【差佬喂毅進祭 愈夜愈猛鬼】
六月開始，每個差佬喂活動日成個香港都會變成詭秘凶埠，逃出厲警邨、猛警愚民記招⋯⋯全新武器，陸續有嚟，等住殺你！今年不設委任證，可以避免投訴差佬喂暴行。隨機專享「popo載嚇巴士」體驗。快啲買飛啦，而家仲有早走早着優惠⋯⋯
全新警點包括但不限於：
【黑白無常太子站】
你以為喺元朗，其實你喺太子
你以為係黑社會，其實係警察
亂棍揮舞進站，六道魔警拖離場，保證走進來拖出去。
【輪姦地獄新屋嶺】
你永遠都唔會知道真相係點。
入到嚟，無鏡頭有職員，有命令無尊嚴。
下身撕裂，機器輪暴，務求令精神崩潰，而所有事情都會「無發生過」。
【疑神疑警42C】
最大的恐懼源自未知，你以為搭車無事？
隨機搜身辱罵，隨意脫衣檢查
隨機選出參加者，特快通道送往【新屋嶺】警點
【水炮濕身好瘋警】
捉緊盛夏尾巴，全成藍染一夏！
水炮盛會不設固定警點，隨時突襲排隊中嘅你，被水炮擊中不會受傷，但可能失去視力；力道不足，但可以將人整個打飛。
成功藍染者同可直送【新屋嶺】警點。
【逃出厲警邨】
最熟悉的環境，最陌生的魔警。
就在你家門前，瘋狂按正確密碼卻打不開門，高呼支持警察換來警棍狂毆，是非不分，黑白不明，免排隊未入去都迫你入去，出口指示被堵塞，睇你點走！
【猛警愚民記招】
常設表演大show，每日準時四點上演
用最誠摯語氣，說最真實謊言
考驗你智商，侮辱你智慧
混淆是非黑白，愚者懷疑人生，智者終變愚者。
吸收上屆參加者意見，「七警拳打腳踢暗角遊」及「手臂延伸彌敦道」已撤回，改為冒警人員在園內任何地區用腳推及棍毆，更會水平發射胡椒球槍，警嚇度十級提升。
「煙霧瀰漫七十八枚」亦取消，園內不設吸煙區，每一轉角皆有可能噴射催淚煙，包括室內，敬請享受。
所有血腥效果採用真人血液，實彈驚嚇，絕不用乾冰取代催淚煙，Popo由popo假扮，絕不出示委任證。
入園者獲發五大素球，職員會勸誘放棄，或以假球交換，參加者需自行保管五大素球，缺一者不可離開。
#優惠速遞 #死鳥優惠 #香城公園 #差佬喂 #毅進祭
