❣️一幻拉麵x NAMCO套餐有得食仲有得玩❣️
今次同哥哥嚟到日本北海道過江龍一幻拉麵!因為佢哋出咗一個超抵嘅套餐!食拉麵之餘,仲可以去NAMCO玩遊戲!仲有機會贏埋蝦湯拉麵變身別注版抱枕添😍
💗一幻 x NAMCO套餐$128包有拉麵或拌麵一碗、餃子同埋飲品!
招牌蝦湯拉麵
湯底蝦味香濃🦐麵底有粗麵同幼麵選擇,麵條爽口彈牙!我哋選擇咗走青!裏面有叉燒同溏心蛋,叉燒肥瘦啱啱好!最鍾意就係佢哋個溏心蛋!蛋香十足!
黑蒜叉燒蝦湯拉麵
荃灣店限定推出梗係要食啦!🦐香濃蝦湯味,仲有淡淡黑蒜香味,味道會較原味香濃!同原味唔同嘅仲有多咗木耳絲!口感豐富!
餃子
餃子外皮香脆,內餡肉味香濃!咬落去仲有熱辣辣嘅肉汁流出!加埋餃子汁一齊食超級惹味
青瓜木耳
呢個配搭非常清新!青瓜同木耳一齊食爽口去膩
哥哥最開心就係可以飲到地道嘅波子汽水😍食飽飽我哋就即刻出發去荃新天地NAMCO玩夾公仔添🎁
一幻拉麵 Ebisoba Ichigen Hong Kong
📍荃灣楊屋道1號荃新天地一期UG樓UG02號舖
NAMCO Hong Kong
#一幻拉麵 #拉麵 #namcohk #荃灣 #荃灣美食
同時也有17部Youtube影片,追蹤數超過9萬的網紅Smart Travel,也在其Youtube影片中提到,#慳錢攻略 #中環一幻拉麵 #生日免費 #EbisobaIchigenHongKongCentral #精明消費 Hello大家好我叫阿Tsar, 事先聲明, 呢個唔係廣告 而係發揮我孤九寒性格, 介紹大家慳錢攻略 因為整個七月, 如果你七月正日生日 去中環一幻拉麵, 可以免費食到任何...
蝦湯拉麵 在 窮遊達人 Mr. Travel Genius Facebook 的最讚貼文
【藍色清雞湯拉麵】HK$85│油麻地隱世拉麵小店 真係食到日本地道的豬骨湯拉麵感覺!
今次經朋友介紹,去左油麻地試一間新拉麵店,叫做MAKI,佢竟然身處於廟街牛雜隔離,完全幻想唔到會有一間日本拉麵店。
我都係抱住無咩期望嘅心情,因為香港做日式拉麵,好多都做得唔似樣,我係日本食過好多拉麵,總係有幾種口味特別喜歡,係香港食唔返的。
睇睇餐牌,就係佢啦!
傳說中要來一試的藍色雞湯拉麵!
除左藍色雞湯拉麵,我仲說服我朋友叫一D比較顏色鮮艷嘅拉麵比我影,為求畫面豐富D呀嘛!
所以我地另外點左辣味豬骨湯拉麵 + 味噌拉麵。
先黎講下呢碗【藍色雞湯拉麵】
話說日本東京「本所吾妻橋」有一間叫做 「吉法師 KIPPOSHI」,佢原創左一款鮮藍色的藍色雞湯拉麵,觸目度甚高!
我當然就係為左佢而來一試,到底係咪抄襲日本名物呢?
藍色
【清雞湯拉麵】HK$85
但估唔到係,佢用左另一種食材「蝶豆花」去製作湯底,加入大量雞肉,湯汁有好濃重雞肉味,但佢感覺唔油膩,好清新,唔會覺得食左好肥咁。
而且佢配料都好多,有兩片豬肉叉燒,就算咬過佢都唔會散開,做得好結實。
仲有原隻雞蛋,好足料!雞蛋上面仲插住支野,係咩黎?
麵質較粗身,吸湯力夠,麵質彈牙,唔錯。
原來佢會比一支檸檬汁你唧落個湯,令佢變成紫色!呢個就係蝶豆花嘅特性!落完檸檬汁,食落仲有檸檬酸咪咪嘅感覺!
紅色
【櫻花蝦辛辣豬骨湯拉麵】HK$70
呢碗橙紅色的 辣味豬骨湯拉麵,店主話佢係以九州拉麵以福岡最出名嘅豬骨湯底風格製作。
果然真係豬油味好重,豬骨湯好濃極濃,可以話係我香港第一次食到真係日本食嘅味道,大驚喜!
麵質同雞湯拉麵都唔同,佢係用左幼麵,因為濃湯用幼麵會較適合,真係相當認真!而且口感同味道都係我東京中野「豔MARU」食到嘅感覺,真係好似去左日本食拉麵!
湯底落左好多櫻花蝦所以好香蝦殼味,好似蝦餅果種香味。
湯底微辣,唔係真係想像中咁得人驚,而且仲帶少少甜味,應該係豬油嘅甘甜,超好食!我連湯都飲埋!
上面一件非常搶眼就係櫻花蝦餅,雖然比湯浸過,但佢變成上脆下軟,軟得黎唔會腍哂,反而似食緊蝦餅好煙韌,真心正!會再翻啅!
橙色
【味噌豬骨湯拉麵】HK$75
以豬骨湯底製作,所以豬油味都好香好重,超濃郁嘅口感,味噌味好香,咸咸地,微辣帶甜,呢一碗比較簡單,但都好好味! 豬肉叉燒唔會散開,肥瘦均勻,真心抵讚!
問返老闆,點解佢碗碗麵嘅質地都唔同,原來係因為佢每一款都以日本唔同地區拉麵為主題,所以要配合返當地湯底口味同麵質口感。
認真傾談之下,原來大廚係日本拉麵店學師4年,每年都會轉去不同地區學習拉麵製作,所以我真係食到好多日本地道嘅拉麵口感!
大感動!
大廚表示而佢地所有麵條都係採用日本材料於香港廠房製做,相當新鮮可靠!
另外我地幾個人,仲叫左一碟串燒試下
每款叫左一串一齊SHARE試下
雞心 -彈牙,醬汁好甜,唔苦唔腥,少甘香,呢個有驚喜
泡菜豬肉 - 好香泡菜好fresh,豬肉油花好重,兩者平衡得好好
雞軟骨 - 卜卜脆,黑椒香,帶少少雞肉咬口,中規中距
雞腎 - 爽彈牙,好原味,無乜調味。
牛舌 - 好厚肉!但有筋,難咬少少,好香牛油味,都好腍好易咬。
HK$28咁大串性價比算最高。
大蔥雞肉 - 大蔥好香甜,帶辣。雞肉好結實好大件,但嫌醬汁唔夠多,可以再多D。
鰻魚 - 味道正常,不過不失,無驚喜,份量有點少,嫌唔夠喉。
成餐最滿意係紅色櫻花蝦湯拉麵,我諗我黎緊可能一星期要食一次,止下日本癮先! 店內環境都好有日本居酒屋小店感覺,當去下旅行咁止下癮都唔錯,好過去好多連鎖拉麵店呀!
MAKI 拉麵
油麻地鴉打街48號雅寶大廈地下8號舖
Shop 8, G/F, Arts Mansion, 48 Arthur Street, Yau Ma Tei
電話號碼 - 61276820
#ramen #拉麵 #日本
蝦湯拉麵 在 Meeeepmore Asia Facebook 的最佳貼文
日本拉麵一直都深受港人歡迎,今日呢間 一幻拉麵 Ebisoba Ichigen Hong Kong 喺日本開業短短幾年已經成為咗札幌名物!咁厲害,我哋一齊嚟試吓!
一幻拉麵 Ebisoba Ichigen Hong Kong 分店資訊:
屯門屯隆街3號 屯門市廣場一期 2樓2319號舖
電話: 23122399
荃灣楊屋道1號荃新天地一期UG樓UG02號舖
電話: 23689099
尖沙咀廣東道3-27號 海港城海運大廈地下OT G59號舖
電話: 31051199
灣仔皇后大道東119-121號欣景閣地下B號舖
電話: 27893799
中環威靈頓街50號華威大廈地下A號舖
電話: 35904099
#一幻拉麵 #EbisobaIchigen #蝦湯拉麵 #札幌名物 #紅薑天婦羅
蝦湯拉麵 在 Smart Travel Youtube 的最佳貼文
#慳錢攻略 #中環一幻拉麵 #生日免費 #EbisobaIchigenHongKongCentral
#精明消費
Hello大家好我叫阿Tsar, 事先聲明, 呢個唔係廣告
而係發揮我孤九寒性格, 介紹大家慳錢攻略
因為整個七月, 如果你七月正日生日
去中環一幻拉麵, 可以免費食到任何一款麵
當然係叫最招牌嘅辛辣味噌蝦湯拉麵
價值88蚊, 如果你喺7月生日, 都可以享有半價
我嗰日正日生日就落咗去
真係免費喎, 但係佢哋會收番加一服務費
不過冇可能咁樣衰, 淨係食個麵㗎
所以我order咗佢哋期間限定嘅紅薑天婦羅
當然除咗麵之外其他嘢都係要錢呀
............................
成為這個頻道的會員並獲得獎勵:
https://www.youtube.com/channel/UCIuNPxqDGG08p3EqCwY0XIg/join
請用片右下角調4K睇片。
![post-title](https://i.ytimg.com/vi/a1S-o5IWYCA/hqdefault.jpg)
蝦湯拉麵 在 alex lam Youtube 的最佳貼文
日本拉麵,豚骨濃湯,無味精添加
仲送口罩!同消毒濕紙巾!食得更安心啦!
有豚骨,蝦味曾,餃子,小龍蝦沙律 識食緊係食招牌拉麵
拉麵套餐$105 包餃子或沙律
蝦味曾拉麵貴$10,$115有套餐
可另加配料,有蔥,叉燒,木耳絲等~
加麵底,$10一個,抵食!
先講豚骨濃湯,湯底顏色呈奶白色
濃而不油膩,鮮甜順口
配料有木耳絲,蔥碎,一隻半熟蛋
蛋味濃香,半熟夠滑
叉燒夠彈性有口感
蝦味曾豚骨
以豚骨濃湯再加鮮蝦味濃郁既味曾
顏色帶紅,味道更濃香濃郁~
再加上大量灑上櫻花蝦,賣相已經十分豐富~
配料有叉燒2片,蛋一隻,蔥,粟米粒
味道令我想起在北海道食到既蝦湯拉麵~
同樣係濃鮮味為主打!
叉燒比較瘦食起上有口感~
與一般肥肉五花既有唔同~
埋單仲有口罩送!好貼心~
佢既辣芽菜好正呀!十分開胃~
![post-title](https://i.ytimg.com/vi/Sox7RzNYhww/hqdefault.jpg)
蝦湯拉麵 在 alex lam Youtube 的最讚貼文
日本拉麵,豚骨濃湯,無味精添加
仲送口罩!同消毒濕紙巾!食得更安心啦!
有豚骨,蝦味曾,餃子,小龍蝦沙律 識食緊係食招牌拉麵
拉麵套餐$105 包餃子或沙律
蝦味曾拉麵貴$10,$115有套餐
可另加配料,有蔥,叉燒,木耳絲等~
加麵底,$10一個,抵食!
先講豚骨濃湯,湯底顏色呈奶白色
濃而不油膩,鮮甜順口
配料有木耳絲,蔥碎,一隻半熟蛋
蛋味濃香,半熟夠滑
叉燒夠彈性有口感
蝦味曾豚骨
以豚骨濃湯再加鮮蝦味濃郁既味曾
顏色帶紅,味道更濃香濃郁~
再加上大量灑上櫻花蝦,賣相已經十分豐富~
配料有叉燒2片,蛋一隻,蔥,粟米粒
味道令我想起在北海道食到既蝦湯拉麵~
同樣係濃鮮味為主打!
叉燒比較瘦食起上有口感~
與一般肥肉五花既有唔同~
埋單仲有口罩送!好貼心~
佢既辣芽菜好正呀!十分開胃~
![post-title](https://i.ytimg.com/vi/RAWUWH2TVTc/hqdefault.jpg)
蝦湯拉麵 在 真正的元祖蝦湯卻需要用大量北海道南蠻海蝦頭熬製 - Facebook 的推薦與評價
《關於一竜拉麵》 位於北海道的海港,從江戶時代已興盛繁華起來。由於漁獲豐富,每天都有大量新鮮甜蝦,拉麵店師傅就想到把甜蝦來熬湯,炮製出濃厚鮮甜,風味獨特的蝦 ... ... <看更多>