我到今天，都很看不起覺得記者護士醫生是「黑記黑護黑醫」的香港人。不是記者，醫護的專業，2003年，香港早就過不了那一關。
而事實上，我見過有藍醫藍護藍記的。那是真真實實的存在。
香港有新聞自由，有一堆藍屍看不過眼的，守護專業黑記黑護黑醫，才撐得過沙士一疫。那一年，是我永遠的痛，2003年，我有宿友都感染sars，幸好痊癒，但也life change 了。他的事，不消提，他也不想再說。現在，有一天活一天，最近，聽說上前線衝了。沒再聯絡過。
我不知道，若然香港有一天，是像中國一樣，封鎖消息，你問就有胡椒噴霧直射你面，然後你覺得自己活得很好，之後你有朋友因病辭世，你會怎樣。
說到底，很多人口說反黑醫黑護，但仍會叫自己的家人到香港公立醫院而不是大灣區的醫院求醫，你就知道身體是最誠實的。
2003年沙士時，我仲係一個初出茅廬既 med tech。當時我係一間小型私家醫院服務，相比起猶如戰場既大型公立醫院例如威爾斯、瑪麗、瑪嘉烈、明愛、屯門，我地的確「比較安全」亦唔會忙到疲於奔命。
我記得當時好多人都盡量避免入醫院，我地呢類小型私家醫院就更加少人求診，但係都唔代表我地可以鬆懈。我有兩三次接到病房電話要替病人抽血，病人都係有發燒既症狀，有個 X Ray 仲話張肺片花左。
然後我準備全副裝備，係入房前著到好似幪面超人咁：一件連身保護衣、一件即用即棄既 apron、一個口罩、一個護目鏡、一對令我無辦法摸到病人血管既厚重 latex 手套，同埋我既抽血架生咁開工。抽完血之後又要隆而重之咁順序除低裝備，丟棄一切即用即棄既用品，用酒精消毒液消毒好先落返化驗室。我仲記得，有個我幫手抽血既病人好似因為有流感症狀而俾醫院轉介去公立醫院留醫，因為我地呢類小型私家醫院既職員少，真係抵受唔到沙士感染而要整間醫院 shut down。
我記得果時我放工要沖完涼先可以返屋企。我無得去玩亦無謂周圍去，無乜特別去見親戚朋友，事關個個知我係醫院做，我都無謂令人覺得唔自在啦。
然後，我聽到收音機，有護士因為被隔離，而且裝備又唔夠之下死頂工作，喊住口咁講情況。沙士中後期，3M既 N95口罩供應不足，有都去左公立醫院，我地小型私家醫院只能用普通口罩，但我都要繼續上病房。
我記得廣東省政府唔到仆街果刻都唔肯公佈疫情，仲要不斷有謠傳話有人買板藍根來醫病，又不斷有傳病源係衣原體感染 (Chlamydia infection)。係消息封鎖，資訊唔流通，香港衛生署又毫無頭緒之下，幾乎成個醫護界都好似打盲毛咁，大家都用盡方法去搵病源同醫治方案。結果，有醫護人員同市民因為感染左沙士而病重，甚至失去生命，但我地依然每日如常工作。
沙士期間，中国政府乜都無幫過香港！只有趁香港當時樓價下銼，零售業蕭條，就話應香港要求（其實就係依家既自由黨、經民聯呢批人既要求），開放自由行，令香港走上前所未有咁厲害既「旅遊業及零售業主導經濟」。當然，開放自由行既後果，大家都好清楚。我地有無得益，你地都心知肚明。
而當時係有醫護人員缺乏裝備既時候，董太仲好意思好似我咁著到成個幪面超人一樣去牛頭角下邨叫人「洗手、洗手、洗手」，你依家見到佢腳痛既老公果種「指點江山」既嘴臉，你會點？
沙士疫情已經過去左十五年，依家既官方傳媒不斷咁左閃右避，極盡扭曲事實之能事。如果我地唔出聲，我地既下一代就會被矇騙。你地知唔知，今時今日我都仲遇到有中国人，口口聲聲話「因為中央照顧」，香港先可以熬過沙士。我差在未兜鎚打爆佢個嘴。
P.S. 先係度講聲小弟無徵得100毛同求驗傳媒既同意，就 cap 佢地圖來用，就此講聲對唔住。
