就包括pimp,扯皮條。佢有講,呢種中介人,帶嚟乜價值。
14. 本書講得有道理。但,唔好忘記,呢本書1976年。過去四十幾年,世界變咗好多。而家係一個去中介化嘅年代。以前你想睇金庸,就要買明報,奉送一大堆你唔想睇嘅物體。但而家我係作者,可以直接做收費專欄。好多行業都係咁,賣淫/性交易點會例外。你幾位冷氣agent,提供到乜嘢不可或缺嘅價值?我估冇乜。
15. 仲有一個點。亦係魚蛋論。你話如果個中介人係個阿婆,可能冇咁奶嘢。阿婆可以話「阿妹doi你估我唔想幫你咩,但我幾廿歲啲友嚟玩假牙咩,我係有人要我都落場啦」。但,今次嗰幾個中介,廿歲出頭,有手有腳有乜乜。點服眾?做乜我要落場,你唔使落場,而分得多過我?
16. 情況等於公司搬嘢,你老細如果係七十歲,咁佢唔搬嘢,你可以接受。但如果佢仲後生過你,但在側邊指指點點,唔幫手,你實唔服。
17. 唔想寫太長,但類似嘅東西,仲有好多好多。我2003年在新港戲院(已死),睇過套好爛嘅戲,叫做 In the cut,中文叫驚殺。男主角係變型俠醫,荷里活摩連奴Mark Ruffalo。但梗係睇女啦。除衫嗰個,威咯,Meg Ryan!Hey,show some respect,荷里活甜心You’ve got mail緣份的天空 90男歡女愛嘅Meg Ryan!雖然當時已經四張嘢!但更好玩嘅係,邊個監製?係Nicole Kidman.話原本係佢剝,但佢搞緊離婚要多啲時間陪小朋友,哈哈哈,所以點咗朋友Meg Ryan去除。真夠朋友,套戲咁好,你唔自己除?你又唔係七老八十。
18. 仲有,周顯早兩日寫嘅東西,亦係同一道理(https://bit.ly/2ZGY85K)。講明就係分贓不勻易出事
19. 之前睇嘅唔少戲,都係呢個主題。包括係泰片嘅《出貓特工隊》,或者十幾年前嘅西片《決勝21點》(21)—前者大家熟,後者呢套戲唔係太多人睇過,但故事應聽過:麻省理工嘅精英教授同學生,靠計數同記牌去煲爆賭場。但一樣係分贓不勻,有啲人覺得根本唔使靠其他人,我一個玩晒就得,有人唔同意,就出事。
20. 事實係,幾時都係scarcity就代表巴京拎包華.例如PTGF事主X呢個情況,你諗都諗到,邊樣先係scarcity,邊個有巴京拎包華。16歲仲要落場仲要客人滿意嘅服務提供者難求?定係啲冷氣中介難求?所以邊個應該拎大份?一睇就知唔公道。
21. 最後再講,好多人以為「老細」「管理層」「CEO」一定高人工,但都有唔少例外。亦係等於我講補習天王篇文,有啲行業睇individual talent.銀行,特別係投資銀行,最高人工嘅,往往唔係個CEO,而係帶客嘅sales,或者炒房嘅trader.原因同補習天王一樣,佢地先係落場搏命,佢地去第間都得,CEO只係個高級公關同Admin
22. 舉一反三,足球隊,NBA都係。你發現,員人工都高過領隊唔罕見,亦係Scarcity嘅問題。固然有名帥,但一般都係球員先係scarcity.曼聯費格遜年代,聽聞有個規矩,球員唔可以高人工過佢。佢話否則球員點會聽你支笛?但而家冇呢回事了,亦可能係因為領隊冇以前咁重要。所以你見而家好多時係領隊驚球員,球員有食力嘅,去邊都得。粗略講,我搵條廢柴帶美斯C朗落場,肯定好過搵摩連奴/哥迪奧拿帶班廢拉球員。
23. 真係最後講下,呢篇文其實夠晒踩界,可能去到本專頁嘅底線了。始終公開嘅專頁,唔排除有人唔高興,投訴,咁呢篇文就會下架。所以有得睇快睇,「但又記住畀like 同share」
24. 咁你話,其實我咁玩,咪又好似補習天王咁咯,人地就不停講內幕貼士,卒之出事。我就越寫越大膽,都係會出事。我想大家share,但又怕太高調。咁邊有得唔高調而廣傳呢?—但有個分別,我出事,最多咪整走篇文,或者最壞情況成個Page玩完—但唔會要坐監嘛。
25. 呢個亦係我想講,真係最後一個故事:飛機上,一隻鸚鵡對空姐說:「給大爺來杯水。」豬也學鸚鵡,對空姐說:「給大爺來杯水。」空姐大怒,將鸚鵡和豬都扔下了飛機。這時,鸚鵡對豬說:「你傻的嗎?大爺會飛呀!」
26. 教訓係乜?有時,你見高層就算同你一齊落手落腳搬嘢,甚至同你共同進退,出咗事齊齊畀人炒。但人地有幾千萬幾億身家,你冇嘛!所以,都真係唔同的。當然一般都總好過坐埋側邊點人搬嘢自己唔搬嘅人。(***)
27. 彩蛋:你見埃汾幫你間晒重點。會唔會有人以為埃汾讀書間書或者整notes好叻?無數咁多人可以證明,我係唔間書嘅。本教科書咪係碌屎。我亦都唔明啲女同學間到本書有螢光筆多過冇,係乜玩法。
(*)呢個其實係吾友高天佑本書,但佢同本post無關
(**)楊恭如真係好東西,但我唔係睇人外表咁膚淺,佢直頭係我人生導師!容許我再一次講,楊恭如教曉我嘅三件事:第一,「我同咗佢結婚,都可以同你一齊」(拍戲講,《風雲》)。第二,「呢個世界上冇話邊個冇咗邊個唔得」(周正毅毛玉萍COVA事件,當時未係美心)。第三,「食飯唔好背住門口坐」(同上)
(***)類似嘅故事我仲有好多。例如呢個:農場隻雞同隻豬,諗住幫主人廢祝生日。咁隻雞話,我地不如整個火腿蛋啦。隻豬話:你當我真係咁豬?你就貢獻個副產品排粒卵,我要終身殘廢呀!
———————
版務:收費專欄已減價。支持埃汾高質文章。
一星期三篇,$175睇到6月22號,加埋過去兩個幾月所有文章。
請去呢度訂:bit.ly/2wVXndj
課程編號填: CC01
報完會有email通知,繳費後有Login及Password
逢一三五入去 homebloggerhk.com (入到去就睇到《事先張揚》)
亦睇得返以前嘅文。一般我都係會黃昏出文嘅。
投行trader 在 蘇浩 Anthony So Facebook 的最讚貼文
每當聽到人對著我說,「乜原來 banker 係咁㗎」 ,內心都很不好受。
印象最深刻一次,是在一個衣香鬢影的婚禮上,坐在一位靚女主播隔離,開頭互相介紹自己做什麼工作的時候還是有說有笑的。
但憑著一位新聞工作者熟練的訪問技巧,那碟蟹蓋還未上,她成功向葉某套取很多私人資料,包括開什麼車住什麼樓做了什麼私人投資之後,主播開始變得冷淡了。為什麼?原因不明,但她說了一句話,我到今天依然記得那口輕蔑的語氣:「我以前男朋友都係 banker,不過同你好唔同。」
「你說不愛就不愛,我一個人欣賞悲哀,」呢下真係 hurt 到心臟。
後來才知道,主播以前的男朋友雖然也在銀行工作,但他是一個 trader,不是 banker。
想寫這篇文章的念頭已經萌起好一段時間了,因為識啲唔識啲嘅人實在太多。
其實 Banker 又好,trader 又好,不就是一個稱呼而已,但為了不讓其他人對 banker 有個不合理期望,而導致有些人選錯職業或嫁錯老公,實在有必要說清楚何謂一個 banker。
銀行是其中一個歷史最悠久的行業,其規模之大、分工之細,在外行人眼中未必看得出來。
無論在歐美最著名的投資銀行或私人銀行工作,崗位大致上可分為前中後三線。
後防的人工最低,負責的例如是 documentation 及 operations 等。
中場就比較海鮮價,而這種 middle office 泛指產品部門 (product solutions) 或者是風險部門 (market/ credit risk) 。
前線,當然就是賺錢最多的,但前線也不一定是 banker。
一家投資銀行裏,賺錢最最最多的,通常都是操自己公司盤的交易員 (好像 proprietary trader) 或者是像 private equity 那類坐盤做 deal 的 (例如 special situation group) merchant banker。
曾經認識一位 commodities trader,在新加波工作,年薪大約一百萬美金左右,而當時他只有二十八歲;也見過一位做 special situation 的鬼仔,僅僅三十二歲已經成為 Partner MD (這通常是四五十歲老鬼,又能幫公司賺很多很多錢才有機會做到的),搵好鬼多球美金。
但要 find out 一個 banker 通常搵幾多錢,我們必須撇除以上這些在三個 standard deviations 以外 的 superstars,因為,雖然他們的 package 屬於幾何級別,但他們對著的是「盤」,而不是「客」。
一家投資銀行裏,直接對客的,才能稱之為 banker 吧。
一說到 banker,通常只有 investment banker 和 private banker 兩種。
先講 investment bankers。
那些世界頂尖大學學府的尖子,被上天欽點後,一入行就會加入 IBD 的 analyst program。
我那個不是太過久遠的年代,analyst 的年薪 (basic +bonus) 大約可以是十五至二十萬美金。有幸晉升到 associate 的話,年薪可以去到三十多萬美金。
別忘記,那個年代還是有 housing allowance 的,但大部份銀行在金融海嘯後已經把這種福利取消,或把那些津貼納入 salary 了。
大部分美資大銀行是做三年 analyst,之後再做三年 associate,而最快六至七年後便可以去到 vice president 等級。
絕大部份人在職業生涯中,只要願意努力及忍耐,我認為都大可去到 VP level。
不過這個 band 的範圍很大,一個做了一年的 VP 和一個做了二十年的 VP,人工可以差很遠。
很多銀行在 VP 後會加上 executive director 或 director ,從而製造更多職位上升的空間。Goldman 是一個例外,因為他們只有一個 VP grade,但他們在美國以外的 VP 全部叫做ED,所以在香港或倫敦如果見到 Goldman 的 ED 時,很多人奇怪他們為什麼那麼年輕便這麼高級,實情他們可能只有六至七年的經驗。
絕大部份人的職業旅途上,做到 VP 已經是一個備受尊敬的終點。只有少部份人,憑驚人毅力及在長期過勞的情況下,才可以做到 managing director。
今時今日還爬得上 MD 職位的朋友告訴我,現在和黃金時代不同,已經未必每人都有一球美元的年薪。
那麼 private banker 又如何?
可能是自己走過的路,感覺是格外凄楚。
私人銀行家的工作是沒有初階的,意思是,除了一兩所美資大行會願意像投行辦這種 analyst 班之外,絕大部份的私人銀行只會請有經驗及,most importantly,有客戶的精兵。
畢竟,作為 revenue center ,請人就是要為公司找生意。
叫得做私人銀行家,基本上已經有一班固定客戶。最年輕的 private banker 通常都已經廿多三十歲,職位普遍都叫 associate director 或 director。
跟投資銀行不同,不管你年紀多大,經驗如何,私人銀行家的年薪是根據你幫公司找的revenue 而去計算的。
通常一個 AD 可為公司帶來大概二百萬美元的 revenue,而 D 大概是三百多萬美元。
至於 total compensation,大約會是 revenue 的10-15%。
人工的距離,取決於兩個原因。
第一,當然是看看客戶是否你自己找回來的。
什麼意思?
工作一段時間之後,會見到不同的 private banker 在不同的銀行跳槽。雖然他們會用盡 200%的力度把舊客戶帶到新銀行開戶,但經驗之談是,有三至四成的戶口還是會留下來的。當有這個情況出現的時候,有些較幸運或被賞識的同事便有機會接收到這些戶口了。
不過公司不是傻的。
接收這種舊客,你用的 effort 不用太多,所以公司也不用 pay 得特別好。相反地,如果客戶是你自己由零開始 (我們叫揼石仔) 爭取回來的戶口,那麼公司便會 pay 得更 generous 了。
也因為這個原因,一位八球 revenue 的 ED 可以搵得多過一個十球 revenue 的 MD。
原因是,那個 ED 的所有客戶是他當年由滙豐分行一個一個戶口搬過來的。
相反,那個 MD 則是老臣子,只是看顧著公司多年的舊客。
私人銀行跟街邊的零售銀行最不同的,是食水不能太深。
做一個 accumulator,私人銀行在各同業激烈競爭下,每個 trade 都可能只收你十個八個 bps,跟恒生滙豐收取客戶的,相距甚遠。
如是者,一個 private banker 要有坐擁好幾十億美元的客戶資產,才有機會突圍而出。
錢,好很多的錢。
講咗咁耐,private bank 還是 investment bank,份工應該點揀?
一個二三十歲的私人銀行家,收入通常遠不如同齡的投資銀行家。
但當真的努力找到 top clients,三四十歲時可能會更快追回所有失去的。
說真的,跟任何職業都一樣,banker 不就是每天營營役役去 make a living 的小嘍囉。
但也跟任何職業一樣,總有些人會比其他人努力,因為就算是一個 make a living 的小嘍囉,終有一天也希望可以 make a difference。
投行trader 在 我要做富翁 Youtube 的最佳貼文
不論電視劇還是電影之中,投行都是五光十色,臥虎藏龍的英雄地。現實生活中又是甚麼光景?擁有 19 年操盤經驗,曾在美林、摩根史丹尼工作的 Chris Weston,會為大家分享他在投行的往事。另外,一個普通投資者如何應用 #海龜心態 去不斷提升自己? 今集訪問 Jackie 會和 Chris 一同和大家分享。
════════════════════
! ! 把握最後早鳥皆段優惠 ! !
施傅【10年財務自由】1小時簡介+工作坊
免費試看▶▶ https://gregorysy.com/
════════════════════
3pm+9pm升級版年末優惠 (12+1個月 59折)
▶https://money-tab.info/2020-3pm-9pm-discount?yp=e1125
「我要幫你畀首期」遊戲 贏高達52萬首期幫你上車!
即玩▶▶ https://money-tab.info/youtube-games?yp=e1125
✓ 訂閱【我要做富翁】頻道 ▶ https://bit.ly/35LOy2J
本月免費活動【★Top 5】現正接受報名:
1. Kyle英國房地產分享會(Online)▶ https://money-tab.info/engkyle?yp=e1125
2. Dennis 我要做程式交易分享講座(Online)▶ https://money-tab.info/mutden?yp=e1125
3. 阿業期權計算機分享會(Online)▶ https://money-tab.info/optyip?yp=e1125
4. Eric Sir期指策略分享講座(Online)▶ https://money-tab.info/futeric?yp=e1125
5. Ronald『基』密部署分享講座(Online)▶ https://money-tab.info/fundron?yp=e1125
所有課程/活動一覽: https://money-tab.info/activity?yp=e1125
✓ APP下載: http://onelink.to/mtapp
✓ 升級版: https://money-tab.com/membership
❖訂閱【我要做富翁】頻道:
https://bit.ly/35LOy2J
❖訂閱【富翁電視MTTV】頻道:
https://bit.ly/35dJW4Y
❖讚好Facebook專頁:
https://facebook.com/203349819681082
❖追蹤Instagram專頁:
https://instagram.com/money_tab/
#pepperstone #chrisweston #投行 #investmentbank #ibank #投資銀行 #海龜策略 #turtles #我要做訪問