【自泡咖啡×自製多士】
林太識拉花? well… 其實林太近乎3年無埋過吧，真係得返 #爛船都有3分釘 ，即係...3分啊♡ 哈哈♡ 今日我就帶埋林小姐嚟到 #CoffeeChemistry 飲杯啡， 除咗想試下佢哋個超抵食 all day breakfast （$68）同埋打卡名物油畫多士之外， 其實主要嘅目的係上 #親子workshop， 母女同心炮製下午茶， 我就負責整咖啡，佢就負責整棉花糖朱古力多士， 雖然我杯咖啡拉花拉到東歪西倒咁。。。 不過可以一齊合作「企吧」， 其實都算係實現咗我嘅夢想之一丫!
#babyccuino 林小姐每一次都嘈住要，呢一個係佢去咖啡店嘅最大樂趣， 棉棉質感嘅奶泡，加埋朱古力粉，的確係小朋友最愛。
#CaffeLatte 杯咖啡絕對有驚喜，佢哋特登搵咗本地烘焙師製作house blend ，用咗Sidamo同哥倫比亞等咖啡豆拼配而成，為咗更加突出佢嘅果甜、牛奶朱古力，同埋果仁香氣，仲特別用淺炒烘焙，配合輕盈綿滑嘅奶泡， 又口感到味覺都係享受，有驚喜啊!
#油畫多士 香甜嘅忌廉芝士，加入綠茶粉製成色彩層次分明嘅油畫效果， 賣相好優雅好靚呀。
#AllDayBreakfast
超大份、超豐富，幼滑嘅炒蛋，肥美肉腸加埋 充滿牛油香、口感又鬆脆嘅牛角包，真係絕對夠誠意!
《後記》
有得食有得玩，而且所費無幾，的確好滿足，不過記得要提早預訂留位，因為每日嘅名額有限呀~ 林太已經好耐冇沖咖啡，咖啡師教仲教咗我最潮嘅咖啡製作方法， 將2 shoot expresso加入冰水裏面打泡， 出嚟個效果真係好似 #NitroCoffee 啊， 而且泡沫更加細密同持久添，係簡易製作版嘅咖啡啤酒!
#mrs1amology #拉花 #拉花工作坊 #親子咖啡店 #親子餐廳 #親子活動 #小廚師 #多士工作坊 #小朋友活動 #葵涌 #精品咖啡 #latteart #freepour #咖啡人妻
