【一齊圍爐】
唔知各位影迷有冇同感,自覺呢個世界最難嘅事,就係搵個戲腳同你睇戲,尤其是,即使你有兩張戲飛,例如換票證呀優先場呀時候,你曾經以為好簡單,事關個個都會同你講:「正啦你咁多戲飛,有好嘢記得搵我呀」,原來佢哋真係只要「好嘢」。
走去問人,男又好女又好,都總會遇上呢類答案:
「請我睇戲大曬咩?我出嚟搭車呀食飯呀唔駛錢呀?冇錢呀!你係咪請埋先?」
屌你丫!
「都唔知咩戲嚟,好悶咁喎,唔喇」
優先場一般隨時早過套戲上畫一個前睇,結果套戲突然爆紅,事後又會問返你仲有冇飛,近年最佳例子有《淪落人》、《上流寄生族》、《幻愛》等等。
「我淨係入戲院睇大片架咋,呢啲流流地嘅,留返去小鴨定Netflix啦。」
結果,呢啲人真係一有Marvel之流大片,就爆你機問你有冇飛。
「我好忙架,要我嘥兩個鐘入戲院,我OT都未抖到氣啦,方我好似你咁得閒咩?」
咁你慢慢做奴隸啦。
更多嘅係,因為覺得你張飛唔駛錢,應承完你,當日甩底。
事實上,問得你,都係當你朋友先至問,唔通無啦啦問個九唔搭八嘅陌生人咩,但無奈地,香港人就係咁功利主義,你請佢睇戲,仲要有更多著數先肯。
咁多年嚟,我已習慣睇就睇,唔睇就算;我唔會求你,你不斷係咁推,唔駛旨意會再問你,大片問返我都係咁話。
我冇諗過,到有一日戲院收埋皮後,當你好無聊搵人食個飯時,竟然又有人話,等戲院開返先啦,你冇戲睇我又唔想出。
原來,自己嘅作用係咁。
以前我好鍾意約唔同人睇戲,散場後同唔同性格嘅人討論套戲,會覺得係一件幾得意嘅事,都可以刺激到唔同思考,但近年不斷俾呢啲說話冷冷打沉,我不如堅守幾個戲腳算,唔駛聽你班麻煩友阿支阿左。
朋友唔駛多,最少唔好你對人真心,人哋當你係個笑話。
你身邊又有幾多個好耐冇聚過嘅戲腳?又聽過啲咩約人睇戲,俾人屌鳩返你難聽說話?不如圍爐討論吓啦~
🏆第7屆晞。觀影記事讀者電影投選現已接受投票,請踴躍參加啦:http://bit.ly/392BwQ2
📣即訂Patreon加強版,閱讀更多精選深度獨家電影文章:https://www.patreon.com/travelerwithmovie
📣文字工作者也得要吃飯,你的支持是我的原動力。請給點心意,給小弟寫更多好文章,歡迎透過payme課金以作支持🥳:https://bit.ly/3a9wOzy
或使用Payme link:https://payme.hsbc/jackyhei
或透過Paypal捐款:paypal.me/jackyhei
🙏感謝各位支持,小弟執筆之原創小說私人貨存已全部售罄,有意者可到此文章內的連結購買:https://bit.ly/3dRuUWu
【IG請follow】www.instagram.com/travelerwithmovie
Search