［非曲線］黃心穎受惠股，其實係呢隻
本人發毒誓，其實呢篇文係許志安爆鑊當晚寫的。但你知我成日節目掉動，改下改下又冇出，而家先出。
認真的，下面講呢隻先係黃心穎受惠股，讀落去開估。而唔係一仔（282）或者舜宇光學（2382）（禾拉.jpg，明明就係監管收緊咗）甚至UBER（你睇對家Lyft就上完市插到七彩，歸根究底其實鬥燒錢之餘，又冇護城河）
（http://bit.ly/2V1SzxS 成也司機敗也司機，Uber盛極轉衰？）
先講一仔，其實好多朋友嗰度做，甚至有朋友負責搞訂閱呢壇嘢。但我都係照直講。固然咩御姐高重健嗰啲畀人一巴打埋去，時機準到不得了，蘋果使撚學紐約時報咩。冇錯，訂閱制你要有高質內容嘛，咩叫高質？就梗係讀者鍾意睇就高質，而唔係埃汾評點錦湖韓亞賣ASIANA之類。咁肯定黃心穎段片夠晒高質，爭在未夠高清。但，下個月拎啲訂閱數字去交租丫？蘋果向來都多粉絲，但講到錢又係咪咁疏爽？
蘋果一向都多讀者，影響力夠晒大，但，要佢地科水先係難事嘛。我唔會話冇可能，生態變緊，阿叔廿年前上網根本啲友覺得所有嘢都應該免費添。但而家的確多咗好多人，或多或少都畀下錢。聽歌啦，訂閱啦，眾籌啦等等。
到要科水先有得睇黃心穎，啲友肯科幾多，或者蘋果會唔會好似解剖外星人咁斬開十幾截，就假設性問題。不過我見一仔啲朋友十分high，就做個跟班，話畀凱旋大將軍知，Memento mori，你一樣會死（原本的意思，唔係話一仔死），唔好得意忘形開心得咁早。
（回帶講多次呢個故事： 2012年5月19日，我在倫敦出差（其實星期一先出，但搏慒早啲飛去睇埋場波，坐商務添，一程夠你做銀波羅，美好的pre雷曼年代），83分鐘湯士梅拿頂完個彈地頭槌波入網，我已經打埋Facebook Status — 結果呢個Status去到下年先出到）
加上，我個人第一手體驗，蘋果個介面好撚煩下，次次都要再login，我科水睇其他東西完全冇呢個問題喎。我知，友人話你用app就冇呢個問題—我就係唔想用app嘛！咁肥佬黎就係想你用app嘛！咪睇邊個牙力大。但事實即使肥佬黎最鍾意嘅New York Times（所以又唔好怪點解人地針住佢講，因為係佢講先）都唔玩呢味，Financial Times
Economist全部都玩唔到。蘋果得？我有啲懷疑啦。講撚到尾，係呀你有你理由乜乜物物，但我其他全部媒體都冇咁撚煩喎。
至於咩舜宇光學更加係得啖笑，虧啲友寫得出（都係嗰句，如果係朋友或讀者就得罪了，明嘅，搵食啫）。大佬，擺撚明係因為呢單嘢有機會加強規管啦，唔好壞消息當好消息炒好喎。
UBER呢？好似好克制喎，仲未出嚟抽水。你話唔想抽唔識抽一定係假，呢間公司玩公關出神入化。明顯係投鼠忌器驚Backfire。首先好似都未肯定個司機係咪UBER司機，係嘅就樣衰。二來，你估UBER司機啲紀錄又好好咩，唔會裝cam（好似有個裝咗影人對腳），不過會whatsapp你溝你甚至老強你。三來，就上市啦，多一事不如少一事。
真正嘅受惠股啦喎，睇圖你都知。唔係叫你睇入面啲受惠股，係你睇我cap張圖就23個share 三百幾個反應，以本人page嚟講不錯啦。一個下午一張圖，漲粉多過我打十幾篇文（包括呢篇）
你諗下，我當你真係用蘋果app都好。你最初點收到消息？你又點轉畀你老母？你在邊度做法官評點對姦夫淫婦呢？你在邊度睇改圖？眾多堅抽抵死嘅圖，邊度整出嚟？間間公司出嚟抽水，在邊度抽？4月16日下午二時至翌日下午六時，你啲時間用咗去邊？黃心穎落閘，你去邊度放狗咬人？你班水軍白目troll，去邊度轟炸人？你搵上杜德偉蔡一智門口，係點搵？去太古城？
蘋果app？微訊？Snapchat？Telegram？Twitter？（香港有人玩架咩？）
答案：咪又係Whatsapp，Instagram，Facebook。即係小朱，多謝。
今次事件更加令你睇到，Facebook有幾惡，成班平時又Delete又乜 ，有事一樣準時歸隊。
而今次有幸段片去咗蘋果度啫。但下次如果鄭秀文磨馬國明，可能真係條片畀01架喎。咁你蘋果分唔到嘢啦—但，大家一樣都係上Whatsapp，Instagram，Facebook。
（http://bit.ly/2EUseKc 近N年全球最成功收購）
所以朱仔買Whatsapp／Instagram，真係史上最佳收購。
（http://bit.ly/2EQ4gA0 Facebook買ig係N年最佳收購，下一個到Twitter?）
呢段係最近加嘅：剛剛Facebook出嘅業績，一樣強勁。業績後一度升9%。賺少五成唔緊要，最重要係人人繼續上，廣告商繼續落。
（http://bit.ly/2GxtzV4 ）即使咩好多不利消息，正如往年三四月爆嘅劍橋醜聞一樣，Facebook實在太強大。你睇業績話按年跌一半，四流評論員就唔理解，嘩咁仲升，假嘅。換著香港要出盈警添。嘩出盈警你仲叫人買。但，too simple啦。話「或被罰50億」。咁呢啲就肯定可信過你講咩國泰「或被罰40億」（仲有冇人提？），因為係公司自己講。但已經撥咗30億備。最重要係，廣告收入一樣勁升，用戶數量一樣升得幾好。後者都仲可以畀人話造假出術，前者冇得呃。咩廣告商恥與為伍，純係你某啲網友嘅妄想症。食藥啦。今年到而家（四個幾月）升咗四成了。
賣湯佬uber 在 賣湯佬 的推薦與評價
愛吃宵夜的朋友有福啦！台中精誠路上新開的宵夜，主要販售一些比較養生燉補的湯品，不僅只有湯品還有主食類. 如果宵夜不想吃米飯類還有蘿蔔糕可以選擇. ... <看更多>