《賣樓》
👿：大哥，當我求你，借錢比我……
😇：我借到一定借，但問題係我何來咁多錢呢……二三百萬我都可以拎到出黎，就算我按埋層樓……最多都係多一二百萬，另外個三百萬，你點搞？
👩🏻：二哥你無固定工作，銀行唔會批按揭，大家佢已經買左一層樓，用佢名都唔知過唔過到壓力測試，我都勉強可以，但問題係掛我名我老公同奶奶一定會嘈……
👿：即係你地任個女人賣左間屋？
😇：層樓係佢名，佢想賣我地都無辦法……再絕少少，佢趕你出去都仲得……其實賣左佢，都算係了左件心事，你又唔係成日係香港，其實間屋都丟空左幾年，放係度都無意思
👩🏻：明顯阿媽想迫你求佢
👿：唔駛諗，我唔會求佢
😇：咁你有乜打算？
😇：唔出聲？問題唔會解決，你無能力，又唔肯放低自己去求人，又執著，最後你咪係得個嬲字？
😇：艾，現實就係咁，我同阿薇幫你幫到盡，都要靠你自己，你一直咁吊兒郎當，錢都唔多個，你一早肯正正經經搵份工既話，今日就可以去做按揭，阿媽就係太了解你既弱點，佢一刀插到你還擊唔到，你可以點？
😇：大佬唔係偏幫任何人，我客觀咁比個建議你，求下阿媽，你話你依家無地方住，佢唔通趕你出門口咩？再搵份工，我睇下搵唔搵到朋友幫到你，你當拖延下時間又好，乜都好
👩🏻：我認同大哥……
👿：即係你地想我同老豆一樣，要成世都睇佢面色做人？
😇：你可以唔睇佢面色，佢賣左層樓都講到會分返比我地，你又有筆錢，我唔覺得係對你有幾唔公平
😇：你夾硬要買返層樓，你點供，你點還比我？頭先你話係借，你借得我就要知你點還，憑你做兼職？我係你大佬，我當比你，但我無預你會還。仲有雪兒呢？你點比幸福佢？
👿：我明，我乜都明……
👩🏻：大哥你講得太過份
👿：唔係，佢講既都係事實，佢只係講得白，比少少時間我去諗下
😇：有時放棄都係一種選擇
👿：我唔細，唔係咁天真，如果我搞唔掂都唔會夾硬黎，放心
😇：出版社想搵隨時話我知
👩🏻：哥，我都可以郁到八十萬左右既……但名我都係唔得……Sorry
👿：唔駛喇，我依家講唔到幾時還要比你，所以我無資格問你地拎，我知道點做
👩🏻：唔好死撐，有咩你打比我，我返到屋企，唔講住
👿：好，我都靜靜先
#長傾不見 #好久不見 #蔣薇
真如意思 在 不生不滅的本來這一顆清淨心- 一 真如本性 - Facebook 的推薦與評價
萬法唯心”，就是這個意思。 簡單地說，這個“真如本性”，亦即所謂“真心”，不可思議，不可以用世間上的事相或者思惟心來分析衡量，一切言語文字，都不 ... ... <看更多>