Search
#這叫幸福不怕流逝
送完哥哥上校車，有人話：「我同妳去荃灣食雪糕、飲Juice、食noodle 果啲啦好唔好呀？」下，又會咁突然......近近去屋苑附近行個圈，原意只想求其買杯雪糕，經過茶木看看餐牌有 #午後遊樂園 #四道碰碰車 咦？有雪糕喎，還是某人最喜歡的士多啤梨味，冒著好飽但要包底的風險，相中女子已拉我入去......
結果！！士多啤梨雪糕有驚喜，疑似是haagen dazs，肯定不是廉價三色那種，大大球！最意想不到心太軟妹妹都不碰碰（明明好吃）另有微溫鳯梨酥、不靚仔但味道 not bad 的啫喱杯，如果半杯換成芋圓更理想，見出了 story 多人查詢，就在此統一分享啦！$68 + 10%，好ok 啦，有人好開心，只是成個set 75%由我包底，真是肥得好緊要....
#現在才知道有哥哥幫手食的重要性 #茶木 #teawood #ashleybb #眼中只有雪糕 #望下鏡頭please #自費系列 #randomfood
TeaWood 茶木
記得 2003 年 5 月 28 日 我由溫哥華回流返香港、第二日一個人衝左上去荃灣海盛路有線電視 4 樓見工。我用 15 分鐘死背爛背讀熟左一份關於洪朝豐（真係好記得係洪朝豐！）嘅稿入廠試鏡、有人 call 出黎話我化錯左個妝、不過最後都係請左我。
記得開台冇耐要直播偶像離世嘅新聞我忍唔住 live 嘅時候喊左出黎、之後覺得自己做廠喊好唔專業，好在老細話 「it's ok 娛樂新聞係有血有淚有感情嘅。」
記得每年去康城柏林威尼斯奧斯卡直撃香港電影人在外國，當年真心以香港電影為榮。無數次喺紅地毯度迫到變屎餅不過好彩我生得高 d 人容易見到我但係 d 巨星只係喺我面前停到 2 秒，我淨係夠時間請佢 say hi to Hong Kong。
記得每次做完專訪之後其實我都感覺良好不過無數次俾上司話我 d 問題唔夠八卦令我好沮喪。飛十幾個鐘去 LA 為左做一個五分鐘嘅電影訪問、去紐約倫敦米蘭巴黎直撃 fashion week 好似好有型不過每次返香港之後都倦到回唔到氣但係第二日又公司見。那些年見同事多過見朋友屋企人、密集式見識到呢個世界見證到好多所謂嘅國際盛事。成班同事一齊受訓一齊唔瞓，眨下眼原來已經係十幾年前。
永遠都會記得我曾經係有線娛樂新聞台主播、呢間公司將我由溫哥華帶返黎香港、呢張咭片帶我去到世界各地。諗番轉頭真係有血有淚有感情、thank you 畸寶。
#希望仍然留守嘅前戰友們順利過關
（四十五）睇樓
咳咳咳，話說兩、三年前左右啦，小弟有次代客睇樓，係呀，你無聽錯，好多客人連睇樓都懶，佢地根本唔介意個單位係點，只要價好，有水位炒，就扑鎚OK。
d樓就係俾呢d炒家炒貴曬。搞到我地而家300呎嘅單位仔都要成5,6百萬，真係痴q 線。
燥左少少都要繼續講，d細價樓，兩房單位仔，呢d係民生嘢，大眾市民所須要嘅，你地班友要炒嘅就去炒豪宅，半山地段果d啦，搞到民生嘢真係好不該，賺錢都應該有返少少良知先得架嘛。
D 客而家愈黎愈趨向財大氣粗大支嘢，多多要求。果次，就係有個叫芳姐嘅熟客打黎，叫我上去一個單位到拍片佢睇，佢响洲際High tea緊，唔黎喇，總之快快手手拍好俾佢，叫我記得每個位都要影清影楚咁話。
哦…
如是者，咁我就自己上去啦。
個單位開價好平，因為業主想快手甩身，原因係，上手租客無L人性，不斷以毒招虐待屋企個印傭，又唔比飯佢食，又好似限佢每日只可以訓三個鐘等等，不時對佢拳打腳踢，結果，佢响屋企個露台跳左出去…
即係，23C係一個兇宅單位。
不過呀芳姐真係百無禁忌，仲糾正我話呢個極其量只係叫做半兇宅單位，因為，照佢講法，死者跳左出屋外，死嘅地方响一樓平台，唔係屋裡面，所以，空中飛人case只屬半兇宅。無事無事，佢有意入手。
顧客永遠是對的。
就係咁…
我自己拿住條匙，就上左去23C喇。
黎到門口，照例敲下門，扭下把鎖，講句：「打搞曬，黎睇樓架」咁就walk-in入去。
單位已交吉，無傢私，間隔四正企理，亦幾通風，其實感覺不差。
快手趕收工，拎起部電話開個 video mode就拍。
之前試過比芳姐屌過：「都唔知你拍乜九？邊到係房，邊到係廳呀？個鏡頭又郁黎郁去，鬆郁矇，點睇吖？你咁樣做嘢邊得架。」
我果時心諗。屌你啦，我做地產啫，拍得好嘅話我拍左套美人魚出黎啦。
自果次之後，咁我都學精左，一面拍，會一面加埋旁述响隔離。唔係一陣個客唔like 又要我白走多轉。
「大廳睇落四通八達，住落真係人都發達吖，抵呀，開價700萬，攞黎收租日日賺。」
「地版乾淨立立令，華麗轉身有靚景，身份嘅象徵吖！」
「好，跟住睇下個主人房，呢度放張雙人床，呢邊放個地櫃，Fit曬。」
「再黎睇睇個露台，可以掠衫又可以…」
咦喂！我眼花？
果一下，我窒一窒，响手機螢幕到…
見到有個女人，背住我，企左响露台出面。
我眨眨眼，拎開個電話…
無嘢。
都話眼花架啦。
繼續拍攝，拎返起部手機，影實個露台，再一次，我實實在在响電話螢幕裡面見到…
有個女人…
白色長裙...
企左响露台…
頭髮仲要好長，長到落腰左右。
我果刻真係嘩左聲出黎，拎開部電話，見到嘅只係空空如也嘅露台...
喂…咩料？
真係咁猛？
…唔係化。
我竭力鎮定自己，但係胡思亂想嘅想法硬係自己湧上心頭，我諗起呢度係一個兇宅單位，諗起曾經有個印傭係呢到跳左落去…
我吞吞口水。
响露台跳左出去…跌落平台…
大概就係而家我面前呢個位置…
骨碌…
算，傻的嗎，都係唔諗咁多。
正想走為上著離開之際，芳姐打黎，問我做咩無露台條片。
妖…
我嘆左啖氣，口中唯有係咁講住有怪莫怪有怪莫怪咁，搵食啫，硬住頭皮，再次打開個video mode，然後用手機慢慢對準個露台…
唔…
其實當時我眼球已經盡量唔直視個螢幕架喇…
咦！無事…
無嘢喎…
一切正常。
我呼左啖緊張悶氣，快手拍完，send比芳姐，轉身講句打搞曬，奪門離開。
入到𨋢，芳姐whatsapp 比左個留言短訊我： 「露台呢？你拍乜九呀？點睇吖？你咁樣做嘢我點比佣過你賺呀？」 。
我心諗，唔係化，我隻手今次好定架喎，仲要加埋旁白，應該好清楚先係。
於是，我自己click返條片睇一睇。
「呢個係露台，可以放掠衫架，仲夠位可以…」 聲音完全無問題。
之但係，個畫面前面好似有d嘢泣泣揚揚…
係一片紅色…
覆蓋住成個畫面…
就好似有一大片血肉哄左响鏡頭前一樣…
呃…
相信…
大家同我一樣，都明白係咩一回事。
嗱嗱嗱，做地產真係成日會撞到呢d離奇嘢，據我所知，呢排同行都好怕上石屎藏屍案果幢荃灣dan6 睇樓，聽佢地講，呢排架𨋢成日無啦啦停左響事發果層，唔郁唔剩，又有好幾次，話見到有個陌生男人係大廈裡面係咁問路，問人點樣出返去…屬真屬假，不得而知。但可以肯定嘅係，d炒家而家已經喉住呢個盤，準備好執平貨。
真無良。
真人視聽版：
https://www.youtube.com/watch?v=iLOgFc4NO7Q
利申：好多人問條片個主角係咪就係我本人，話佢幾靚仔咁。我重申，呢個唔係我，唔駛懷疑喇。不過，講返吖，我認為，我輕輕靚仔佢少少。
#真人真事 #離奇 #鬼故 #鬼 #靈異 #不可思議 #高登 #離奇家遮 #恐怖 #香港 #文字 #心靈 #電影 #短片 #睇樓 #地產
