【#狂迷投稿】▒ 文：電影人在野 ▒
《#尚氣》 // 非習大大之罪//
.
係呢個時機寫《尚氣》，不論說好定係說壞，都會比人抽水之感，又或者「收左漫威錢」既感覺，呢種緊張同複雜既情感，好似係當日《驚奇隊長》到後來《冬兵》劇集再到今日《尚氣》，都係覺得選角出事之故。
.
但核心唔想再講此凡種種爭議，因為佢既演出已經係鐵定既事實，咁不如就直直白白，有碗話碗啦。
.
感覺，係好既，因為相對我上一套睇既「東方野西方拍」，即係《GI JOE》之後，我認為呢套野對於東方感掌握同說故事既方式已經比較好，而角色既互動同較勁之間已經相對生動。而十環幫既「環」由「指環」變成「鐵環」，亦都係一個相對唔錯既改動，事關十隻唔同功能既指環重覆於「無限寶石」，而鐵環一方面重現到中國武術既精髓之餘，鐵環既使用充滿想象力，令到本片既打鬥一層層愈變愈多，目不暇給。
.
重梁而輕劉，事實係有既，我覺得呢樣野唔單單在於梁朝野所謂「神級」既演技，而另一半在於故事大篇幅去造就呢個奇色，由十環源起、到法拉既出場、到佢中間既巨大轉變再到入魔，到最後結局，呢種有著強而有效既角色旅程，可以話係漫威中數一數二既奸角描寫同塑造。呢一樣野係好特別，因為過去無幾可有漫畫奸角可以有如此厚待，亦一直係漫威電影既一大弱點，希望日後既電影愈來愈多出彩既漫畫奸角（既探討）。
.
但相反，尚氣一角變得相對平面，唔劇透下，尚氣呢個角色係長時間受父親訓練，已經幾近失去道德同價值判斷，直到佢決定離開父親重過新生，但父親對佢既所作所為成為左佢既陰影。可以想像原本呢種角色係可以好多發揮，但受限係劇情線既發展下，變左草草帶過。
.
加上設定上佢痴住一個「傻大姐」女主角，令到角色一出場已經係一個傻傻更更既傻小子，而失去左上文講過可以探討落去既空間同力量。
.
漫威有意無意地，都係近黎既電影入面加入一種家庭觀既討論，好似《黑寡婦》入面討論家庭的意義、《尚氣》討論家族繼承與罪孽既傳遞，但竟然無一套好似《銀河守護隊2》來得特別同舒服，當日勇度決定一個湊大男主角，避免佢既神之爸爸將佢吞噬，兩集既歷程當煉出一句：「He may have been your father, boy, but he wasn't your daddy.」，何謂父愛、家庭、責任，不言而喻。但本片如同《黑寡婦》一樣，係餐枱上面煞有介事咁樣去討論家庭既意義，好似生怕你唔明白呢套電影既核心一樣，算係本電影比較出戲。
.
核心問題在於，中國既所謂「核心文化」，你問心呀，係中國共產主義既鐵拳下，早已流失得七七八八，但開口埋口都去講呢D傳統文化，只顯得理解淺層。
.
如果真係要再講，我會話，呢套野，既無《驚奇隊長》要顯示女權力，亦都無《黑豹》為黑人呼叫既時代意義，選取一個華人英雄既意義…我諗極其量只係滿足於我祖國十三億人強大之消費能力。但迪士尼係《花木蘭》大爆死到今次《尚氣》陰陽怪氣四不像，西方應該點樣去理解中國呢條賺錢巨龍，點樣先可以做到真正既中西融合而不兀特呢？
.
×☝🏽☝️☝🏼多謝投稿！有嘢想講，都歡迎各位投稿分享你嘅睇法～×
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 傾講電影有你起頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*緊貼【 電影狂人-影評情報交流平台 】獲得最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
黑豹1劇情 在 [問卦] 黑豹1的劇情大綱是什麼- 看板Gossiping - 批踢踢實業坊 的推薦與評價