Search
三星 Samsung 承接住 A 系列推出以嚟空前嘅成功，2020 年初就推出咗全新嘅中價機 Samsung Galaxy A51 手機，以高性價比、四攝鏡為賣點，今日《Z世代達人》麥卓華 就同大家睇吓！
#Z世代達人 #麥卓華 Alfred Mak
#Samsung #三星 #A51 #Android #開箱 #評測
OnePlus最新5G型號電話Nord N10 5G係上個月正式引入香港發售，作為OnePlus第一部入門級5G電話，佢以2千中嘅定價推出市場。部機就咁睇spec好似都唔錯，但係用落值唔值，就真係要試過先知，咁事不宜遲，我哋「Z世代達人」即刻做個開箱試用嚟睇吓先！
Nord N10 5G淨機重190Gram，尺寸上拍埋去同samsung a51差唔多，而且仲比較slim少少。呢部機使用玻璃鏡面，配備FHD+嘅6.49吋開孔式屏幕，而背面嘅左上角喺長方形設計嘅四鏡頭位置，中上方就係喺指紋識別器。機底就有3.5mm插頭，Type-C充電接口同揚聲器。機則嘅插槽有兩個位，包括一個5G 嘅SIM卡位，同一個4G SIM卡或microSD卡2選1嘅位，任君選擇配置。
部機本身採用咗高通 Snapdragon 690 處理器，有6GB嘅記憶體，同128GB嘅內置儲存空間，搭載OxygenOS Android 10系統。佢嘅其中一個賣點，就係佢嘅90Hz屏幕，係使用嚟睇片，打機之下，的確比主流嘅60Hz更加順暢。咁等我哋試下一路youtube睇片一路玩遊戲睇下咩表現先！個表現唔錯，用落唔覺得有窒機嘅情況。咁我哋再開個新聞節目試下先！一樣無lag，輕鬆過關！
咁呢部機作為入門級5G電話，當然要試下個5G啦！佢嘅配置支援n1/3/7/41/78 嘅5G網絡，等我哋插張5G電話卡試下用speedtest先！係室內收滿信號之下，結果出到嚟都唔錯，係室外應該會更高添。
試完5G就等我哋試埋個鏡頭先！Nord N10 5G配備4後置鏡頭，咁我哋試下正常影相先，影出嚟大部分細節就算放大少少都可以清楚望到，色彩都保留到，無話有太大色差。再試下夜景模式先，係比較暗嘅環境之下，影返同一樣既野，影像都算清晰。
呢部機使用 Type-C 充電，有4300mAh既電量，亦都支援 warp charge，喺 30w 快速充電之下，廿零分鐘已經可以叉到50%嘅電量，應付日常生活綽綽有餘。
呢部午夜黑色嘅Nord N10 5G香港賣緊$2498港幣，以呢個價錢買到5G手機，仲要個spec都唔差，適合晒想以入門 budget 換機但又想試下5G嘅人！
三星 Samsung 承接住 A 系列推出以嚟空前嘅成功，2020 年初就推出咗全新嘅中價機 Samsung Galaxy A51 手機，以高性價比、四攝鏡為賣點，今日就同大家睇吓！
首先開箱睇吓入面嘅配置先。除咗 A51 主機之外，亦都包括左咗一個支援快充嘅充電器、USB Type-C 嘅充電線、同埋 3.5mm 嘅耳機。我呢部官方稱為「稜鏡籃」顏色嘅機背，雖然唔屬於金屬，不過加咗花紋嘅設計成功「去」咗陣膠味，睇落感覺唔錯。屏幕係 6.5 寸嘅 super AMOLED Infinity-O 開孔屏，顏色鮮艷，睇落仲有啲似同品牌嘅 Note 10 系列手機。Galaxy A51 保留咗 3.5mm 嘅耳機插孔，Sim 卡槽就係 2 Sim + 1 卡嘅真 3 卡設，又要玩雙卡，又要插外置儲存嘅朋友仔就啱晒喇。
而呢部機亦都配備 USB Type-C 嘅插位，支援 15W 嘅有線充電。
等我爆咗部機，再試下入面啲嘅功能先。爆完機睇到，部機嘅 Android 版本已經更新到最新嘅 Android 10，支援 VoLTE 功能，不過睇嚟就唔支援 VoWiFi 喇，呢機同部份三星嘅手機一樣，支援 Wi-Fi 分享功能，即係你就算駁住 Wi-Fi，都可以透過 Wi-Fi 分享功能分享比其他用戶，而唔使使用流動數據。
手機後面嘅鏡頭排位都拍得住艦手機，Galaxy A51 用上咗 4 個後置嘅主攝鏡頭，分別係 4800 萬像素嘅自動對焦連大光圈嘅主攝鏡、1200 萬像素嘅 123 度超廣角鏡、500 萬像素嘅景深鏡同埋 500 萬像素嘅微距鏡頭，連埋 LED 補光燈，放咗喺手機嘅左上角位置。而前置鏡頭方面，就提升到 3200 萬像素。
等我試吓影相先。影相嘅介面沿用 Samsung 旗艦機嘅設計，不過因為冇光學變焦嘅關係，預設嘅 Zoom 就只有正常嘅 1 倍同埋 0.5 倍超廣角模式，兩個預設變焦互相切換嘅時候就有啲慢。而當你用兩隻手指放大，除咗可以選擇唔同嘅變焦距離之外，其他幾個特定嘅變焦倍數亦都會出現喺左邊嘅選擇，等我影幾張唔同變焦情況下嘅相俾大家睇吓先！
由於呢部機主鏡頭都去到4800萬像素，我隨手離遠影咗個路牌，之後放大張相睇吓，路牌上面嘅字然清晰可見，所以就算冇光學變焦，高解像度其實都幫到唔少忙嘅。
等我試埋個微距鏡頭先，呢個模式要喺「更多」入面先搵到，手機亦都建議要距離影嘅嘢大約 3-5cm，影出嚟嘅效果都算唔錯，顏色同埋細緻度都算合格㗎！
試吓個測速先，我身處喺青馬橋附近，用 Galaxy A51 測到嘅下載速度大約係 15mbps 左右，同一時間等我用我部 S10 試吓先！下載速度快咗大約一倍，相信同內置 4G 嘅晶片唔同有關。
Samsung Galaxy A51 亦都內置咗 NFC 功能，支援 Samsung Pay 同埋 Google Pay，亦都支援 Samsung Pay 入面嘅 Smart Octopus 八達通功能。另外，Galaxy A51 亦都支援光學屏下指紋辨識技術，等我試吓先，速度唔錯，同 S10、Note10 系列嘅超聲波辨識技術嘅體驗亦都相若。
Samsung Galaxy A51 喺香港嘅定價大約 $2798，馬來亞方面就賣緊 RM1300 左右，Mon靚、影相靚、有 NFC 同埋用 USB Type-C 充電，日常一般嘅使用，又或者係你嘅 Second Phone，都絕對適合㗎！
《Z世代達人》
麥卓華
