關於 教練嘅師父 ，我們在網路上蒐集到這些相關的討論、資訊與評價

《神人の遇見！》

今年年初見自己已經好耐冇做運動，淨係食坐瞓同煲劇，就學人響屋企跟YouTube啲大隻佬片做吓workout ，運動嘅嘢呢⋯真係唔好亂咁嚟，無意之間就整親左邊膊頭，開頭以為抖幾日就冇嘢好小事，點知情況越嚟越嚴重，不過人有時就係咁衰，拖完一日又一日，加上出鏡又唔特別覺隻手好有問題，所以一路都冇去處理佢，但每逢瞓覺砸到或者就算打個乞嗤都會痛到標眼水，已經知道好大件事，開始識驚～

正值淆底之時，疫情下又唔係咁容易安排到做物理治療，響兩個月前，經 Allen D.D] 同 邱益忠Gordon Nowitzki Yau] 嘅引薦下有幸拜會 亞洲運動及體適能專業學院 (AASFP)] 嘅周老師 Terence Chau] ，老師響佢頻密嘅schedule之中撥咗兩個鐘頭出嚟幫我個膊頭做物理治療，響佢檢查之後發現肩胛骨下面有兩條筋打咗交叉仲扭埋一齊又發緊炎，聽到都覺得棘手啦！周老師兩個鐘頭內用機用手用針再用刮好用心咁幫我搞個膊頭，只係做咗一次！！就係果兩個鐘！！困擾咗我幾個月嘅膊頭痛問題即時好返九成！太神了吧！

事隔兩個月，中間經歷過搬重嘢同埋有時都做咗啲唔好嘅動作，所以今日返去搵周老師再執一執個膊頭，相信只要我勤力做吓老師俾我嘅功課，返去拉吓個膊頭，一個月之後，肯定成個男人番曬嚟呀喂！

再次多謝周老師 Terence Chau] ！
亦好多謝 Allen D.D] 邱益忠Gordon Nowitzki Yau] 同 @wing.leung_sneaker
如果大家身體有啲乜嘢奇難雜症，唔好諗，快啲去 亞洲運動及體適能專業學院 (AASFP)] 搵周老師救吓你啦！

#你睇吓老師大隻到 #真係好堅 #變做治療變傾mirror #教練嘅師父 #嚴格嚟講係師公

如何面對社運/肺炎疫情? 《爸爸、老師父、阿仔》故事分享

社運再加肺炎，好多中小企都面對前所未見難關。如何應對? 好開心我回到香港，所有 energy 返晒嚟，令我想起以下爸爸，老師父和阿仔的故事和你分享。

#勵志故事
.................................

我新書《李根興的生意哲學》 將於2020年第二季出版。內容包括 (1) 創業勵志故事，(2) 生意理論，(3) 商舖知識，(4) 創業隨筆。三百多頁，定價HK$198。現接受預訂。新書有我親筆簽名及封面message，可以whatsapp我(＋852) 90361143。 按收到order次序交書。數量有限，每人限三本。
.....................................

《爸爸、老師父、阿仔》故事內容全文:

從前有個阿爸，每日都煩腦佢個仔，既然已經成為青年啦，但一啲男子氣概都無。 於是佢就拜訪左一位老師父， 請求師父訓練下佢個仔。 師父一口答應，就話俾佢三個月時間。

三個月好快過去，阿爸就來接阿仔走啦。 臨走前，老師父就安排咗個武術比賽， 向父親展示呢三個月訓練嘅成果。

阿仔嘅對手，全部都係武術教練，個個高手。 每次教練一出手，阿仔就馬上應聲倒地。 企返起身一陣間，又應聲倒地 。 阿仔出盡所有招數，企返起身後，又馬上倒地，起身，又地，起身，再倒地。 來來回回十幾次，阿爸都冇眼睇。

老師父問阿爸，「咁你個仔夠唔夠男子氣概呀?」

阿爸簡直羞愧到想搵窿捐。 佢話:「估唔到訓練咗成三個月，阿仔乜都學唔到，成日倒地，唔夠人打。」

老師父點回應?

「我對你好失望! 作為阿爸，你只係睇到表面嘅勝負。 你有冇睇到你個仔嗰種跌落地，馬上企返起身，跌落地再企返起身嗰種勇氣同埋毅力呢? 打不死精神，呢啲先至係真正嘅男子氣概。」

(故事帶出什麼理念?)

生命中每個挫折都有佢嘅意義。 只要企返起身嘅次數比跌低多一次，就係成功! 一次，就係咁多。

肺炎疫情係好慘，我做舖，更慘! 但係咁噴灰有用咩? 社運可能令你跌低咗，企返起身。肺炎跌得再甘啲，再企返起身。

輸錢，個個都輸! 但輸人唔輸陣，輸錢唔好輸心態! 保留實力，最緊要健康，就有機會企番起身。大家保重!

聯絡李根興 Edwin WhatsApp (+852)90361143

李根興創業之友 https://www.facebook.com/EdwinNetwork/

李根興商舖之友 https://www.facebook.com/edwinprimeshop/

李根興 youtube 商舖創業及投資分享https://www.youtube.com/channel/UCEN66AnLghXESgCDIsz-3Nw