一日兩段兄弟間嘅小故事！
一個菇頭弟弟🧒🏻苦勸哥哥👦🏻食菇🍄， #你鍾意我就快啲食健康食物 嘅故事！
一個哥哥👦🏻告知弟弟🧒🏻失敗後， #有我陪你 下次再試嘅故事！
.
上星期難得出去食午餐，我哋點咗一個忌廉飯，材料入面有大哥哥唔鍾意食嘅菇類🍄，佢望住碗飯極度唔想食。
而爸爸同我都要求佢食曬碗內嘅飯餸，身邊嘅弟妹🧒🏻👧🏻都已經食完，佢仍然一大碗未食。
當大家叫佢快啲食嘅時候，佢大大滴眼淚💧就為咗唔想食啲菇而流下啦！😅
係呢個時候弟弟🧒🏻坐埋哥哥👦🏻度同佢講...
.
🧒🏻弟：哥哥，你食啦，你睇啲菇菇係唔係好似我頭髮呀？如果你鍾意我就快啲食啦，好有益咖！......(下刪一大段氹哥哥嘅說話)
👦🏻哥：我唔想食呀！😢
🧒🏻弟：咁不如先揀咗出嚟放去另一隻碗度先啦，最後你至慢慢食呀。😊好唔好呀？哥哥！
👦🏻哥：Ng! 好呀！🙂
🧒🏻弟：哥哥，你睇吓呢度有5條菇菇，好似我哋咁咖！有爸爸、媽媽、你、我同阿妹！😊
你快啲食呀，你食完我哋一齊玩！
.
就係咁，哥哥心情又好返食得又快！☺️
.
食完飯之後，我哋參加咗個活動，而活動後每個小朋友都有一個錢幣去挾公仔機挾波波，由於從來無同佢哋玩過挾公仔機，所以佢哋好期待又緊張，雖然事前已經講解咗挾波嘅技巧，但係由於弟弟🧒🏻未掌握到方法，所以好快按咗confirm制未移動已經挾咗空氣無得玩，佢好失望😭又炆憎，睇得出佢內心唔憤氣，雙眼含住一炮眼淚💧！😅
到哥哥嘅時候，雖然已經略知技巧，但係仍然挾唔到波波。
反而最後至挾嘅妹妹👧🏻，估唔到喺大哥哥👦🏻幫手下成功挾到波波🤩，當二哥哥🧒🏻見到妺妹有小禮物🎁，輪到佢流眼淚！😅
.
就係呢個時候大哥哥👦🏻拖住弟弟🧒🏻嘅手話...
👦🏻哥：唔好唔開心啦，我都一樣挾唔到，我哋下次嚟玩嘅時候再試過啦！
🧒🏻弟：我一定要挾多次呀！(唔憤氣咁發脾氣中)
👦🏻哥：媽媽，下次我哋會唔會再嚟咖？(哥哥望住我問)
👩🏽🦰媽：媽媽會安排吓，相信之後有機會再嚟嘅！
👦🏻哥：弟弟，媽媽話下次有機會再嚟呀！我哋下次再一齊挾過啦！.....(下刪一大段氹弟弟嘅說話)
👦🏻弟：Ng....... (扁晒咀，不過已經心情平靜咗啦...) 🙂
.
兩個哥哥手拖手離開中心，勝利妹妹竟然有爸爸抱！😆
.
有時望住佢哋嘅相處真係好有趣😌，兄弟姊妹之間嘅關係，每每都係一時糖黐豆一時水溝油嘅表表者！😊
.
.
———————————-
#Follow
MeWe:https://mewe.com/p/歌c拉3年抱31湊3
IG: www.instagram.com/threekids.gloria
FB:歌c拉。3年抱3。1湊3
.
#香港媽媽 #媽媽博客 #親子博客 #親子blogger #本地媽媽 #全職媽媽 #三年抱三 #兄弟 #相處之道 #親子樂 #親子育兒 #親子好去處 #假期活動 #假日活動 #週末親子活動
