關於 香港仔中心管理處電話 ，我們在網路上蒐集到這些相關的討論、資訊與評價

［呢個時勢仲做賊？］肺炎打擊最大嘅一個行業，就係做賊。其他黃賭毒亦都香晒。

1. 金融時報話齋，疫情全球開花，其中一個好受影響又冇乜人講嘅「行業」，就係做賊。

2. 可能我好彩，香港咁多年，我都冇乜遇過賊。打劫爆格都冇。但外國就遇過下，廿年前懶浪漫在蘇黎世（！）訓公園（好似仲同埋條女），起身成個袋冇撚咗！真係十分柒。另外，十幾年前在巴塞網吧，真係見到啲友偷我相機，不過我發現咗。

3. 但講最經典都係七八年前在雅典，直頭機場坐地鐵出市中心，都未撚去到市中心已經畀人扒咗個銀包，仲要不知不覺！點解我知？因為去到某站，有條友在月台掉個銀包畀我，話「係咪你架？」。明顯就係呢條友扒咗我。做乜咁好死？綜合各方分析，似乎係因為總站（憲法廣場？）多差佬，佢地避之則吉，而差佬根本認得呢班友（相信都係，因為我都好快認得），聽聞捉返去就打鑊甘，先唔同你講人權（你估真係雅典就有人權咩）。另外，我銀包係冇現水嘅，所以逃過一劫，聽聞佢地只係偷有現錢嘅銀包，因為信用卡之類有機會畀人周到，同埋有時都唔係咁易用到。

4. 至於英國讀書年代，好似都冇乜遇過咩問題。但就有朋友真係畀黑人（事實係喎）搶電話。喂搶還搶唔好推人落地丫嘛，好似仲有啲會扑頭。後來越嚟越多人持刀添。呼。

5. 講返，呢啲咁嘅時勢，少人出街，屋企又成日有人。做賊仔嘅真係唔使搵食。無獨有偶，剛剛新聞報（https://bit.ly/3atWhDQ），阿根廷首都布宜諾貝艾利斯盜竊案大減九成，搶劫都少晒。鬼咩，邊有人畀你搶。阿根廷仲要係全國強制隔離，工都唔畀返（反正人人都失業），最多畀你在屋企附近買嘢，仲大把軍警守住。點偷點搶？

6. 又，當然了，偷嘢搶嘢，基本上全部係自僱（乞兒反而有集團式經營，聽講有底薪），亦都唔會有勞工保障，就更加唔會有政府救濟云云。

7. 不過其實如果今時今日都仲要在街上劏死牛，都真係幾失敗的。收獲唔多（最多咪畀你搶部電話外加一萬幾千），但出事機會大。唔使計數都知，肯定你搶夠偷夠退休前，必定坐監。根本就做賊都應該work from home．正所謂「竊鈎者誅，竊國者侯」。叻嘅，就去做白領金融犯罪啦，呃嘅錢肯定仲多，分分鐘一單半單夠你退休，然後著草。就算拉到坐監分分鐘出獄仲可以做顧問（美國應該得）。
8. 係咪要好高要求？其實都未必係。正所謂when there is a will there is a way，最難就只係第一步。我都貼過無數例子。

9. 例如網上情緣扮韓仔扮美軍之類，玩極都有。呢單一單呃咗2億！（https://bit.ly/3dDvOG1），仲要唔使交稅。The beauty is，根本佢連露面都唔使，仲要唔使交稅。而家條條女都work from home或者冇街出，更加芳心寂寞，更加得閒日日上交友網或者同你wechat whatsapp（唔係個個好似你咁返緊工可以上Facebook架）。不過雖然市場大，但競爭相信都幾大。發財永遠不易

10. 簡單啲嘅，普通一個地勤，呃口罩就呃到330萬（https://bit.ly/2QV8fi4）。美中不足當然係畀人捉咗，而家封晒關要著草都唔係咁易。但個重點係，佢求其搵個舊同學就已經拎咗330萬，香港人幾咁有錢！另外，不妨諗下，點解呢7條友每人要1萬盒口罩呢，可？

11. 話時話，今年會唔會啲罪案率都低咗？不過可能家暴會多咗。你知屋企人嘅嘢，相見好同住難嘛。

12. 至於其他黃賭毒之類嘛。賭最簡單，澳門你都冇得過啦。應該全部變晒網上賭場，不過波又冇得賭，唔知仲有乜好賭。但放心，網上賭場乜都有得賭，有機會再寫，但由天氣到政治都有得賭。不過好似冇乜見有得賭疫情，政治不正確是也，賭幾多人死就太無良。不過賭幾時停有冇得諗？但怕唔怕有啲人買到好大然後唔想畀佢停特登去播毒？都係問題。

13. 毒呢？我都唔知。理論上都係好似做餐廳咁？應該有Deliver to door啦掛。堂食肯定冇晒，轉做外賣咯。但聽聞送外賣嗰啲放低在管理處。咁要cocaine要冰要大麻嘅，係咪都搵個外賣盒咁？但我相信係有得做的，特別係有啲友work from home，甚至強制隔離，你話在屋企在酒店有乜好做？

14. 黃，就仲深。不能三言兩語講晒。固然啲咩馬檻呀，澳門呀，襟鐘仔就死晒，酒店高鐘都冇晒，封晒關何來有外勞？你估真係咁多本土供應咩。但，成班人WFH呀強制隔離呀，都有需要嘛，點算？更加有個講法話呢啲疫症下，又大壓力，啲人更加想做愛（人類本能）。但冇得好似大麻咁運上門架喎，當你在酒店隔離，最多畀你送外賣飯盒，你入面收包草就你本事，但斷估你塞唔到個人入去掛。與此同時，又有話好多學生停課冇嘢做，甚至好多人放無薪假咁，手停口停。但，都係嗰句，點做？一個唔該染病（肺炎，唔係性病）要交代自己去邊，就大鑊過肺炎了。

動保朋友必看！

當大家對泰國狗被殺，還是很憤怒的時候，可以看看這篇文章。

我係漁護署一個散仔。先申報：承認呢個係分身account，我仲要保住份工。我係漁護人但係從冇殺生。我支持抗爭，但抗爭要準先有用，唔想錯方向。有啲說話官方唔會講，趁而家多人關注我想俾人知香港實際情況係點。

以下信不信由你，為防自爆，我唔會覆。我冇講大話，有咩疑問可以拎我講嘅野去問官方或者動物團體。希望有人願意睇下。

1）如果泰國狗事件重演，可以點救佢？
如果真係要救，我諗唯一方法係唔好通報，船員唔帶佢落船，直接原船拎走。瘋狗症幾乎係漁記第一天條。潛伏期長，100%死亡率，有得預防冇得醫，發病等於被判死刑。聽老師傅講，以前香港有瘋狗症，漁護有殺錯冇放過，喺街見一隻殺一隻，惡貓都要殺。香港已經幾廿年冇瘋狗症，如果放左隻病狗入黎，分分鐘黎多次大屠殺。呢隻狗冇晶片（=冇打針紀錄）、船主承認佢由泰國（疫區）上船非法入口、船主簽紙放棄隻狗、法例話只要懷疑隻狗接觸過瘋狗症就可以啪<—綜合以上幾點：個獸醫而家俾人鬧到仆街，但係俾佢揀多次，佢都會啪。如果唔啪，佢又真係有病，觀察期間唔小心傳染到其他動物/人，無論係全面殺狗（大家睇過豬瘟演習）定係死左人都揹唔起，佢邊敢搏。

2）唔係等4日/7日先可以殺咩？
4日係普通流浪狗，入境狗有唔同law。7日係一隻狗咬人之後要隔離7日。因為瘋狗症發病就會咬人+發病後7日一定死=坐7日監睇下佢會唔會死，唔死就唔係因為瘋狗症而咬人。普通一隻狗冇咬人坐完7日監唔代表冇病，可能係未發病。

3）點解唔隔離？
因為係非法入口又冇晶片。你想由疫區申請隻狗入黎，打齊針齊晒文件都要隔離4個月。呢隻狗連晶片都冇，漁記響晒red alert，連隔離都唔想搏，除非有朝一日可以upgrade硬件軟件去handle呢啲誤入境嘅無辜狗。

4）呢單野而家變國際新聞，乘勢追擊啦！起碼救到之後無意中入境嘅狗
晒氣啦。管理層全部係獸醫。佢地全部讀書人脾氣，只要啲科學野係啱，佢地唔會理公關。好硬頸㗎，冇情講，有時講明咁做實俾人投訴，佢地一講啲科學野我地即刻收皮。人地讀過番書，專業人士，冇計。但基於佢地呢種特性，佢地啲決定雖然唔合情，但一定合理合法，吹佢唔漲，你最多話佢真心膠，冇得用法律/科學講得贏佢。今次佢跟晒law跟指引，真係冇做錯。黎緊會改動物例，不過唔會改瘋狗症。一講到瘋狗症，佢地就起晒鋼。佢地只信科學，你地唔駛旨意可以靠講隻狗好慘就屌到佢改例，冇可能。不如貼地啲諗下點幫本地狗仲好。

講咁多唔係想幫漁護護航，係想解釋漁護有幾驚疫區非法入口冇晶片狗。如果大家訴求係下次有同樣情況會有不一樣結果，全港跪求都冇用。唔好誤會，我唔係叫大家不了了之。我係想趁今次時機可以集多啲人出聲，但係唔想大家用錯力，浪費今次嘅凝聚力。漁護會有一次動物福利改革，會重新立法，已落實今年內開始諮詢。呢次改革係動物團體同漁護開會開幾年爭取返黎。今次事件全港關注，如果大家著眼今次事件，會發生咩事？例如諮詢期收到70%追究/檢討泰國狗及同類事件、10%提高遺棄/虐畜執法標準、10%檢討漁護處理投訴手法、10%收緊繁殖場管制。政府個腦點諗野大家都知。泰國狗事件，涉及瘋狗症問題，唔考慮。其他問題，每項不足一成人提出，咁即係少數人啦，即係唔多人關注。份報告最後就係咁寫。

香港咁多動物福利團體，點解咁少機構遣責呢件事？就算有都係輕描淡寫，好少機構有追打。原因就係佢地都清楚我以上講嘅野，知道呢條規則冇得改，亦怕同漁護呢個時候追究一件冇得改變嘅事會模糊焦點，浪費佢地近年心血。作為動保團體，佢地又唔可以出黎叫大家唔駛蹝氣。而家最活躍追究呢件事，都係呢幾年冇參與過追漁護改革，而呢啲時候先出黎搶光環。
順帶一提，動港咁多動保團體，漁護網頁只列出十幾間，點解咁偏頗都冇人嘈？因為列出要符合關乎寵物權益（即係唔計野生動物）、合法註冊組織、非牟利慈善團體幾個條件。所以你見列出團體有包括十個人都冇嘅小組織，而有啲fb好活躍嘅大組織又冇份。如果大家想捐錢，都係為動物好。你自己決定想捐俾非牟利團體，定係牟利團體，自己可以上漁護或者稅局查下。

講返改革，作為見慣動物點被對待嘅人，我建議可以諗下呢啲方向：
(1) 加強無牌養狗罰則（攞牌打晶片真係好重要，如果身邊有人養狗又唔打晶片，請大力勸喻）
(2) 擴狗房狗位之後加長四日時限
(3) 修補棄養漏洞（棄養犯法但有漏洞係半公開秘密，唔喺度講，唔想教識更多人）
(4) 加強邊境捉走私狗（而家多左大陸走私狗落黎，大陸都係瘋狗症疫區，唔好害到香港啲狗）
(5) 經常有人話”管理署迫我送走隻狗”。你養之前已經知大廈唔俾養，講到尾都係一己私慾，為左短暫快樂，用一條生命去賭博，衰左就賴管理處。可以點攪？領養就有家訪調查。買狗有冇可能要証明屋企可以養狗先准買？
(6) 改指引改設備 - 減少索狗時傷狗。要求以後唔可以捉狗太離地。TNR又失敗左，唔知可唔可以繼續。我未諗到有冇方法改善捉狗問題
(7) 加強巡邏捉非法放生
(8) 撞傷動物唔即時送去獸醫等同撞車逃逸
(9) 管制寵物用品 - 獸醫有講過市面起碼一半狗帶都會令狗承受冇必要嘅痛楚/不適。管制choke chain設計 / 其他容易傷狗嘅物品
(10) 而家合格唔駛啪嘅狗都送去動物機構俾人領養，官方冇得領養，要靠團體自己安排。政府起碼應該出錢出場地每個月集合一大班動物機構攪領養日
(11) 檢討牛隊野豬隊運作，研究安全帶走動物嘅方法，不殺不麻醉
(12) 加狗公園，最好每個大型公園都開一個位俾狗玩
(13) 政府攪多啲訓練課程俾狗主，狗主有責任訓練狗唔亂吠亂撲，減低唔養狗嘅人討厭狗嘅機會。愈少人討厭狗愈易改善動物福利
(14) 希望可以加帶動物去學校做活動教學，起碼俾幾個鐘小朋友同動物相處，自細唔好怕貓怕狗，學識尊重生命。最好攪個好似愛丁堡獎勵計劃咁鼓勵學生做動物義工
(14) 資助動物機構同學校/社區中心合作攪活動，俾人親眼睇下俾人棄養嘅動物有幾慘，教人唔好棄養。同埋好多人以為等人領養嘅動物=流浪動物，污糟生蟲毛打結，兇殘對人有敵意，其實唔係，去參觀過就眼見為實
(15) 繁殖場係大毒瘤。我諗要爆瘋狗症先會收返啲牌（好似禽流感雞牌咁）。要求一刀切就不切實際，政府冇可能肯做。可唔可以逐步提高持牌要求？設備好啲起碼啲狗生活好啲。要求愈高成本愈高，慢慢迫佢地自動執笠

一間公司要改變，顧客要求一定比員工建議有用。希望有人覺得有參考價值。希望今次keep到團火。遊行又好，討論又好，可以keep到去諮詢期都多啲人出聲。

以上係我嘅諗法。如果你睇到呢度，多謝你。

有冇人繼續睇都好，講開就想繼續講埋其他諗法，可能有啲亂。
1）求大家一定要打晶片！！
晶片=身份証。都係3年一次，每次$80啫，我唔明點解咁多人唔打。就算你住離島，只要集夠人想打，針隊會送埋上門幫你打。隻狗幾乖都有機會甩繩走失。我地捉到有晶片同冇晶片嘅狗係兩回事。有晶片就會搵主人。除非主人親口話唔要，如果唔係都盡量唔啪。啪左之後搵到主人咁點算？老細都驚人投訴，對有晶片嘅狗會小心啲。
冇晶片就走正常程序，狗房仲有位都會留多陣，夠4日唔合格又爆位就會啪。過左就好難追。冇晶片，我有心幫你搵紀錄都唔100%肯定有冇啪左你隻狗。肯定有好多狗有主人冇晶片，無辜被啪。搵失狗又係，好多老人家唔會幫隻狗影相，間唔中就有”佢叫XX，好大隻，啡色，好乖”點幫你問幫你搵。就算搵到，點証明隻狗係你養？俾左你，聽日有第二個人出黎拎住張差唔多嘅相話係佢養，點攪？所以又要攪一大輪。漁記搵到失狗同普通流浪狗係兩種心態。打晶片係保護佢。

2）點解要捉狗
呢句一定有人信：公務員係唔會自己搵野做。漁護唔會周街巡，會去捉狗一定係有人投訴，尤其係區議員。淨係做投訴都做到狗房爆晒，我地真係冇跑數呢回事，信不信由你。

3）點解會投訴？
香港好多投訴撚。由污糟、好嘈、好臭、我好驚，什至”流浪狗一定有病，我死左係唔係你負責”都係投訴理由。最通常源頭係有人餵貓狗，引到一班貓狗聚集，又喂慣左就唔驚人喺啲屋苑/公園附近走黎走去，好快有人投訴。唔該啲老豆老母唔好亂教仔，見到有人放狗有拖繩，隻狗乖乖行，都要大大聲同個仔講：唔好行埋去呀，好污糟㗎，你行埋去就咬死你。你培育緊一條恐狗投訴撚。狗唔會無啦啦咬人，喺香港人傷狗多過狗傷人。投訴撚周圍都有，你阻唔到。你餵佢只係短期對佢好，餵到有人報警/報漁記只會害死佢地。我建議直接搵機構接收佢地，然後捐錢捐食物做義工。（雖然未必接收得晒，而家太多太多流浪狗）

4）咁見到流浪貓狗點算？
承上，搵啲動物機構。不過要check清楚，而家好多扮愛心真牟利嘅仆街貓狗義工或者道德大愛動物撚，做到動物義工臭晒朵。SAA同LAP算比較好，冇機構嘅貓狗義工要特別小心，好多慣犯。題外話見到牛千其唔好報警。牛又唔會攻擊人，你做咩要報警？！阿sir講麻醉牛係好麻煩。牛瞓覺係屈腳肚貼地背向天咁瞓。佢地身體同內臟結構令佢地唔可以完全肌肉鬆弛咁長期側瞓，會死。自身重量壓住個肺呼吸唔到會死，昏迷中繼續反初都會死。所以麻醉一隻牛要幾日前開始斷食（好似我地做手術前唔食野）同有足夠設備保護固定佢嘅姿勢。喺路邊冇設備咁麻醉一隻牛，靠人力抬上車，車程dun到返去，咁都幾個鐘，好多牛醒唔返。見到牛唔駛理㗎，牛有靈性，佢識返屋企。如果喺馬路就bu幾下，佢會行走。真係唔得就call啲牛義工組織，佢地識引隻牛走。唔好報警！一出動麻醉好易害死佢！

5）點解香港咁多流浪狗
因為好多人遺棄。抽到居屋/小朋友哮喘呢啲算比較合理。比較難聽係分左手/要搬屋/要結婚我另一半唔鍾意佢。on9啲嘅有bb個時好得意大個醜樣左/我唔知佢會變咁大隻/我冇諗過佢會病/佢啲屎好臭/佢唔聽話。每個bb都好得意，好少人大個做男神女神。大個一定會變樣，唔想變樣就玩毛公仔，唔好學人養狗。養之前做下功課，唔想隻狗變大咪一開始揀細狗養。狗係生物，會痾屎生蟲口臭甩毛，有生老病死，有情緒有脾氣，佢幾健康幾乖係睇主人點照顧。你三分鐘熱度就咪鬼養狗，養倉鼠咪好，一兩年命又易照顧。你養貓狗一年半載就玩厭唔要，人地之後個十幾年點過？政府要堵塞棄養漏洞。拋妻要分身家，棄子要俾贍養費，棄養點可以唔負責任。

6）另一個原因係少人領養
講真，大家講到有幾愛動物都好，有幾多人肯去領養？領養好少會有純種狗，就算有都多數有病，雜種狗又冇咁靚。啲人揀狗都係揀外表。我想講其實純種狗好易有病，唔好到有病時又棄，你知有咩常見病要幾錢醫，你ok先好養。唔好咁迷戀養bb。由細養到大係會好開心好有成功感，但係bb同人bb一樣難照顧，如果你全家要返工返學大半日冇人喺屋企就唔適合養bb。雖然丟貓狗bb喺屋企大半日唔會死，但意外好難講，咁你丟個人bb仔喺屋企大半日都唔會死啦，你係唔係丟？佢會唔開心，有情緒問題，周圍咬野，有分離恐懼，唔好為自己開心就咁自私。好多人會買貓狗陪老人家。狗由幼年到中年都好有精力，要人陪玩陪跑，貓就一啲啲，你俾老人家養盞大家辛苦，handle唔到又棄。老人家養返中年以上嘅動物好啲，淡定啲唔會亂咬野，又唔驚佢跑黎跑去kick親老人家。

7）領養有咩好處
講救狗好多人都聽唔入耳，人人顧住揀靚狗。我講個實際啲嘅理由：可以”試”。寵物店你最多都係一兩個鐘就決定買，又多數係幾個月大嘅bb，睇唔清性格。領養前可以去慢慢相處，一邊學點幫佢沖涼剪指甲執屎放狗，一邊了解佢咩性格，試下同隻狗夾唔夾。唔夾咪當做左義工囉，唔駛養左又唔要佢。隻狗如果本身有病，義工又會坦白同你講。如果呃左你，你有機會俾返隻狗佢或者由得隻狗病，佢冇著數。呢啲組織多多少少要靠光環，呃完你臭左個名好難做。寵物店收左錢就唔關佢事，仲話bb係好難湊好易病，鬧返你唔識照顧，變左黑店大不了換舖換名再做。

8）點解咁少人領養
我發覺近幾年香港多左有大陸人個種”恩主”心態。竟然有人棄養講：我捐隻狗俾其他人養。佢仲要沾沾自喜，覺得自己做善事咁。佢係狗，唔係你個死港女啲手袋呀，捐你個頭。棄動物其實犯法，但係啲人唔知點解識走法律隙，要立法改善。有啲仲要以放生為名謀殺動物，將淡水魚倒落咸水海都得。好多人會放啲動物去公園水池，去雀鳥塔，去香港公園，以後有人餵，見返同類好開心，覺得自己做好事。動物有地域性㗎，你放隻外來動物，佢會俾人圍毆。你估放養嘅會贏定係慣左籠養嘅溫室花朵會贏？就算冇地盤問題，都要面臨爭食，佢慣左有主人餵點識爭？等於你殺左佢。領養個啲又係，嫌手續太煩：我而家冇錢咩？你咁煩我寧願去買。有錢大晒咩。填表家訪裝貓窗搬走對動物有毒嘅花草，呢啲基本野，你咁都嫌煩你就唔會頂到十幾年幫佢執屎梳毛剪指甲，你唔養好過。義工唔教你，到時隻貓跳樓或者食錯野死左，你唔好喊住話”冇諗過會咁”。有啲真係好煩要不斷家訪keep住send相就見人見智啦。我諗係因為有好多仆街領養完拎去賣，所以啲手續先愈攪愈複雜。

9）領養有咩要留意
記住記住記住，領養前要問清楚轉狗牌啲安排。有啲變態義工會恰普通人唔知有狗牌呢樣野，領養完唔轉名。之後如果你滿足唔到佢十萬個要求激嬲左佢，佢會要求拎返隻狗。如果未轉名，就算你養左一年半載有感情，佢都有權拎返。有啲變態義工成日玩呢招，仲要哭訴話隻狗好慘，又俾人遺棄。走火入魔覺得全世界係衰人，得佢自己係救狗天使，講唔到道理。大家小心。

10）賣狗
以前有一班慣犯拎自己養嘅狗去生b去賣，走法律隙唔駛申請繁殖牌又有錢賺。而家就係立左法捉呢啲人，賣自己養嘅狗都要申請，冇申請就犯法。專登開左一隊人做，阿頭係一個好辣嘅正義人老將，應該會堅做，但係聽講做得好慢。今時今日賣狗都係靠facebook/ig/論壇。啲老將都唔知識唔識搵post。大家見到就幫手cap啲資料報1823。如果驚政府做太慢，未捉到已經賣完刪post，你cap圖即時兇佢報警都好，希望嚇到佢。當風險大過利益就冇人會做。

講左咁多，又講講下離左題，唔知有冇人睇到呢度。我呢啲散仔，大政策就冇我份，實際運作我覺得漁護進步緊嘅。以前啲仆街老屎忽唔當狗係命。聽到佢地吠就又打又鬧，或者淋凍水開風扇整病佢地。仲要賺啲陰質錢，捉左靚狗未搵主人就打龍通賣俾寵物店。呀，以上嘅黑暗史係我發夢見到，聽下就算。而家班老屎忽退休七七八八啦，新一代好好多。捉狗就難免，佢地本能一定會掙扎，會好驚，好易會刮損/爆牙血。捉狗啪狗會繼續，唔駛期待短期有咩改變。你會覺得唔啱聽，覺得冷血，但實際貼地情況係咁，我想俾人知，官腔唔會俾人知。

曾經講過會擴展呀，起新地方做狗房，先進啲，容納多啲狗。我諗係好嘅，收投訴就捉狗呢樣野唔知要過幾多年先有新對策，起碼擴展左先，始終多啲位，啲狗先有機會留多幾日。如果夠位養晒全香港嘅流浪狗就好（發夢都冇可能），養到有人領養為止，或者養佢過世，伙記唔駛捉，狗又唔駛驚。佢地住慣左咪唔驚，當俾人養咁，又唔駛喺街愈生愈多。如果我返工就係養狗，放工又養狗，幾正。唔好講咩動物係屬於大自然，天生天養就得，唔好捉佢地。香港啲狗本身唔係野生動物，係人類為私慾繁殖佢地之後養完又唔要，唔可以用大自然黎講，人工培養嘅狗唔適合流浪。不過諗太多啦，聽左咁耐都冇動靜，可能啲錢都拎晒去明日大嶼啦，佢有錢都俾晒150，邊會到香港狗。

大家想幫就捐錢俾啲義工組織啦，等佢地擴展應該快好多。你幫下啲私人公司，政府見私人公司有咩做得好，過左十年八年會on居居跟住做㗎啦。希望有人睇下啦。我唔會回唔可以再解釋，唔可以自爆。同埋我早幾日開左個新facebook account先寫文，點知今日再login要電話認證，我開分身又點會俾電話，我下次可能都login唔返呢個account。用得分身account就唔會刪post，會唔會俾人report完俾人del account就唔知。唔好意思咁遲先講，我冇諗過自己愈寫愈長，未試過寫咁多野，攪左幾日。以上係內部人貼地真話，信不信由你。如果唔啱聽，對唔住。如果啱聽，請幫手。

P.S. 我唔識用分身account仲會唔會追查到。想爆料有咩更安全方法可以爆？

所有覺得自己「不止於此」嘅人類都應該睇睇。
要多啲人開濶啲自己嘅想法同行動力，
先可以開始改變香港嘅所有嘢。

請閱讀、轉發。謝謝大家！

我係漁護署一個散仔。先申報：承認呢個係分身account，我仲要保住份工。我係漁護人但係從冇殺生。我支持抗爭，但抗爭要準先有用，唔想錯方向。有啲說話官方唔會講，趁而家多人關注我想俾人知香港實際情況係點。

以下信不信由你，為防自爆，我唔會覆。我冇講大話，有咩疑問可以拎我講嘅野去問官方或者動物團體。希望有人願意睇下。

1）如果泰國狗事件重演，可以點救佢？
如果真係要救，我諗唯一方法係唔好通報，船員唔帶佢落船，直接原船拎走。瘋狗症幾乎係漁記第一天條。潛伏期長，100%死亡率，有得預防冇得醫，發病等於被判死刑。聽老師傅講，以前香港有瘋狗症，漁護有殺錯冇放過，喺街見一隻殺一隻，惡貓都要殺。香港已經幾廿年冇瘋狗症，如果放左隻病狗入黎，分分鐘黎多次大屠殺。呢隻狗冇晶片（=冇打針紀錄）、船主承認佢由泰國（疫區）上船非法入口、船主簽紙放棄隻狗、法例話只要懷疑隻狗接觸過瘋狗症就可以啪<—綜合以上幾點：個獸醫而家俾人鬧到仆街，但係俾佢揀多次，佢都會啪。如果唔啪，佢又真係有病，觀察期間唔小心傳染到其他動物/人，無論係全面殺狗（大家睇過豬瘟演習）定係死左人都揹唔起，佢邊敢搏。

2）唔係等4日/7日先可以殺咩？
4日係普通流浪狗，入境狗有唔同law。7日係一隻狗咬人之後要隔離7日。因為瘋狗症發病就會咬人+發病後7日一定死=坐7日監睇下佢會唔會死，唔死就唔係因為瘋狗症而咬人。普通一隻狗冇咬人坐完7日監唔代表冇病，可能係未發病。

3）點解唔隔離？
因為係非法入口又冇晶片。你想由疫區申請隻狗入黎，打齊針齊晒文件都要隔離4個月。呢隻狗連晶片都冇，漁記響晒red alert，連隔離都唔想搏，除非有朝一日可以upgrade硬件軟件去handle呢啲誤入境嘅無辜狗。

4）呢單野而家變國際新聞，乘勢追擊啦！起碼救到之後無意中入境嘅狗
晒氣啦。管理層全部係獸醫。佢地全部讀書人脾氣，只要啲科學野係啱，佢地唔會理公關。好硬頸㗎，冇情講，有時講明咁做實俾人投訴，佢地一講啲科學野我地即刻收皮。人地讀過番書，專業人士，冇計。但基於佢地呢種特性，佢地啲決定雖然唔合情，但一定合理合法，吹佢唔漲，你最多話佢真心膠，冇得用法律/科學講得贏佢。今次佢跟晒law跟指引，真係冇做錯。黎緊會改動物例，不過唔會改瘋狗症。一講到瘋狗症，佢地就起晒鋼。佢地只信科學，你地唔駛旨意可以靠講隻狗好慘就屌到佢改例，冇可能。不如貼地啲諗下點幫本地狗仲好。

講咁多唔係想幫漁護護航，係想解釋漁護有幾驚疫區非法入口冇晶片狗。如果大家訴求係下次有同樣情況會有不一樣結果，全港跪求都冇用。唔好誤會，我唔係叫大家不了了之。我係想趁今次時機可以集多啲人出聲，但係唔想大家用錯力，浪費今次嘅凝聚力。漁護會有一次動物福利改革，會重新立法，已落實今年內開始諮詢。呢次改革係動物團體同漁護開會開幾年爭取返黎。今次事件全港關注，如果大家著眼今次事件，會發生咩事？例如諮詢期收到70%追究/檢討泰國狗及同類事件、10%提高遺棄/虐畜執法標準、10%檢討漁護處理投訴手法、10%收緊繁殖場管制。政府個腦點諗野大家都知。泰國狗事件，涉及瘋狗症問題，唔考慮。其他問題，每項不足一成人提出，咁即係少數人啦，即係唔多人關注。份報告最後就係咁寫。

香港咁多動物福利團體，點解咁少機構遣責呢件事？就算有都係輕描淡寫，好少機構有追打。原因就係佢地都清楚我以上講嘅野，知道呢條規則冇得改，亦怕同漁護呢個時候追究一件冇得改變嘅事會模糊焦點，浪費佢地近年心血。作為動保團體，佢地又唔可以出黎叫大家唔駛蹝氣。而家最活躍追究呢件事，都係呢幾年冇參與過追漁護改革，而呢啲時候先出黎搶光環。
順帶一提，動港咁多動保團體，漁護網頁只列出十幾間，點解咁偏頗都冇人嘈？因為列出要符合關乎寵物權益（即係唔計野生動物）、合法註冊組織、非牟利慈善團體幾個條件。所以你見列出團體有包括十個人都冇嘅小組織，而有啲fb好活躍嘅大組織又冇份。如果大家想捐錢，都係為動物好。你自己決定想捐俾非牟利團體，定係牟利團體，自己可以上漁護或者稅局查下。

講返改革，作為見慣動物點被對待嘅人，我建議可以諗下呢啲方向：
(1) 加強無牌養狗罰則（攞牌打晶片真係好重要，如果身邊有人養狗又唔打晶片，請大力勸喻）
(2) 擴狗房狗位之後加長四日時限
(3) 修補棄養漏洞（棄養犯法但有漏洞係半公開秘密，唔喺度講，唔想教識更多人）
(4) 加強邊境捉走私狗（而家多左大陸走私狗落黎，大陸都係瘋狗症疫區，唔好害到香港啲狗）
(5) 經常有人話”管理署迫我送走隻狗”。你養之前已經知大廈唔俾養，講到尾都係一己私慾，為左短暫快樂，用一條生命去賭博，衰左就賴管理處。可以點攪？領養就有家訪調查。買狗有冇可能要証明屋企可以養狗先准買？
(6) 改指引改設備 - 減少索狗時傷狗。要求以後唔可以捉狗太離地。TNR又失敗左，唔知可唔可以繼續。我未諗到有冇方法改善捉狗問題
(7) 加強巡邏捉非法放生
(8) 撞傷動物唔即時送去獸醫等同撞車逃逸
(9) 管制寵物用品 - 獸醫有講過市面起碼一半狗帶都會令狗承受冇必要嘅痛楚/不適。管制choke chain設計 / 其他容易傷狗嘅物品
(10) 而家合格唔駛啪嘅狗都送去動物機構俾人領養，官方冇得領養，要靠團體自己安排。政府起碼應該出錢出場地每個月集合一大班動物機構攪領養日
(11) 檢討牛隊野豬隊運作，研究安全帶走動物嘅方法，不殺不麻醉
(12) 加狗公園，最好每個大型公園都開一個位俾狗玩
(13) 政府攪多啲訓練課程俾狗主，狗主有責任訓練狗唔亂吠亂撲，減低唔養狗嘅人討厭狗嘅機會。愈少人討厭狗愈易改善動物福利
(14) 希望可以加帶動物去學校做活動教學，起碼俾幾個鐘小朋友同動物相處，自細唔好怕貓怕狗，學識尊重生命。最好攪個好似愛丁堡獎勵計劃咁鼓勵學生做動物義工
(14) 資助動物機構同學校/社區中心合作攪活動，俾人親眼睇下俾人棄養嘅動物有幾慘，教人唔好棄養。同埋好多人以為等人領養嘅動物=流浪動物，污糟生蟲毛打結，兇殘對人有敵意，其實唔係，去參觀過就眼見為實
(15) 繁殖場係大毒瘤。我諗要爆瘋狗症先會收返啲牌（好似禽流感雞牌咁）。要求一刀切就不切實際，政府冇可能肯做。可唔可以逐步提高持牌要求？設備好啲起碼啲狗生活好啲。要求愈高成本愈高，慢慢迫佢地自動執笠

一間公司要改變，顧客要求一定比員工建議有用。希望有人覺得有參考價值。希望今次keep到團火。遊行又好，討論又好，可以keep到去諮詢期都多啲人出聲。

以上係我嘅諗法。如果你睇到呢度，多謝你。

有冇人繼續睇都好，講開就想繼續講埋其他諗法，可能有啲亂。
1）求大家一定要打晶片！！
晶片=身份証。都係3年一次，每次$80啫，我唔明點解咁多人唔打。就算你住離島，只要集夠人想打，針隊會送埋上門幫你打。隻狗幾乖都有機會甩繩走失。我地捉到有晶片同冇晶片嘅狗係兩回事。有晶片就會搵主人。除非主人親口話唔要，如果唔係都盡量唔啪。啪左之後搵到主人咁點算？老細都驚人投訴，對有晶片嘅狗會小心啲。
冇晶片就走正常程序，狗房仲有位都會留多陣，夠4日唔合格又爆位就會啪。過左就好難追。冇晶片，我有心幫你搵紀錄都唔100%肯定有冇啪左你隻狗。肯定有好多狗有主人冇晶片，無辜被啪。搵失狗又係，好多老人家唔會幫隻狗影相，間唔中就有”佢叫XX，好大隻，啡色，好乖”點幫你問幫你搵。就算搵到，點証明隻狗係你養？俾左你，聽日有第二個人出黎拎住張差唔多嘅相話係佢養，點攪？所以又要攪一大輪。漁記搵到失狗同普通流浪狗係兩種心態。打晶片係保護佢。

2）點解要捉狗
呢句一定有人信：公務員係唔會自己搵野做。漁護唔會周街巡，會去捉狗一定係有人投訴，尤其係區議員。淨係做投訴都做到狗房爆晒，我地真係冇跑數呢回事，信不信由你。

3）點解會投訴？
香港好多投訴撚。由污糟、好嘈、好臭、我好驚，什至”流浪狗一定有病，我死左係唔係你負責”都係投訴理由。最通常源頭係有人餵貓狗，引到一班貓狗聚集，又喂慣左就唔驚人喺啲屋苑/公園附近走黎走去，好快有人投訴。唔該啲老豆老母唔好亂教仔，見到有人放狗有拖繩，隻狗乖乖行，都要大大聲同個仔講：唔好行埋去呀，好污糟㗎，你行埋去就咬死你。你培育緊一條恐狗投訴撚。狗唔會無啦啦咬人，喺香港人傷狗多過狗傷人。投訴撚周圍都有，你阻唔到。你餵佢只係短期對佢好，餵到有人報警/報漁記只會害死佢地。我建議直接搵機構接收佢地，然後捐錢捐食物做義工。（雖然未必接收得晒，而家太多太多流浪狗）

4）咁見到流浪貓狗點算？
承上，搵啲動物機構。不過要check清楚，而家好多扮愛心真牟利嘅仆街貓狗義工或者道德大愛動物撚，做到動物義工臭晒朵。SAA同LAP算比較好，冇機構嘅貓狗義工要特別小心，好多慣犯。題外話見到牛千其唔好報警。牛又唔會攻擊人，你做咩要報警？！阿sir講麻醉牛係好麻煩。牛瞓覺係屈腳肚貼地背向天咁瞓。佢地身體同內臟結構令佢地唔可以完全肌肉鬆弛咁長期側瞓，會死。自身重量壓住個肺呼吸唔到會死，昏迷中繼續反初都會死。所以麻醉一隻牛要幾日前開始斷食（好似我地做手術前唔食野）同有足夠設備保護固定佢嘅姿勢。喺路邊冇設備咁麻醉一隻牛，靠人力抬上車，車程dun到返去，咁都幾個鐘，好多牛醒唔返。見到牛唔駛理㗎，牛有靈性，佢識返屋企。如果喺馬路就bu幾下，佢會行走。真係唔得就call啲牛義工組織，佢地識引隻牛走。唔好報警！一出動麻醉好易害死佢！

5）點解香港咁多流浪狗
因為好多人遺棄。抽到居屋/小朋友哮喘呢啲算比較合理。比較難聽係分左手/要搬屋/要結婚我另一半唔鍾意佢。on9啲嘅有bb個時好得意大個醜樣左/我唔知佢會變咁大隻/我冇諗過佢會病/佢啲屎好臭/佢唔聽話。每個bb都好得意，好少人大個做男神女神。大個一定會變樣，唔想變樣就玩毛公仔，唔好學人養狗。養之前做下功課，唔想隻狗變大咪一開始揀細狗養。狗係生物，會痾屎生蟲口臭甩毛，有生老病死，有情緒有脾氣，佢幾健康幾乖係睇主人點照顧。你三分鐘熱度就咪鬼養狗，養倉鼠咪好，一兩年命又易照顧。你養貓狗一年半載就玩厭唔要，人地之後個十幾年點過？政府要堵塞棄養漏洞。拋妻要分身家，棄子要俾贍養費，棄養點可以唔負責任。

6）另一個原因係少人領養
講真，大家講到有幾愛動物都好，有幾多人肯去領養？領養好少會有純種狗，就算有都多數有病，雜種狗又冇咁靚。啲人揀狗都係揀外表。我想講其實純種狗好易有病，唔好到有病時又棄，你知有咩常見病要幾錢醫，你ok先好養。唔好咁迷戀養bb。由細養到大係會好開心好有成功感，但係bb同人bb一樣難照顧，如果你全家要返工返學大半日冇人喺屋企就唔適合養bb。雖然丟貓狗bb喺屋企大半日唔會死，但意外好難講，咁你丟個人bb仔喺屋企大半日都唔會死啦，你係唔係丟？佢會唔開心，有情緒問題，周圍咬野，有分離恐懼，唔好為自己開心就咁自私。好多人會買貓狗陪老人家。狗由幼年到中年都好有精力，要人陪玩陪跑，貓就一啲啲，你俾老人家養盞大家辛苦，handle唔到又棄。老人家養返中年以上嘅動物好啲，淡定啲唔會亂咬野，又唔驚佢跑黎跑去kick親老人家。

7）領養有咩好處
講救狗好多人都聽唔入耳，人人顧住揀靚狗。我講個實際啲嘅理由：可以”試”。寵物店你最多都係一兩個鐘就決定買，又多數係幾個月大嘅bb，睇唔清性格。領養前可以去慢慢相處，一邊學點幫佢沖涼剪指甲執屎放狗，一邊了解佢咩性格，試下同隻狗夾唔夾。唔夾咪當做左義工囉，唔駛養左又唔要佢。隻狗如果本身有病，義工又會坦白同你講。如果呃左你，你有機會俾返隻狗佢或者由得隻狗病，佢冇著數。呢啲組織多多少少要靠光環，呃完你臭左個名好難做。寵物店收左錢就唔關佢事，仲話bb係好難湊好易病，鬧返你唔識照顧，變左黑店大不了換舖換名再做。

8）點解咁少人領養
我發覺近幾年香港多左有大陸人個種”恩主”心態。竟然有人棄養講：我捐隻狗俾其他人養。佢仲要沾沾自喜，覺得自己做善事咁。佢係狗，唔係你個死港女啲手袋呀，捐你個頭。棄動物其實犯法，但係啲人唔知點解識走法律隙，要立法改善。有啲仲要以放生為名謀殺動物，將淡水魚倒落咸水海都得。好多人會放啲動物去公園水池，去雀鳥塔，去香港公園，以後有人餵，見返同類好開心，覺得自己做好事。動物有地域性㗎，你放隻外來動物，佢會俾人圍毆。你估放養嘅會贏定係慣左籠養嘅溫室花朵會贏？就算冇地盤問題，都要面臨爭食，佢慣左有主人餵點識爭？等於你殺左佢。領養個啲又係，嫌手續太煩：我而家冇錢咩？你咁煩我寧願去買。有錢大晒咩。填表家訪裝貓窗搬走對動物有毒嘅花草，呢啲基本野，你咁都嫌煩你就唔會頂到十幾年幫佢執屎梳毛剪指甲，你唔養好過。義工唔教你，到時隻貓跳樓或者食錯野死左，你唔好喊住話”冇諗過會咁”。有啲真係好煩要不斷家訪keep住send相就見人見智啦。我諗係因為有好多仆街領養完拎去賣，所以啲手續先愈攪愈複雜。

9）領養有咩要留意
記住記住記住，領養前要問清楚轉狗牌啲安排。有啲變態義工會恰普通人唔知有狗牌呢樣野，領養完唔轉名。之後如果你滿足唔到佢十萬個要求激嬲左佢，佢會要求拎返隻狗。如果未轉名，就算你養左一年半載有感情，佢都有權拎返。有啲變態義工成日玩呢招，仲要哭訴話隻狗好慘，又俾人遺棄。走火入魔覺得全世界係衰人，得佢自己係救狗天使，講唔到道理。大家小心。

10）賣狗
以前有一班慣犯拎自己養嘅狗去生b去賣，走法律隙唔駛申請繁殖牌又有錢賺。而家就係立左法捉呢啲人，賣自己養嘅狗都要申請，冇申請就犯法。專登開左一隊人做，阿頭係一個好辣嘅正義人老將，應該會堅做，但係聽講做得好慢。今時今日賣狗都係靠facebook/ig/論壇。啲老將都唔知識唔識搵post。大家見到就幫手cap啲資料報1823。如果驚政府做太慢，未捉到已經賣完刪post，你cap圖即時兇佢報警都好，希望嚇到佢。當風險大過利益就冇人會做。

講左咁多，又講講下離左題，唔知有冇人睇到呢度。我呢啲散仔，大政策就冇我份，實際運作我覺得漁護進步緊嘅。以前啲仆街老屎忽唔當狗係命。聽到佢地吠就又打又鬧，或者淋凍水開風扇整病佢地。仲要賺啲陰質錢，捉左靚狗未搵主人就打龍通賣俾寵物店。呀，以上嘅黑暗史係我發夢見到，聽下就算。而家班老屎忽退休七七八八啦，新一代好好多。捉狗就難免，佢地本能一定會掙扎，會好驚，好易會刮損/爆牙血。捉狗啪狗會繼續，唔駛期待短期有咩改變。你會覺得唔啱聽，覺得冷血，但實際貼地情況係咁，我想俾人知，官腔唔會俾人知。

曾經講過會擴展呀，起新地方做狗房，先進啲，容納多啲狗。我諗係好嘅，收投訴就捉狗呢樣野唔知要過幾多年先有新對策，起碼擴展左先，始終多啲位，啲狗先有機會留多幾日。如果夠位養晒全香港嘅流浪狗就好（發夢都冇可能），養到有人領養為止，或者養佢過世，伙記唔駛捉，狗又唔駛驚。佢地住慣左咪唔驚，當俾人養咁，又唔駛喺街愈生愈多。如果我返工就係養狗，放工又養狗，幾正。唔好講咩動物係屬於大自然，天生天養就得，唔好捉佢地。香港啲狗本身唔係野生動物，係人類為私慾繁殖佢地之後養完又唔要，唔可以用大自然黎講，人工培養嘅狗唔適合流浪。不過諗太多啦，聽左咁耐都冇動靜，可能啲錢都拎晒去明日大嶼啦，佢有錢都俾晒150，邊會到香港狗。

大家想幫就捐錢俾啲義工組織啦，等佢地擴展應該快好多。你幫下啲私人公司，政府見私人公司有咩做得好，過左十年八年會on居居跟住做㗎啦。希望有人睇下啦。我唔會回唔可以再解釋，唔可以自爆。同埋我早幾日開左個新facebook account先寫文，點知今日再login要電話認證，我開分身又點會俾電話，我下次可能都login唔返呢個account。用得分身account就唔會刪post，會唔會俾人report完俾人del account就唔知。唔好意思咁遲先講，我冇諗過自己愈寫愈長，未試過寫咁多野，攪左幾日。以上係內部人貼地真話，信不信由你。如果唔啱聽，對唔住。如果啱聽，請幫手。

P.S. 我唔識用分身account仲會唔會追查到。想爆料有咩更安全方法可以爆？