我們昨晚回來了……
這次到韓國釜山行程排得滿滿的超豐富,不過才五天行程,當中已有兩段難忘小插曲……除左打風,就係我咁大個女 #第一次走火警就在韓國😱!
其實今次我哋係同公公婆婆,仲有好多朋友一行21人旅行,反而Bella爸無假無去。事前計劃好想去嘅行程,想去食嘅餐廳後,就聯絡韓國嘅旅行社幫我包架大旅巴,搵個廣東話導遊,仲有最重要係幫我預約好哂所有嘅餐廳,所以今次這種自由行方式好輕鬆舒服😉!
之前對釜山嘅了解,就只知海雲台海水浴場好出名,仲有屍殺列車喺到拍🧟,但睇完旅遊資料後,發覺呢到有好多景點同野玩喎🤩……必玩一定係去 #統營玩滑車,Bella都玩到hihi,再行埋當地傳統中央市場,去埋 #東皮郎壁畫村 ,仲有勁好feel嘅 #金海洛東鐵路踩四人自行車,然後去埋個 #紅酒洞 影靚相,亦有 #松島纜車及SkyWalk,打卡點有 #甘川洞文化村,有小王子蹤影,#長林浦口,#釜山塔,#海東龍宮寺,鍾意影花,釜山亦有唔同嘅花季🌸,我哋就去左 #太宗台 睇繡球花喇……行程有一晚打風🌀,但聽講原來釜山打大風才跟香港三號風球差不多,只係落場大雨,第二日早上竟然出奇地陽光普照☀️,一啲打風嘅痕跡都無,所以行程如常繼續😛
飲食購物方面,釜山最出名 #豬肉湯飯 同埋 #豬腳涉沙律,我哋亦都食左海鮮鍋、人參雞、八色烤肉、鮑魚飯同蕎麥水冷麵……釜山都有好幾個小食夜市,例如我哋酒店附近嘅 #富平罐頭夜市 大把小食買……至於酒店就喺 #南浦洞,亦大把餐廳街舖購物、徒步可到嘅LotteMart同 #光復洞,對面就係好出名嘅海鮮市場 #札嗄其市場!鍾意Shopping一定要去埋西面站,行到腳軟!
其實今次旅程我哋都係遊左1/3個釜山,另外嘅景點、購物、美食,就由大家自己再發掘了,逗留得耐可以去埋鎮海、慶州甚至大邱🤗!
#走火警驚魂記
我哋20人11間房分別住酒店11/12/13樓,我就同婆婆&Bella同房住13樓,臨走前一晚,大概半夜12點,氹完Bella訓,我就去沖涼,洗洗下頭婆婆大聲叫我快啲出黎話火燭😱,我嗰秒諗點解火警鐘無響過嘅,第一時間叫佢哋快啲抱走Bella,同時我就聽到公公入黎抱走佢,而我就秒速著返衫,用條毛巾包住全部都係泡泡嘅頭😅,拎走電話護照就走……勁狼狽咁落到樓都唔知發生咩事,但望返上去大廈好彩係無火嘅,其實都係我哋住11樓嘅朋友聽到警鐘響同叫廣播快逃生,佢哋打電話叫我哋快走,但我哋13樓竟然平靜如常🤔,最後問返原來10樓有人喺房食煙令個警鐘響……感恩好彩無人有事🙏🙏
#釜山遊記 #釜山親子遊 #小Bella
Search
豬腳涉沙律 在 盛行於德國北部,加入各式香料熬煮,再搭上酸菜馬鈴薯等配菜 ... 的推薦與評價
馬鈴薯切片佐香料的冷盤,真的是完勝都是草的普通沙拉啊鹹得恰到好處,冰涼又夠味的馬鈴薯沙拉既解膩又開胃。 Bier啤酒 來德國,怎麼可以忘了啤酒?不同地區的豬腳搭配該地 ... ... <看更多>