《我做外賣仔的日子》
呼，尋日又做左半日外賣仔，比起第一次做，第二次做明顯有好多唔同既感受，就好似愛情咁，第一次約會總係令人感到新鮮，但新鮮過後，就需要面對現實了，同各位報告下感受，去點：
1）是日都係半日，六個小時，地點係尖沙咀區，南至海旁，北至窩打老道，東至尖東，西至柯士甸站
2）總單數，13單，收入，360蚊
3）當晚約左大學同學食飯，消費400……俾錢個一刻，我好想再打開個apps去補多一鐘，令當日收支平衡
4）極度懷疑系統係有新手優惠，派得特別多單，暗示你聽，好好搵啊，記得做多D！
5）上星期因為被退單，有蝦餃、薄餅、雞翼、肉醬意粉食，原來術語係叫福利餐，而今次我已經成長喇，所有派送成功，無任何福利……
6）是日來回柏麗大道三次，短期內我都唔會再想行呢條路……
7）尖沙咀區比起旺角區舒服好多，我指環境，明顯綠化同公園長椅都有唔少，整體無旺角咁壓抑，而且搵廁所係相對輕鬆好多
8）請叫我渡船街小霸王，呢個範圍，我送左五單，雖然每單既等待時間都有五至十分鐘，但送餐距離極短，短到點呢？就係間餐廳係樓下但客戶都唔想落街咁既距離，每單都有25蚊以上，當時我感覺原來賺錢就係咁簡單
9）距離短，錢好似好易搵，但計返數，原來重點係唔停手地做先係搵到錢，今次只有一次同時拎兩份外賣，比起上次連續3次搵住3個外賣比，感覺到付出幾多，收獲幾多
10）是日最遠派送，係尖沙咀I Square去佐敦永安，仲要係4人餐，果斷搭巴士，車費6.8，點知去到佐敦再次陷入漫長等待，早知慢慢行過去……
11）無單既時候，我企左係譚仔門口，希望譚仔可以賜單比我，點知旁邊有個南亞同事都係度等緊單，你無聽錯，自從成為外賣仔之後，我係街上面見到外賣仔都會心諗，又有同事開工，會給予佢地一個加油既微笑！
12）閒來無事同南亞同事吹開水，佢都係步兵，已經做左兩年，比起我呢個做左兩日既，佢絕對係大師兄，佢一日最少做12個鐘，鋼條既身型，比起我呢個行半日就去按腳既廢柴，我諗佢做完12個鐘都仲可以去兼職按腳多幾個鐘！送外賣用腳，手唔攰可以再用埋佢
13）南亞同事月入差唔多三萬，同幾個同鄉夾租，每月2500，佢夢想係搵到錢開間雜貨店！感覺就好似香港人移民硬係想開埋小食店賣雞蛋仔，文青總係夢想開間Cafe咁
14）問佢公餘有咩做，佢話打排球，剛好小弟年輕都係排球校隊打過學界，但我見佢差唔多一米八，壯碩既身型，強勁既臂彎，我婉拒左佢邀請我閒時打友誼波，我怕比佢打死
15）傾傾下系統派單比佢先，佢同我講，因為佢係老鬼，同地點有多過一個人都會派單比佢先，我當時心諗，頂，你唔早講，佢用一個朋友，你返印度食蕉既表情同我講，下次同到佢班南亞兄弟就記得唔好一齊等
16）佢工作好認真，真係當係職業，而我就係玩味性質，原因好簡單，因為佢係巴基斯坦搵幾千蚊都做到成隻狗咁，依家派外賣比起以前搵多成十倍，感覺好似當年我去澳洲工作假期比當地人問我點解咁鍾意返工，當時我答佢，香港做麥記20蚊一個鐘，澳洲做又係20蚊一個鐘，但係澳紙既分別
17）是日太無聊，所以我係七仔特登買d平時唔飲既冷門或者新飲品，林家謙代言既清。麥茶都唔錯，紅茶花傳既檸檬紅茶幾好飲，但原來成15.3g糖……
18）尖沙咀區送The Austin同Grand Austin最花時間，要落隧道來回，荒島黎，但大型屋苑既保安服務真係做得比較全面，拉門既都好有禮貌，同日送窩8，樓下阿姐真係有少少無禮貌，唔係對我，而係一個順豐哥哥佢拉住貨入黎，佢嘈左幾句，但順豐哥哥無理佢就入左lift
19）今次我比上次做多左樣野，想睇下分別，就係我今次拎到外賣，同送到樓下，我都會Msg客人同佢講我出發喇，我差唔多到喇，送到我都會msg佢地用餐愉快，到底呢個行為會唔會令我多左Tips呢！！？？
20）答案係無既，可能我既服務仲未夠好，但我又覺得咁send個msg比客，都係認真對待呢份工作，令客人多左一份安心，自我感覺良好，下次我會再接再厲睇下點先有tips！
21）收到張單係送食材，蕃茄薯仔豬骨，應該係煲湯，平時我自己買只係50蚊左右，但有人用差唔多高一倍既價錢去享受服務
22）外賣呢樣野，真係一種時間同金錢既交換，有人分分鐘幾十萬上落，佢花費幾十蚊去慳返時間搵更多錢，或者休息，一路送我一路覺得係對整體社會發展係好事，因為人可以做更有價值既事
23）感覺到外賣都不斷升級緊，係外賣盒、外賣速度、包裝等等都感到比幾年前好太多，以前你食個麵要分湯？真係叫都未必有！依家分湯好多唔講明都會分比你，感覺外賣自取同埋派送對於一個人食飯都係一種趨勢
24）睇返譚仔上市資料，幾年前堂食外賣比重都係8：2，依家已經差唔多6：4，世界唔同左，仲記得當年沙士打開左網購既潮流，而上年疫情就改變左堂食習慣，有好多野唔迫到埋身真係唔會成長
25）是日趣事，我左手拎住電話，右手拎住外賣，個客開門之後我遞左電話比佢佢呆左；一個上身赤裸既男人拎外賣，我覺得睇到佢身體要加錢囉
26）暫時對我講，送外賣都係有趣既，而我分析過，因為我係兼職，又唔係靠佢養家，收工時我計一計數，360蚊，如果我等佢開飯既，我真係要加多半日做到夠數先可以收工，而唔係收工仲去食餐比今日搵既錢更多既飯，今次已經比起上星期無咁腳痛，唔駛按腳，但起左水泡，
27）興趣同職業，真係兩個層次，將興趣變成職業係一種漫長既過程，唔係人人做到，當你既興趣超過左一定既數量，就會量變引起質變，即時變質，需要一個覺悟！
28）我會唔會繼續做？會啊，下星期六強勢回歸旺角區！每次有人問我都係咁答，依家每個星期有人比錢我做gym，真係唔做就蝕啦！
29）但同時我係送外賣既時候諗，其實全職炒散真係幾適合我，黎緊我會有新動向，試下其他唔同既工作，分享多少少大家平時成日見既職業，當真係做既時候係咩感受，如果你地有咩特別職業想我去破地獄既，歡迎留言！
30）兩次既步兵經驗，我升級喇！步兵將會轉職成騎兵，點樣升級得快d！比個like啦！like數就好似經驗值咁，令我有動力去冒險！！！！
租 屋 養 狗 在 [心得] 帶著寵物在外租屋真的好難- 看板rent-exp 的推薦與評價
最近租屋遇到好大的困難所以想來尋求大家的建議，
先說我本身的狀況，我是住在台北收入穩定的上班族，養一隻9公斤的柴犬，
前前後後帶著這個寶貝搬過幾次家了，
前一次是工作關係，最近則是租約快到期了想換間便宜點空間大點的房子．
找房子時的情況是租屋網站點開直接開啟可養寵物的條件搜尋，
原本100間的房子可能就只剩下20間，
扣掉頂加、價格太誇張的、照片看起來的很恐怖的，
就又只剩下3間了，
三間裡面又會其餘的考慮因素，最大的考慮因素其實就是坪數，
在台北撇除養寵物這件事情，大部分的房子坪數都不大，
另外即使狗狗在家很乖不會吵，
但為了不影響其他人會盡量找獨立套房以免其他房客不喜歡，
然後這樣一來選擇就又更少了，
寵物族應該很多，這大概就是所謂供不應求．
之前也會到外面到處繞，看到租屋廣告就直接打去詢問，
能理解大部的房東可能在這方面都會有所顧忌，
但是常常電話一接通前面問答都很愉快，
一提到養寵物的事情態度就會大變，
甚至有遇過房東反應相當激烈，回覆酸言酸語的，
與其說是找不到房子，
更不如說是在找房子的過程之中很常需要去面對部分房東較為不理性的言語對待，
在詢問房子問題的過程之中我自認沒有什麼不禮貌的地方也很客氣，
但是只要問出寵物的事情時我自己也會很緊張，
因為我不知道這個房東會不會講出不客氣的回答，
可是我只是問可不可以養寵物而已啊為什麼要洗我臉QQ
有時候找一找被拒絕十幾二十遍又被房東洗好記次臉都會覺得很氣餒...
養寵物的人真的沒有比較髒，
有些甚至還會比沒養寵物的人還要愛乾淨，
我自己是養了寵物之後變成每天吸地每天打掃，
狗狗也是不在家裡大小便每天帶出去外面解放，
每次出門回來都會擦腳擦身體，
之前退租時房東也稱讚我把房子維持得很好，
可是這些其他房東們都不會知道，
所以找房子還是找得很氣餒~
遠一點沒關係，但是寵物族還是想要住得安全有一定生活機能呀QAQ
嗚嗚嗚變成討拍文了...
想請問還有什麼寵物族找房子的建議嗎~
--
※ 發信站: 批踢踢實業坊(ptt.cc), 來自: 60.251.40.253
※ 文章網址: https://www.ptt.cc/bbs/rent-exp/M.1496403318.A.016.html
... <看更多>