【取締民間野豬狩獵隊】
今日出席香港野豬關注組記者會，值得同大家分享一下點解要支持取締民間野豬狩獵隊。
第一，香港嘅城巿發展越來越快，野生動物生存空間越來越少，人同野生動物接觸必然增多。當人類一步一步削減動物家園時，其實係我地危害緊香港生態，我希望至少做到人同動物共存，而唔係趕盡殺絕。
第二，其實野豬同社區貓、社區狗情況係一樣好怕人，而且根據近年案例，其實係無野豬主動攻擊人嘅情況，上次保安員受傷都係因為保安員主動攻擊，而一直恆之有效嘅方式係將佢引返上山。如果咁樣都需要野豬狩獵隊，係咪代表有一日，我地需要野貓、野狗狩獵隊呢？
第三，從第一日開始就唔應該有民間組織以獵豬為名，持警方槍牌，又可在家中藏有雷明登霰彈槍與子彈。又係一種完全唔符合編制嘅做法。
因此我支持取締民間野豬狩獵隊，最低限度係由民間隊伍轉為漁農署或警隊編制，盡量唔好一出動就以殺生為目的。同時要做好民間教育工作，令巿民了解野豬習性，做好城市共生。
#大自然有動物係正常不過 #雀仔蝴蝶蟻又駛唔駛狩獵隊
Claudia Mo/毛孟靜 公民黨動物權益關注組 Civic Party Animal Rights Concern Group
