關於 楚撚記老闆 ，我們在網路上蒐集到這些相關的討論、資訊與評價

【響買爆《蘋果》之先，你需要學習的經濟金融常識】

理所當然，當《蘋果日報》再次受迫害，黃絲又會群起買爆蘋果：而壹傳媒當然亦知道黃絲又呢舖癮，所以自上次差佬拉人封舖立刻加印至50萬份後再「重施故技」。

老實講，見倒呢種「見棺材先流眼淚」、「見小店執笠先趕去打卡」嘅跟風心態，我係好想暗串幾句──如果大家都咁撐蘋果？點解自從舊年賣斷50萬份後，蘋果印量又逐步跌番去幾萬份嘅可憐程度？就算去到六四，都係印得果6萬3千份？平時你班黃絲嘅熱情去哂邊？

所以我幾佩服信和頂樓果間漫畫舖，個老闆就係身體力行日日買十幾廿份免費派街，又時不時用蘋果報頭黎做優惠，足足堅持到年幾直到而家──喂抗爭梗係要持之以恆先有效架啦。

之但係諗番轉頭，香港人三分鐘熱度就梗架啦，江山易改本性難移；再者集體買爆蘋果都係一種表態──姑勿論大多數人可能只係湊熱鬧打個卡滿足自己「拿我有參與咗抗爭」嘅心態，但始終呢種支持係會有佢嘅作用，你當比呢十幾廿蚊向極權政府示威又好、引起國際關注又好，有做點都好過無做，我都不忍苛責（拿，同某文盲KOL講，不忍苛責係響呢個時候用架，唔撚係你響德國風花雪月抽坐緊監嘅劉穎匡水嘅時候用架）

相比起走去質疑「點解次次都要等到蘋果就冚旗先走出黎撐」，我反而想為呢班趁墟嘅黃絲補習下一啲經濟學知識，甚至只係一啲常識：

1.有懶醒黃絲話要買《蘋果》就去報攤買，因為咁先令蘋果即時有現金流，去便利店買就要有排先可以將資金回籠，呢個真係最撚好笑嘅講法：大佬呀，而家蘋果本身係有5億幾現金，要爭都唔會爭你果幾十蚊「現金流」啦！

如果特衰政府最終真係以凍結《蘋果》所有資產迫佢冚旗，咁凍結嘅當然包括埋你啲「現金流」，所以買爆《蘋果》係絕對重要過你響邊度買！

同埋唔該唔好撚好再講乜尻便利店打單一定要出《蘋果》啦！呢個世界有樣嘢叫回紙制度嘅OK？唔撚通蘋果拎100份去賣，賣剩10份但便利店話打單只有20份咁蘋果就收20份錢算數？黎智英係好似你班黃屍咁撚笨七，就唔駛共慘黨迫害都執撚咗九世啦屌！

2.又，如果你認為買爆《蘋果》真係對財政上係有幫助的話，作為《蘋果》真正支持者嘅你今日就更加唔應該走去同人爭住買：因為對壹傳媒角度黎講，你今日買一份《蘋果》，同聽日買一份《蘋果》其實根本無分別：

從來最大嘅問題係呢股「買爆《蘋果》」熱潮最多都只係能夠持續幾日，過多一兩個禮拜就已無哂聲氣，所以你越遲用你嘅錢買《蘋果》，所產生嘅邊際效益就愈大──相比起今日《蘋果》買爆50萬份搞到要加印，如果往後《蘋果》每日都有黃絲願意買爆30萬份，後者嘅意義同威力都更大。

3.當然有好多人會諗：「如果《蘋果》聽日比政府摺埋，到時就連報紙都唔知買唔買得倒」咁呢個擔心當然係無錯啦，但如果係咁，我又忍唔住要問點解你嘅買爆唔係響響過去一年做，要搞到人地真正臨執笠先做？

當然講番以前都已無補於事，向前看的話，我反而會覺得大家可以儲定錢：因為我堅信《蘋果》入面嘅人，其實心理上已做好哂被拉人封舖嘅準備，就算《蘋果》最終被共慘黨冚旗，都一撚定會用另外嘅形式重新出發──而到時無論係借屍還魂做新網媒又好、一眾記者寫手化整為零以KOL身份以另外一種形式延續蘋果精神又好，都一定需要大量起動資金。

到時咪係最需要你課金嘅時候囉。

4. 最後，屌你出得果幾十幾百對件事係無濟於事架，走去問番你課開金班黃標KOL，佢地個個月入少則十萬八萬，多則過百萬，既然呢班撚樣口口聲聲撐蘋果，究竟每個月課咗幾撚多錢比蘋果呀？

黃世七沈旭暉劉細良呢班撚樣（無提燒山因為當日佢有買282股票支持），唔該逐個逐個交待番筆錢出黎比大家睇下啦！如果發現呢班七頭原來個個口爽荷包立嘅，咁你咪知道所謂黃標KOL，其實咪又只係一堆網絡騙徒！仲課金比佢地咪代表你地係弱智囉！

當然，呢個時候好自然又會有人質疑我：「你好叻咩？咁你又做過啲咩？」HA，真係問得好，當日我已講得好清楚，《蘋果日報》因為唔止一次搞過我，所以我係唔會再買《蘋果》，但作為言論自由嘅支持者，我就係全香港第一個冒住被捕風險買咗30萬股282股票兼呼籲大家支持壹傳媒，最終令到國際關注嘅網民。

所以對於《蘋果》，我以德報怨覺得對得住佢有如，今日佢比共慘黨搞，雖然我係憤怒兼覺可惜，但絕對過得自己良心果關，訓得安樂。至於班黃標KOL呢？我覺得佢地一樣訓得安樂，因為你班傻尻黃屍課金已袋袋平安，睬你地都ON撚9啦！

https://www.patreon.com/posts/52631714

老實講呢樣嘢我真係好撚關注，萬一響將來因為吊七特衰政府共慘黨同雜種，違反國安法因而ON99坐監的話，我最撚擔心都係監倉熱死呢個問題

不過你搵十萬人簽名，一來咁撚多年黎我從來未聽過有邊個香港簽名運動係成功嘅（建制派果啲「百萬人」簽名支持國安法例外）；仲有就係令政府覺得改善監獄環境同改善反政府份子監禁狀況掛勾，結果可能更堅決要搞到入面環境更加惡劣──

其實搞呢壇嘢班友，有無用腦諗清楚架？係咪唔記得咗長毛單嘢最後點收科？

即係邵膠樽你搞石牆花壇嘢如果真係唔係食人血饅頭或者攞威攞彩的話，會唔會Play down呢個簽名運動，私底下靜靜雞走去搵下啲建制派議員討論下呢個問題好啲？

皆因建制派都耐唔耐有啲友好甚至老闆例如許士仁、向佑、郭炳江都捱過苦，再加上而家咁嘅時勢，將來邊個權鬥下馬話唔埋唔好彩，都可能要步曾蔭權後塵坐一輪家嘛，做定準備改善一下監獄環境，有利無害丫係咪？

希望佢地醒少少做實事，唔好愈幫愈忙啦唔該！

＃靜靜地

深夜無人睇，靜靜雞講故仔……（最後兩回）
　
《我老婆由細到大都鐘意紙紮公仔》
　
得知外母跳樓自殺呢個消息之後，我完全係呆咗，因為呢件事我從來都無諗過會發生，唔通我前幾日罵走咗佢，佢接受唔到而自殺？如果係嘅話，我咪係殺人兇手？而且對象仲要係自己嘅外母……你叫老婆點肯原諒我？
　
過幾日後，當我一直感到內疚時候，警方將遺書交託比我，我先正式解開內心入面嘅疑問。
　
遺書入面提到，真正令佢地頭家散嘅人就係外父，係佢將紙紮嘅詛咒帶嚟呢個家庭。
　
原來外母當時嫁比外父時候，本身一路都好開心，但有一日外父返內地公幹返嚟之後，成個人都變哂，唔知點解突然之間好鐘意紙紮，不斷話紙紮係一件藝術品，好想收藏同發掘更好更靚嘅紙紮。
　
開頭外母以為佢只係純粹個人喜好，完全無諗過外父愈嚟愈變態，不但買咗好多紙紮返屋企，而且日常生活都用到紙紮，仲逼佢地兩母女都要一齊鐘意，因為外父話紙紮唔想屋企有人討厭佢地。
　
外母奮力抵抗，但最終都對於紙紮有一種著迷感覺，不能自拔，而個女因為想抵抗詛咒而得到情緒病，自此，外母為咗個女健康，而放任佢。
　
後來外父突然之間認為坊間嘅紙紮製成品參差不齊，已經滿足唔到佢慾望，得知內地有個紙紮師傅好出名，於是決定返內地繼續追尋佢嘅完美紙紮製成品。而外母亦鬆一口氣，但可惜個女已經被迷惑得深，最終自焚害死自己。
　
外母已經無咗個女，認為靜妍可能都受到詛咒，當我住喺醫院時候，有試過禁止靜妍接觸紙紮，但靜妍真係好痛苦，令佢諗起當初個女得到情緒病就係因為咁，於是唯有忍痛比靜妍玩。
　
但如果我將靜妍交比外父湊嘅話，佢一定極力反對，但深知我唔會聽佢嘅說話，於是決定以死明志。
最後，外母寫咗一句：
　
「對唔住，我地呢家人為你帶來麻煩，呢點係我一直覺得慚愧，希望你能夠原諒我地。」
　
我拎住封信，實在唔知講咩好，腦海只係浮現出當初喺呢個屋企趕外母走嘅情景，諗起外母寫呢封遺書時候一定係一個非常傷心。我仲記得當時見佢無咗個女一定好孤獨，仲承諾要好好照顧佢，而佢一直好愛靜妍，估唔到最後結果，係我逼佢上絕路。
　
靜妍岩岩瞓醒，仲有些少睡意問我外母今日會唔會嚟，我忍痛地說：「佢去咗旅行，好耐先會返嚟。」
　
靜妍聽後，一聲：「哦。」就轉身去梳洗。希望佢將來知道真相後唔會受到太大打擊。
　
由於外母本身無咩朋友，所以身後事都比較簡單，只喺靈堂設靈一陣就完算。
　
而外父亦突然出現，只見佢毫無精神，雙目沉寂，呆呆咁一步一步走到外母照片前。
　
我禮貌地交上幾支香比佢，佢接過嚟後，拜幾下再裝香。
　
然後嗚咽咁講一句：「八婆，你叫我點算？」之後佢就轉身離去，即使我點叫佢都好，佢都無理我。自此之後，我就再無見過外父。
　
而我同靜妍亦都重新展開新生活，雖然靜妍間唔時都會話想要玩紙紮玩具，但經我不斷打壓，靜妍慢慢都少提出，而佢亦都變得正常，健康快樂地成長。
　
當我以為遺傳於佢阿媽嘅紙紮詛咒已經消失時候，一切都告一段落，但原來有個巨大危機一直蘊藏於靜妍身上。
　
喺靜妍二十四歲嗰年，每年佢生日都會同我一齊慶祝，但我事前去咗公幹，所以靜妍一直以為今年將會破例唔會同佢慶祝生日，但事實上，我一早已經搭飛機返嚟諗住比個驚喜比靜妍。
　
落機後，雖然只係短短兩星期無返嚟香港，但我已經急不及待想見一見個女。始終我同佢相依為命廿幾年，中間面對過好多困難挑戰，但都被我地一一克服，呢份深厚感情，我知道對比其他父母係幸福得多。
　
我事前whatsapp靜妍今晚佢生日有咩活動，而佢話會同朋友一齊出去食飯慶祝。
　
而我趁呢段時間好好佈置屋企，等靜妍返嚟有驚喜同一齊慶祝。
　
當我喺街市買咗唔少靜妍鐘意食嘅餸後，經過街市角落，我先發現，不知不覺間竟然去咗當年阿傑開舖嘅街市，而呢個角落位置仍然賣緊紙紮，只係換咗個老闆。
　
諗返起，阿傑當年嘅死真係一個迷。我喺遠處望住，已經覺得堆紙紮好吸引，好想行埋去望清楚同欣賞。最後我行到去呢間舖面前欣賞唔同嘅製成品。
　
老闆係一個阿伯，佢見我喺到望，於是說：「有需要燒比人？」
　
「無，我只係覺得整得幾靚，忍唔住望下。」
　
「既然無需要就唔好望喇，你愈望佢，佢愈想你買咗佢。」
　
「佢？你指呢堆紙紮？」
　
「你以為紙紮只係一堆紙？任何嘢都可以附身，而紙紮就係專門被鬼附身嘅容器，如果你唔好運買咗個附身紙紮返去，咁你就要小心。」阿伯淡淡然說。
　
佢一講，又諗起外母一家。
　
「總之你唔需要就唔好望喇，走喇。」阿伯似乎唔想我喺到。
　
我正想離開時候，見到阿伯背後有一堆紙紮公仔堆咗喺入面，而佢地一直都望住我，感覺上佢地好似笑緊我，剎那間令我有股寒意，於是就離開。
　
當我返到屋企後，我真係嚇呆咗。
　
我驚見屋內擺放住大量紙紮玩具喺地下，而飯枱上仲擺放住一個生日蛋糕，而每個位置都有個紙紮公仔安放住，就好似一家人一齊慶祝咁。究竟發生咩事？點解屋企會有咁多紙紮？
　
我終於明白，原來靜妍一直都抑壓住自己對紙紮欲望，佢根本一直都無脫離過詛咒，佢只係唔喺我面前玩，我一旦去公幹，佢就拎返哂出嚟玩。
　
我嬲到緊握拳頭，我絕對唔會再比靜妍行返佢阿媽條舊路。
　
於是我將眼前所有紙紮玩具撕爛佢，撕得有咁碎得咁碎。
　
「這個瘋子是她的爸爸。」
　
突然有把內地口音嘅聲音出現。我頓時停咗手，望一望間屋，應該無人吧？
　
「把他殺死不太好吧？靜妍會傷心。」
　
「不殺他，那讓他來殺我們嗎？」
　
「那怎麼辦？」
　
我走到廚房房間同雜物房都唔見有人，但屋內一直出現呢堆對話，究竟係咩人講緊嘢？
　
「係邊個呀！出嚟喇！」我大叫。
　
「他叫我們？哈哈哈！」
　
當我意識到聲音係堆紙紮公仔發出時候，我立即轉身，但已經太遲，見只數個紙紮公仔將我壓住，明明只係一堆紙，點解力度好似大人一樣，令我完全反抗唔到。
　
「真的把他殺嗎？」
　
「靜妍會傷心吧。」
　
「我很討厭他呀！」
　
我不斷掙扎同大叫救命，希望附近鄰居可以聽到，但紙紮公仔用佢隻手封住我個口，令我不斷發出：「唔……唔……唔……」聲音。
　
當我見到佢地三個公仔喺到討論我時候，留意到佢地臉部表情同眼神不斷轉換，恐怖非常。
　
我用手不斷抓爛佢地隻腳，當我一抓，佢地隻腳就變得軟爛，頓時失去平衡。我先趁機起到身，跑到大門前，而佢地隻腳唔洗一秒，又變返原狀。
　
「看吧，真討厭呀。」
　
「殺他吧。」
　
「但靜妍會傷心呀。」
　
我從褲袋中拎出打火機，然後對住呢堆公仔大叫：「再行埋嚟我就燒撚死你班垃圾！」
　
只見三個公仔一直望住我，臉容表情不斷改變，最終三個臉容變成一個恐怖笑容。
　
佢地三個異口同聲地說：「敲下去吧！靜妍。」
　
靜妍？
　　
我轉身一望，只見靜妍雙眼充滿怨狠咁望住我，手上拎住個掛衫嘅木棍，然後一嘢向我個頭毆落去，我即時失去意識，然後暈倒了。
　
「可憐的瘋子！」
　
……
　
後來，我一直昏迷。
　
由於無咗我呢個顧忌，靜妍嘅欲望一下子完全釋放，甚至失去控制，將詛咒散佈到整個城市。
　
原來受到最深詛咒嘅人，唔係佢阿媽，唔係外母，唔係外父，而係靜妍。
　
（待續）
　　
仲有兩集就大結局。
　
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

故事已經去到尾聲，大概仲有兩集就會大結局。
如果呢集聽晚前真係有7000 like，聽晚我會出比大家睇。
如果唔夠都唔緊要，唯有比我抖下～～呢排公司好多嘢做。
　
所以大家記得like 同留言 同share～每個留言我都會睇。
　
另外，未買書嘅讀者記得買書支持，如果多人買，我考慮會同大家一齊睇大結局……！
　
我嘅網店：https://homingming.boutir.com/
　
知大家買書可能遇上問題，但我只有一個人，所以處理好慢，大家耐心等我……感謝大家！
同埋再次提大家，今次係預售，幾多人訂就印幾多～
過咗三月就無得再訂同買架喇～＠＠希望大家買書支持