深夜無人睇,靜靜雞講故仔......
《失蹤2》
今日係林頌明表哥嘅喪禮。
當我同父母到達靈堂後,現場愁雲慘霧,哭泣聲不絕。本身我今日情緒都唔係太好,遇上呢種氣氛就更加傷感。
「有客到,來賓請上前」
我同父母慢慢行到去表哥遺照前,見到遺照上面嘅表哥充滿自信,就好似世間上任何困難都難佢唔到咁,但千其唔好咁而覺得佢好高傲無禮貌,事實上表哥非常溫柔,對於我呢啲後輩非常照顧,不但教我學識易經占卦、仲同我講解香港好多古怪故事,所以由細到大我都好尊敬同好鍾意纏住佢講故事比我聽。
我會諗,究竟表哥遇到咩事而令到佢連命都賠上。
「一鞠躬,再鞠躬,三鞠躬,家屬謝禮」堂倌一路說,我亦跟隨地向表哥表示敬意,真誠地鞠躬,希望佢死後可以安息。
鞠躬完後,我同父母坐埋一邊靜候其他人,人場都唔少,有親戚亦有好多表哥朋友,亦因為表哥曾經做過社工幫過唔少人,唔少受佢恩惠嘅人都專程來見佢最後一面,顯然出表哥人緣真係唔錯。
同時間,見到林頌明媽媽已經一把年紀,白髮滿頭,佢一定估唔到如今白頭人送黑頭人,以後得佢一個人生活,失去唯一至親,究竟生活動力剩返幾多?一諗到咁我就心痛,於是忍唔住起身行去明媽到慰問。
但明媽雙眼已經喊到紅腫,神色哀傷,對身邊事物全無興趣,連我把聲都聽唔入耳。
「有心。」突然有把女人聲從明媽身旁出現。
我望一望佢,見到一個女人,令我一時之間唔知點叫佢。
佢似乎都留意,於是介紹自己:「我叫Karen,係阿明嘅舊同事。明媽我會繼續照顧,你可以放心。」
我點頭以示感謝,就返番座位坐,趁呢段最後時間好好回憶同表哥相處嘅日子。
喪禮結束後,對於表哥嘅死,我腦海充滿迷團。
「點解明表哥失咗蹤六年先搵到條屍?報紙仲話屍體發現嗰陣只係岩岩開始腐爛,姐係話佢只係死咗無幾耐,但無理由表哥一直喺山上面六年?六年都落唔到山?我地六年嚟都搵唔到佢?」我忍唔住將心中疑問講出嚟。
「你知唔知明媽每一日都打去報警,話個仔一直喺西貢山上面,仲試過親自上山搵佢而跌親,所以邊個話無人搵佢,係真係搵唔到。」我媽按佢所知嘅事講我知。
呢個時候,阿爸都參與埋討論,佢話:「六年前,你個明表哥同一班警察上山查緊一單失蹤案,但就喺西貢大枕蓋附近失去聯絡,嗰陣社會好轟動架,查失蹤案點知自己失蹤喎,之後過咗一星期先搵到佢地條屍,足足死咗一個高級督察,兩個沙展同一個軍裝警員。而你表哥就一直都搵唔到,要等成六年先搵得返。」
「所以你無咩事千其唔好上山呀!我唔想好似明媽咁淒涼孤伶伶一個人。」阿媽千叮萬囑,驚死我會出事咁。
「你仲有我呀嘛!」阿爸講完呢句,大家都笑了,算係今日哀痛之中唯一嘅笑聲。
而事實上,本身我對呢件事都無咩好奇,只係知道明表哥行山失蹤咁簡單,無諗到咁深入。但今日踏入靈堂望住表哥張遺照,佢嗰一副充滿自信嘅樣,點解會落得咁嘅下場,同時間佢識得易經占卦,佢應該知道自己會出事而避開吧?
夜晚,喺街度,我同身處台灣嘅女朋友傾電話,我將成件事分享比佢聽,諗住佢會比到啲獨特睇法我知,點知佢一句:「我聽日要行山呀,我唔想聽到有關行山失蹤嘅事呀!」
我講笑咁講:「香港就話西貢有結界,你地台灣都有嘅咩?」
「總之我就唔想聽同討論喇!」
當我行行下時候,突然隻左眼比樓上嘅水滴中,即時抬頭一望,只見一棟舊式唐樓,應該係冷氣機滴水。
「屌!真係好憎行舊區,係咁滴水!頭先滴中我隻眼。」
「鬼叫你夜晚晚講恐怖嘢嚟嚇我,個天都想教訓你,好喇,我仲有好多嘢要執架!有咩遲下再傾!」說罷,女友就收咗線。
返到屋企後,發現隻左眼好痕,我對住塊鏡望一望隻眼,又唔見有咩問題,但就聞到一陣惡臭由隻眼發出嚟,究竟頭先滴水有幾污糟呀?
雖然今日奔波咗成日,但對於明表哥嘅死仍然充滿好奇,於是上到床後,仍然用手機睇下西貢呢個地方究竟發生咗咩事。
我記得有次去明表哥屋企拜年,佢同我講過一段說話。
「山入面其實有好多結界。而所謂嘅結界可以分成三種,第一種係符印結界,結界範圍係透過符同埋印記去做出嚟。第二種係膜狀結界,係用泥所造成嘅結界,而邊界係可以清楚見到有塊膜存在,所以正常一般人見到都唔會行入去。而第三種就係無形結界,呢類結界係最危險,因為呢種結界冇辦法破壞,而且入咗去都唔知自己入咗。」明表哥細心地向我解釋。
「嘩!咁唔小心入咗結界點算呀?」我緊張地問。
「無架,走出結界得兩個方法,第一就係自殺死,等出面世界嘅人搵返你條屍。第二就係搵到結界嘅邊緣走返出去。」
「咁恐怖……點解西貢會有結界?」
「邊個話你知剩係西貢先有結界?結界根本係任何地方都會出現,就好似你擲骰子中邊個數字你都可以問點解會係呢個數字一樣。」
呢家諗返呢段對話,唔通明表哥真係入咗結界,而且喺結界入面掙扎咗六年先決定自殺出番嚟?但識咁多嘢嘅佢都走唔返出結界,結界真係好恐怖。
睇睇下手機,左眼除咗痕之外,亦慢慢感到痛楚,痛到將我彈起身。於是放低手機拿拿聲瞓覺算。
第二起身,我醒起琴晚隻左眼又痕又痛,於是去廁所對住塊鏡照一照隻眼。當我一照,我隱若見到我左眼入面隻眼珠好似有條嘢慢慢蠕動,仆街,唔係生蟲呀?
只見入面隻嘢好似見到我咁,慢慢從眼珠深入向我爬前,當我一直望住佢爬前時,我發現呢條好似唔係蟲嚟,而係一隻手嚟。
隻手愈爬前,我隻左眼就愈痛,痛得我閉上眼,眼淚水瘋狂滲出。
但突然間,我隻左眼仍然隱隱若若見到嘢,我向鏡中一照,驚見隻手掌慢慢將我眼皮撐開,然後伸出一隻手掌將我整個頭包住……
「啊!!!!!!!!!!!!!!!!!!!!!」我嚇得大叫。
……
電話聲一直響起,將我從睡夢中驚醒。張開雙眼,呆呆望住天花板,原來頭先係夢?未免太真實吧?
電話聲持續響起,我漫不經意地聽。原來係台灣嗰邊打嚟,我聽後臉色一沉。
女友喺山上失蹤。
(待續)
******************************************************************
1.
孔明古怪故事集處理當中,預計月中印刷完成,到時會通知大家開始會寄。
2.
賣斷五年嘅《失蹤》過幾日會有事宣布比大家聽,勿錯過最後機會。
3.
為慶祝盛事,繼續展開漫長創作《失蹤2》<- 暫名 哈哈
4.
其他孔明獨家故事,多多支持↓
https://www.patreon.com/Homing
5. 記得比like share 留言支持下 =]
感謝大家。
表哥個仔叫我做咩 在 SaSa 戀咁Share Facebook 的最佳貼文
【我想Share #10枝 #消毒小噴霧 比有需要嘅媽媽用】
話說之前去荷花,諗住買定啲BB口罩
點知一個兒童口罩都買唔到
見到架上仲有最後一枝呢個品牌嘅 幼兒抗菌防敏配方 噴霧
諗住拎起果時
居然比個收銀姐姐一手搶咗
話有個熟客要,所以要hold起最後一枝貨俾佢
.
雖然果刻我嬲到爆
但鬼叫我手短唔夠人快咩...
所以就去咗HKTVmall睇下仲有無貨
估唔到果刻仲可以比我買到
由細到大呀媽教落
做人唔好貪心,唔好搶,啲嘢夠用就可以
所以只係買咗兩套
.
點知今日一收貨
打開箱果刻我嚇到呆咗
居然送咗10枝小噴霧比我
(好似每枝有7ml)
.
作為一個經歷過沙士嘅媽媽
見到Whats app group又傳有人係地鐵暈低嘅相
聽到每日持續增加嘅病例數字
最擔心嘅唔係自己
而係驚自己個小朋友會中招
.
我都試過好徬徨咁周圍搵BB口罩
好多謝我哥哥
去日本旅行都幫我撲口罩
同埋多謝我表哥
願意分佢個囡嘅口罩都比🐻用
同我一齊保守小朋友嘅健康
.
呢刻我知我做唔到乜嘢
但我知分享嘅重要性
亦都好想同大家一齊守護我哋嘅小朋友
特首唔做
我哋做‼️
.
如果邊位媽媽有需要
我願意分享突然多出嘅小噴霧比你嘅小朋友用
我估一枝都用到約10-20幾次
.
希望可以多啲人有得用
⭕️所以每人只限1枝
⭕️名額10位
⭕️順豐運費到付
⭕️只限香港媽媽
.
唔知有咩準則
唔想set問題
唯有講下點解你需要
我再揀人吧(再次希望大家唔好介意🙏🏻)
.
為咗令大家可以快啲有得用
留言拎小噴霧截止時間為31/1/2020 23:59
.
記得唔好拎來噴皮膚
同埋唔好真係拎來噴入口
當做家居消毒好啦
皆因睇真啲簡介
品牌講到有啲誇
當正枝嘢係神物咁....
.
#唔使特登likepage或者likepost啦
#想要嘅留言啦
#幫到幾多得幾多
#我仲托人幫我搵緊BB口罩
#希望搵到再Share啲比大家
#但我完全唔記得咗幫自己撲口罩
#淨係記得老公同個仔
#唉
#做咗媽媽之後
#真係樣樣嘢都以小朋友為先
#各位媽媽都要守住自己嘅健康
#一齊加油
💕💕💕💕💕💕💕 💕💕💕💕💕💕💕
請多多支持 SaSa 戀咁Share 🥰
👉點擊 Following (追蹤中)
👉再點擊 See first (搶先看)
.
Instagram仲會分享更多資訊🌸:
👉http://instagram.com/sasalovetoshare/
.
Blog❤:
👉https://www.sasalovetoshare.com
👉https://sasalovetoshare.blogspot.com
👉https://blog.ulifestyle.com.hk/blogger/sasalovetoshare/
表哥個仔叫我做咩 在 那火星來的據說是空姐。ah-yo。 Facebook 的精選貼文
《82年生的金智英》
小說拍成電影快上畫,主角是孔劉和鄭裕美,就來趁墟寫一寫。
在韓台日本熱銷的《82年生的金智英》,是本虛擬人物回憶錄 (又或是病歷報告?),講述平民女生金智英在重男輕女韓國父權社會下的成長故事。沒韓劇浪漫、沒激情、沒科幻沒懸疑,主角平平淡淡的講述小時候家裡有什麼好東西一定給男生、學生時期被性騷擾也只被怪責裙穿太短、求職時因性別問題不容易進入感興趣的工作、婚後因育兒問題迫著離開職場、但帶著孩子時又被鄙視沒生產力。
薄薄的用了約一小時看完後去洗澡,邊洗邊想真的沒其他書評所說的很有共鳴喎。再洗多兩洗後細想,大概是香港女生地位在亞洲來說算是偏高 (例如書中說的男同學學號先排,班長學長都是男生在香港不會發生吧),我又成長在並非很傳統的家庭,書中的情節大多沒遇過。
但沒遇上的事,就代表世界不會發生嗎? 看書是為了接觸其他不同的生命體從而反思如何令人類文明更進一步啊 (握拳)) 好啦,說太誇張.........),而且,性別議題的爭論在近幾十年從沒停止過。
++
關於重男輕女,第一次的記憶是幼稚園。
當時的我日間由外婆照顧,同住的還有舅父、大表姐和大表哥。比我年長十多年的大表姐就讀著名女校,成績優異的她考入大學的機會很高。某天談起大學話題,外婆說:「女生唸這麼多書幹什麼?」。我刻下想,原來女生不用唸書? .........還在納悶著,我媽立即瘋狂罵她 ( 咳 ) 還說:「現在什麼年代? 還分男生女生? 讀到就讀上去架啦 ! ! (下刪幾百字)」,外婆立即收皮。
當時我沒很明白何以外婆會說「女生不用唸很多書」,但媽媽罵回去的話約略令我了解到「現在和從前已不同」+「總之男女都一樣」。
( 我婆是潮州人,理應是重男輕女。但印象中除了這次「女仔讀咁多書做咩」外,著實沒感受過她如何重男輕女。那時候大概我是家裡最小,雞脾什麼都是我的,畫花晒表哥的書也是表哥被罵沒把書收好.......)
再來關於重男輕女的第二次印象是,我弟出世。
某次回鄉探親,親戚們叫我弟「金叵羅」,也對祖父說梁家終於「有後」,將來有人「擔幡買水」。坐在桌上一起聽著的我,得悉「擔幡買水」的意思後除了震驚大伙兒竟開心圍著詛咒我爸外,也突然暗暗發現男生的地位在長輩心目中好像有一點點的與眾不同。
但究竟如何不同? 又好像不太清楚。
大概是平常在家備受爸爸寵愛,家中的陣形是我和妹妹是玩伴,弟弟是玩具 (喂),他倆經常被我或欺負或老點 (咳),而且我弟又比我小很多 (八年),老規矩是有好東西要向大姐進貢 (叫我技蘭),因此所謂的「重男輕女」除了回鄉時會被刻意提起感受到外,大部份時間我也沒什麼特別感覺。
而所謂「媽媽 / 媳婦的模樣」,例如書中所說過年時都是女人在廚房打點年夜飯、男人坐著玩樂這種在我家也無發生過。我們從前的年夜飯..........曾試過是Pizza Hut(歡樂)或一人火鍋啊。
來到婚後。
我在成長期沒感受到家庭中所謂的重男輕女,但長大後,關於書中提及性別不平等的約定俗成,總沒可能沒遇過,特別在生育孩子以後。就算不是親身經歷,也總在生活圈子內看過聽過。
例如友人懷孕時照超聲波得悉是女孩時,恨女恨到發燒的她激動得眼紅紅,醫生竟安慰說「沒關係啦,女生才孝順顧家,下次努力」,她反眼到天際去。
又例如你以為這年代大家已不在乎小孩性別時,同事談起老公像個廢人從不幫忙照顧小孩,但轉頭又說要再生二寶。驚訝度3000的我忍不住問,他都不幫忙啊又不理會你還要再生 ? ! 她嘆口氣答,無辦法呀,老公話要追個仔。
人家的事,也不好給太多意見,我沈默地沒再續下去,只是心中嘆了口氣。
如你因家庭背景,沒能選擇地在成長中曾當女生當得委屈無奈又矮人一截,現在要做的轉捩點,不是去祈求生出一個男生讓他不用再走自己的舊路或借他來提高地位,而是把前塵往事都放下,再試著踏出一小步去改變,改變對下一代的教育。
我父母只是普通草根人家,但他們對我的教育沒令我感到當女生有什麼不好。記得少女時代某次在街差點被性騷擾,自然有些口痕友會說:「條裙著到咁短」、「胸大就不要穿背心」之類,我媽是大聲罵回去:「著咩關你咩事呀?! 金舖夠擺啲金出來啦你又唔去搶 ? ? ! !」
少女的我感到這樣罵回去既丟臉又恐怖,只想快快找個洞躲起來。現在回想,受害者不自責、女生有選擇穿什麼的權利,根本就是女性主義啟蒙。
書最後的一篇有提起Emma Watson曾說,女性主義並非討厭男生,而是當你追求一種性別的平等時,就已是所謂的女性主義了。
11月7日上畫。就算不為女性主義,去看看孔劉也開心呀 (心心)
#82年生的金智英