關於 c allstar 單飛 ，我們在網路上蒐集到這些相關的討論、資訊與評價

【又不是八十年代】
其實請Stephy嚟調教你Mirror真係好啱
我睇第一part嘅時候只係諗起家瑜
冇諗過佢其實嚟分享做團體 甚至係做團體隊長嘅心路歷程
正如之前都講過 Mirror真係要借鏡以前嘅組合
唔好步Cookies後塵

喺香港做組合好難 尤其多人組合
最signature就係Cookies
Cookies係一個傳奇
樂壇出現一個9人女子組合係好新鮮同破格
9個甩皮甩骨嘅女仔
唔知係邊到搵返嚟
性格 顏值 強項 唱功 聲底 …全部都唔一樣
但當年好興少女青春組合
所以一炮而紅

9個女仔比起12個男仔更難湊
正所謂三個女人一個墟 呢到就有三個墟
女仔堆寧舍多是非
講八卦亦係女仔嘅天性
男仔唔同 好多嘢唔想理 廢事知 甚至會扮唔知
亦都義字行頭 唔想出賣兄弟
女仔堆嘅Cookies 當然傳出好多不和傳聞
再加上9個人 show錢分9份
公司點會賺到錢 佢哋自己又唔夠食
一年之後Cookies就拆做Mini Cookies

Mini Cookies是非仍然存在
呢個不滿佢紅啲 爭上位
呢個又喺出面聽到啲閒言閒語而唔妥呢個
兩年之後 最後都係不歡而散
當年嘅娛樂圈風氣係…
娛樂八卦係香港人嘅食糧
唔食好似會死咁
刮藝人不和、反面喺好花生嘅新聞
當年大家好少關注藝人心理健康
Stephy一定係比Lokman難行好多
作為一個咁多是非嘅團體隊長
仲要得19歲 一定好大壓力
加上咁多年單飛受嘅負評指責
直到而家被大眾認受嘅好戲影后Stephy
更加成為一個好硬淨 好堅強嘅Stephy

Mirror比起Cookies幸福好多
佢哋係選秀出身
每個人都有一定能力
Mirror嘅紅比起Cookies更勁
而且仲有咁多個電視台撐住
又有唔少成熟嘅隊員 可以帶住細個嘅DeeDee
加上呢個年代比起之前 應該易行好多
男團 C AllStar Error之外 都冇乜其他….
仲要唔同風格 競爭少好多

希望Lokman都可以做到
而且比Stephy做得更好
可以帶領一個好團結 一齊進步嘅Mirror

p.s.5. 家瑜真係好靚 忍唔住點都要畫返幅

#鄧麗欣 #StephyTang #蔣家瑜 #男排女將 #Cookies #隊長
#調教你Mirror #Mirror #ViuTV

【初心＋謙卑＝姜濤】
姜濤最厲害嘅唔係唱 唔係跳
而係嗰份『謙卑』
作為成個團最紅嗰個
作為一個二十出頭就紅到成個香港都識嘅新星
甚至開初啲人唔識Mirror 但都一定識姜濤
如果係其他人 可能已經封自己做宇宙級歌手
但姜濤仍然好謙虛
唔會成日話畀人知我好紅 唔會囂
平時嘅佢 仍然天然呆 仍然傻傻更更
但一上到台 就即刻一秒變返做萬人迷

每個Mirror成員solo 甚至整個團爆紅嘅前後
我都覺得係有分別
最有資格 但反而最冇分別嘅就係姜濤
正如佢自己所講
佢真係好鍾意音樂
佢揀嘅歌都好姜濤
佢揀嘅歌 我第一次聽嗰陣
心入面都講咗句 真係好似佢偶像d feel
#一號種籽 #一天多一點 #MasterClass 都好似

佢揀嘅歌真係唔算好主流 好K歌
而且好明顯係發自內心嘅message
當有人話要放棄年輕人時 佢話代表我哋講
『年輕怎麼就是錯 誰不解䆁就恨我』
當香港人都好灰心 好攰嘅時候 佢話畀我哋知
『不會死 才是勝利』
當香港有反蒙面法唔畀人蒙面…
之後疫情開始都見唔到大家嘅笑容
佢又同我哋講
『即使要蒙著我嘴 我亦可高呼
全憑愛令我堅持 還有你悉心照顧』

人紅就自然多是非
除咗私追問題
就係資源問題
通常都係姜糖同hellosss之爭
我成日都覺得 fans之間有呢啲猜疑
講得多 係會令到兩位偶像尷尬 甚至開始猜忌同不和
到最後Mirror真係會散
香港有幾多隊組合係因為不和而散….大把可以數！
除非你哋真係好想全部單飛 冇Mirror
其他人紅唔到就返去做路人
邊個鏡頭多一秒…邊個唱多一粒字…
邊個MV可以飛日本…邊個可以出多一首歌…
邊個有音樂會開…邊個件衫貴啲…
邊個有幾多套戲…
又有咩所謂？當事人都冇出聲
可能佢想專心做好音樂 覺得MV邊到拍都得
可能監製覺得呢句先啱佢唱 所以佢就唱呢句
雖然唔係第一句/chorus
好多嘢冇得咁樣比
如果C AllStar又話點解呢個mv得阿king
如果RubberBand又話點解呢個mv剩係得阿正
咁佢哋一早散咗

(題外話：RubberBand早期歌嘅曲詞係寫人名
之後一概寫RubberBand…因為佢哋覺得一個團體
冇分你我 邊個作都係RubberBand
就係咁微小嘅舉動 我就知道『RubberBand係一世嘅』)

關於節目姜濤教訓fans個part
我都想講多少少
對比係AK (原來AK講嘢係可以咁圓滑
如果呢個係oral考試 我會畀AK滿分
佢用詞好有禮貌 以節目組及fans角度出發
冇攻擊性 好溫和 又中point
尤其講出節目用意係想佢哋放低mirror身分
呢句最有力)

講返姜濤…
聽完AK圓滑..聽姜濤嗰番說話 感覺得太直
fans聽到可能會難受
所以先會有人話『捧得紅你，都可以踩低你』
我感受到佢係受到一直以嚟fans嘅壓力
而又想講呢番話好耐
可能平時花姐唔畀講
所以佢突然有呢個機會
感覺佢係講晒一直嘅感受
多過佢只係想今次拍攝順利
佢講嘢唔叻 用詞唔識修飾下
所以又會得罪人
花姐真係好重要 呢個亦係花姐平時唔畀佢哋自己開口嘅原因
花姐真係好勁 考慮咗兩秒
就諗到唔好出片 打字出story
出咗片真係會好大獲 文字冇直接感情效果會好好多

#姜濤
-------------------------------------------
#調教你Mirror
#Mirror #梁祖堯 #花姐 #ViuTV

【C AllStar 紅館演唱會】2021 重新集合的 C AllStar將在七月底舉行他們第三次的紅館演唱會《FWD富衛保險呈獻：C AllStar 集合吧演唱會2021》，四子更首次挑戰四面台，滿有新鮮感之餘他們亦十分期待。兩場演出將於7月24及25日假紅磡香港體育館舉行，全場劃一票價HK$680，不設「山頂位」。主辨機構會優先安排場內50%較接近舞台的精選座位門票，於6月7日起給東亞銀行信用卡客戶預訂。

在拍攝演唱會海報期間，四子除了穿上有如太空衣般的厚重外套外，頭上更戴上不同形狀、類似天線的金屬頭飾。陳健安(On 仔)説：「我哋嘗試喺咁金屬嘅物件入面，加入比較人性化比較溫柔嘅一面，所以呢啲頭飾全部人手製造並且配合我哋嘅頭骨形狀。」不過 DJ King (吳崇銘) 及釗峰均不約而同説，戴上頭飾時實在苦不堪言，有如孫悟空戴上金剛圈一樣，頭痛不已。

其實休團三年多的 C AllStar 去年曾想過藉成團10周年重組，但當時疫情關係加上各自有工作要忙，所以感覺現在是最好時機。On 仔說：「自2017年十月紅館演唱會後正式休團，呢三年幾單飛發展，四位成員都有唔同嘅提升，而家為信念再集合。」

DJ King 也說：「單飛前我哋最後一首歌《再不再見》已經留下伏線，到底係再見定係不再見呢？結果而家我哋返嚟啦，事實係會再見嘅。」

SoulJase (何建曦) 指出休團後大家各自奮鬥，現在再集合，就好像重新征戰沙場，他說：「可以將之前做得唔夠好嘅地方再做好，加上首次挑戰四面台，感覺非常新鮮，亦都好期待。」

釗峰續說：「同時亦都希望可以集合所有人，聚埋一齊喺一個地方，開開心心咁玩番一晚。」

On 仔也指出：「多謝一直支持咗我哋十一年嘅每一個歌迷，好希望到時候可以見到大家。」

演唱會詳情:
《FWD富衛保險呈獻：C AllStar 集合吧演唱會2021》
日期：2021年7月24至25日(星期六/日)
時間：晚上8時15分
地點：紅磡香港體育館
主辦機構：寰亞娛樂 / 東亞娛樂

東亞銀行信用卡優先訂票
優先訂票日期：2021年6月7日 (上午10時) 至6月11日 (晚上11時59分)
優先訂票渠道：www.hotdogtix.com 或 HotdogTIX手機應用程式
統一票價：HK$680 ( 優先推出場內50%精選座位門票發售 )

注意事項：觀眾入場及觀看演出時須遵守政府公佈之最新預防及控制疫情規例，並配合演出場地的入場安排。否則場地職員有權拒絕其進場，有關演唱會門票費用、客戶服務費及速遞費用，恕不退還。

#CAllStar #紅館演唱會 #CAllStar集合吧演唱會2021
#香港製造 #MadeInHongKong #香港人撐香港音樂
----------------------------------------------
👍🏻 Facebook：https://bit.ly/2HZAgDL
♥️ IG：https://bit.ly/34PhuYx
⭕ YouTube：http://www.youtube.com/c/谷Live
📍 MEWE：https://mewe.com/p/谷live
🏆 谷撐音樂流行榜：https://bit.ly/3q6yB0l

繼梁釗峰及陳健安之後，終於等到C AllStar的SoulJase單飛派歌，提到這首《Bounce Back》大家於2017年10月已於C AllStar的紅館演唱會聽過，SoulJase指這首歌其實早於2016年1月創作好，只是一直等到19年尾才有機會正式發表。

SoulJase指自己的個人音樂計劃本來早於C AllStar休團前已經要發生，但隨著休團的決定，計劃一改再改，就是後來休團後，他在迫樂以外亦嘗試了不同的創作，他直指自己已有幾年未有寫歌，而「音樂」對他的重要性亦不及以前，現時他喜歡不同的創作方式，音樂只是其中一種，而今次的音樂計劃，就是紀錄著過去幾年間他的一些感覺。

Show Happy
主持：昆頓
嘉賓：SoulJase
__________________________________
想睇更多精彩片段？記得訂閱我地嘅Channel同Like我地嘅Facebook！
Facebook Page: https://www.facebook.com/meeeepmore
Website: http://meeeep.com/
_______________________________________________________________

陳健安於去年開始單飛發展，推出的《本原》EP得到非常好的反應，於各大頒獎禮亦都得到好好的成績。踏入2020年，On仔即時有好消息宣佈，他將會舉行首個個人演唱會！

【陳健安2020以青春之名演唱會】將於2月28號假灣仔伊館舉行，昨日舉行記者招待會，大會安排了好兄弟釗峰神秘現身，讓On仔既驚喜又感動，提到早前於《叱咤頒獎禮》二人同時得獎，他們指非常難得，而且得獎的歌曲都是他們自己的創作，讓他們信心大增，更有動力去創作。

記者會上On仔更首次演唱新歌《未知道》，On仔笑言之前一晚一直在記歌詞，但現場演唱還是唱錯了一句，但因為是第一次唱，就算出錯亦只有他自己知道。

入行十年的陳健安，突然由C AllStar組合變單飛成功推出個人專輯《一吻穿越四十六億歲》，令他感到迷失，「記得當初知道要單飛的時候，我第一個贊成，對成件事好正面，但一七年完成紅館演唱會後，開始慢慢進入單飛路程，比我想像中艱難，原來入行八年來，自己一直都處於舒適的地帶，一下子好難跳出來，我開始做了很多事，怎樣才可以令自己脫離舒適地帶？唯有盡量少搵以前三位隊員及監製，將時間投放返自己身上，有段時間還把自己困住，不停去問自己同一個問題，就是到底我是誰？」全文：http://bit.ly/2p1e8iZ

-----------------------------------------------------------------------------------------
明周娛樂 https://www.mpweekly.com/entertainment/
明周文化 https://www.mpweekly.com/culture/
想食明周 https://www.facebook.com/foodiempw/
INNER https://www.facebook.com/innermpw/
https://www.instagram.com/in__ner