歡迎為我的影片提供字幕
令我既影片可以有更多人認識
我會萬分感謝的
http://www.youtube.com/timedtext_video?ref=share&v=pOvCtVJYz7w
◎Instagram: Iam.manson
◎Eamil:manson_yee@yahoo.com.hk
◎Facebook Page: https://m.facebook.com/Iammanson-1463381420592597/
咁耐以來我介紹大部份都係台北嘅旅遊影片，今年開始接觸左新嘅地方高雄同埋台中，今次好開心受到台東縣政府邀請，有機會去台東快閃，將短短一日半嘅行程拍咗俾大家睇，相信有好多觀眾同我嘅諗法都一樣，一直都想試吓去台東但係又覺得好似好悶好郊區，一直都冇動力想試吓去台東呢個地方，但今次接觸左之後我覺得原來台東都係一個唔錯嘅地方，如果飛去台東嘅方法，暫時就係先去高雄機場先，再轉三個半鐘頭火車就會到達台東，大家都可以選擇喺台北搭火車去台東都係三個半鐘左右，因為台東政府而家推廣緊好玩卡，所以今集內容會有兩個地方係一啲DIY體驗，鋪頭絕對唔係幫間鋪頭賣廣告，只係因為佢哋可以用好玩卡付款所以就去咗呢兩個地方，如果真係有興趣嘅話你哋可以直接去唔需要用好玩卡都可以，係拍攝之前我自己就去咗兩個地方，第一個就係台東森林公園，因為我未去過台東所以觀眾介紹我去嗰度睇風景，就係第一站琵琶湖啦，成個公園範圍好大而且可以踩單車，但係台東有一個踩單車好出名嘅地方就係池上啦，池上踩單車真係一種唔錯嘅體驗，當中嘅風景係十分之地道同埋農村，可能你會其他國家踩單車都冇呢種感覺好舒服，酒店附近就有我嘅影片講嘅兩個地方，如果鍾意文清嘅觀眾就啱晒你哋啦，但係我自己嘅話就梗係去夜市啦，台東夜市有兩個，我今次去呢個夜市就係逢星期456開嘅，基本上成個夜市都係食為主就冇特別可以行街嘅地方，影片上面食嘅小食係台北嘅夜市真係好少見到，味道都真係十分之難忘，有機會真係要去多次，拍攝完第二日好想同大家分享我到步嘅時候食過啲好食嘅嘢，所以如果大家有機會去嘅話都可以參考吓，基本上台東真係一個睇風景為主嘅地方，如果鍾意熱鬧同埋行街嘅觀眾真係未必啱你，但係如果你同我一樣都成日去台北，你可以試吓選擇台東，但我最建議去台東嘅月份一定係八月左右，因為台東最出名係有熱氣球，所以我一定會帶屋企人再嚟多一次，仲要記得去既日子一定有星期日，因為一個超大夜市係只係星期日先開，希望短短嘅快閃台東影片可以比大家一個小小嘅參考，內容一定無我台北影片咁豐富，有機會再拍多一次豐富版台東影片俾大家，呢條影片真係用咗好多時間去剪接，第一次我嘅旅行影片係自己加字幕，終於可以令一啲香港以外嘅觀眾可以更加了解我嘅影片，希望你地會鍾意呢一段嘅影片啦，睇完有啲咩感受可以留言話俾我知，將個留言永久保存係呢段影片裏邊，嚟緊好快會有淘寶購物分享，同埋東京吃貨遊影片，我哋到時再見?
台東觀光旅遊網https://goo.gl/ZBM4fS /
IG: taitung_taiwan
FB: 台東就醬玩 https://goo.gl/yzXA1G
台東好玩卡: https://goo.gl/L5rr2e
