讀者投稿《拎得就拎奶奶篇》
我奶奶，願意俾錢我大伯做人工受孕，俾埋個細單位佢兩公婆住，願意俾錢我姑仔箍牙。
但偏偏同我老公好計較
1. 我結婚雙方家長見面時話會買好多金器俾我，結果叫我老公擺酒前一年每月俾多5千家用佢，俾佢儲嚟買一對龍鳳鐲俾我。
最後好多金器係一對唔夠一兩嘅龍鳳鐲。
2. 我大肚，打俾我話買咗燕窩俾我。收線打俾我老公話買燕窩俾你老婆買咗三千幾，叫我老公俾返錢佢。
因為我地同女家父母住，佢仲叮囑我老公拎燕窩返去俾我媽煮時一定要講係佢買。
3.我臨生，我奶奶打俾我老公問佢有無俾錢我媽幫我坐月。我老公俾咗兩萬我媽買藥材買餸果啲。但怕佢呀媽話貴，所以答奶奶俾咗幾千我媽。
跟住佢媽話幾千唔夠，而家啲嘢貴，要俾多幾千。我仲諗住奶奶變咗。
點知佢補多句，記得後俾果幾千要話佢做奶奶俾我坐月嘅。
4. 因為我奶奶同我媽都好要面，所以我講明薑醋，我只負責親戚、我同老公朋友、自己補身嘅分量。其他你地要做面子工程果啲薑醋我唔負責㗎！
點知我奶奶嚟到我到，話我媽煲啲味好過佢，佢將我留俾自己補身嘅十斤薑醋（未擺豬同蛋）拎走咗五斤，仲有我一有咗就叫呀媽浸定嘅糯米酒十斤拎走咗我四斤。
當時我同老公帶咗bb去咗健康院，得我媽係到，我呀媽又唔好意思推佢。
因為佢係咁同我媽講我食唔晒㗎啦，份量多到坐多胎月都得
我返到屋企嬲到喊！果下激動到想打開個窗跳落去。
啲酒16周開始整，啲醋30周就開始煲，你點賠俾我呀！！！
因為我小產咗四次先生到個女，我專門預備咁多份量係想坐足一百日月。
就算我整得多關你x事咩！
最後夜晚老爺打電話嚟，話佢都覺得奶奶太過分，呢啲補身嘢唔係講玩嘅，收工即刻車返嚟俾我。
我都唔敢食，都唔知有無加料，唉。。
自從呢次之後我就唔俾佢再上嚟我屋企，賊嚟㗎DKGH。
＃我的極品四大長老
