【英國ITV六點新聞："This is beyond the point of return"】
新聞鋪排同剪接好重要，結果白衣人摺凳就衝出國際
唔會意外今日（9月15號）英國傳媒一定會報導香港情況嘅最新發展，而電視新聞方面，ITV嘅晚間新聞可能係最巧妙一間。大家要明白外國觀眾唔係香港人，未必明白甚至會誤解前線「勇武」嘅行為。所以對整件事嘅觀感，就要靠傳媒點樣編輯，鋪排同演繹，今日ITV嘅報導就係一個例子（有邊個唔鐘意嘅，請直接投訴ITV）。
主播一開始就話今日香港嘅示威者向警察掉磚頭同汽油彈，而警察就用水炮同催淚彈回應。不過，响衝突之前有大成千上萬嘅市民，响警察反對之下和平咁遊行（march peacefully留意語氣）。交到駐港特派員Debi Edward，講明香港警察禁止呢個周末嘅所有遊行，但係叫觀眾睇下香港人點回應。係無數咁多家庭，長者，細路女同媽咪第十五個星期出黎爭取民主同自由。鏡頭一轉就見到大量米字，報導指有部份人就去咗英國領事館，尋求英國政府嘅支持。（睇到呢度，假如大家係觀眾，會有咩觀感？）
然後先報導遊行後出現嘅麻煩嘢（the troubles），有發生嘅嘢當然唔會唔講咁偏頗嘅。記者形容一班強硬嘅示威者（hardcore protesters）向警察掉磚頭同汽油彈，不過就要受返警察一輪輪嘅催淚彈。Debi Edward帶住面罩形容呢班示威者好有勇氣，仲有晒裝備同排練一樣（fearless，well equiped and well rehearsed），遇到催淚彈就好輕鬆咁掉返比警察（喂，係讚還是鬧呢？）。然後就有影片拍到警察响地鐵站被圍（cornered），掉中汽油彈。响示威者開始撤退嘅時候，Debi Edward訪問其中一個示威者，。話已經無其他方法，"we have no chioce already, this is beyond the point of return."。最後彩蛋就係炮台山白衫人用摺凳打人嘅畫面，記者話依家香港只要企錯邊，你係會被人打嘅（Hong Kong is now a place you can get beaten up for being on the wrong side）。
係囉，做觀眾嘅，睇完全個報導，會覺得咩人恐怖啲呢？
Video Source: ITV News at 6pm 15/09/2019
#編輯決定觀感
