Netflix 《梨泰院Class》韓版「蝦頭」金多美最搶鏡！
～ 整體上好頭唔好尾，後半部感情戲太長，結局有點失望。
～ 前半部較男性向，主要睇跌至人生谷底的朴世路如何安排復仇計劃，和好似《One Piece》咁組織同伴，實踐復仇大計，劇情夠爽夠煽情。但後半段變了女性向，主線變了睇金多美如何擊敗吳秀娥，痴情勝利，得到世路哥的愛情，但節奏慢了很多。
～ 全劇最突出的演員是和香港「蝦頭」楊詩敏有點相似的金多美，兩個都係好戲之人，金多美未必係大家心目中的靚女，不過相當有個性，演技亦十分出眾。
～ 第二個最出色的演員是飾演大奸角張大熙的劉在明，奸得好有霸氣，追到尾係為了睇佢下場。
～ 主角朴敍俊前半部好夠霸氣，後半部感情線為主後，霸氣大減。開場因為寧死不跪搞到要入獄收場，好期待佢可以保持不屈到底，點知結局居然為女友向仇人下跪，可能女性好感動，男性覺得好失望，無晒氣勢！
～ 期待的打大佬勝利結局也是令人失望，嚴格來說，張大熙輸在自己人篤灰，朴世路沒有打勝他，而且一直都是輸家。
～ 開頭很似當年韋家輝劇的煽情風格，故事的商戰及三角戀橋段在大台也常見，但演員和製作明顯勝大台。
～ 張大熙的管理公司方式，很傳統家長式和極權主義。朴世路則強調人、信任和團隊力量，因此有商業上世代之爭的味道，是否可行當然視乎公司文化而定，亞洲的大企業目前還是張大熙管理方式為主。朴世路的管理概念，其實只是日本少年漫畫的典型設定，友情、團結、合作和勝利。
～ 因為前半部拍得不錯，可以吸引大家睇完套劇，但個人認為《浪漫醫生金師傅2》好睇啲。
#Netflix #梨泰院Class #韓劇
