［曾幾何時靚仔都著Bally］ 鹹魚翻生 又有Kickers
＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，3月開始失業。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。一星期至少出返六篇文，今年頭五日我已出咗十篇。
1. 冇乜特別，Quite Simply，就係Dr. Martnes上市，當然係在英國。你心諗：下？仲未上市架咩？
2. 實情都好多呢啲例子。外國啲「品牌」，眾多原因，有啲N年都唔上市，特別係歐洲啲公司，驚死英國佬美國佬搶佢身家。
3. 另外仲有啲，係上完市又退市又上，甚至一早得返個franchise，最早嘅創辦人都冇人理。例如 Burger King，2006先上市，又退市。然後2012又上過。又賣盤，好煩。唔止，仲要可以分開不同地區玩。印度Burger King早兩個月上市升一個開。印度人都食牛？咁印度有回教徒架嘛。雖然印度BK應該真係冇牛肉漢堡的。（＊＊）。唔止，中國區個franchise又話另外想上市。唔止，之前香港仲要分開兩個，機場山頂一間公司做，其他地方另一間。煩到一個點
4. 講返，好多「老牌」公司，上市歷史好短。之前都寫過， Aston Martin上市都未夠一年。當然仲有早排上市嘅McAfee（歷史唔長，但大家以為呢啲公司一早上咗市嘛）。
5. 上市唔上市喎，當中有好多取捨嘅。Rule of Thumb 一般都係上市好過唔上，但唔上有唔上嘅原因。咁有乜好壞，就真係Commerce 101了，應該任何做股票research 拎最低工資嘅都識（雖然實務上有啲人拎十皮八皮人工都答唔出）。但最簡單，蔡東豪話齋，上市公司可以玩「財技」，可以印公仔紙。至於唔上市有乜好？當然就係閂埋門打仔 本人鍾意拎晒啲錢包二奶 租晒自己親戚啲舖你吹咩，唔使睇啲濕鳩分析員基金經理指指點點。但而有咗「同股不同權」，就兩者兼得了。
6. 講返，著咗Dr Martens唔知係咪真係行得快啲（我冇著過，唔好問我，我著adidas返工的）（＊＊＊）就唔知，但近期生意不錯。收入按年升到近20%。疫情下喎。因為網上銷售。
7. 又，同好多牌子一樣，早已經在外人之手了。一係好似LVMH咁奢侈品美心味將軍七菜刀，一係賣畀私募基金。時代唔同啦，讓專業的來，當然係財技商管專業。呢啲嘢有時令人幾反感，但麥當勞唔係經Ray Kroc一搞，只係一間屈在唔知邊嘅普通舖頭。
8. 私募基金一接手，當然係cut cost，全部踢晒去亞洲製造（應該之前都好多係吧？）。另外，以前聽講話啲鞋有得「一世保用」，你畀一個開，但成世幫你整，或者著爛換過對。私募基金接手當然就冇呢啲嘢啦，真係「誰人有相信一世一生這膚淺對白」。近年啲咩一世保用一世免費，相信大家都係笑下算，正如我亡友話齋（＊＊＊＊），上床前嘅潤滑劑啫，唔想講嘅買支KY效果都差不多。真真假假何必介意？
9. 聽聞話而家啲Dr Martens手工差咗好多，好快著爛。公司堅持冇咁嘅事，用家可以分享下。但，係咁架啦。個個都一對鞋著幾十年，梁蘇記咩！（＊＊＊＊＊）。個個都一部電視睇幾廿年 一部洗衣機用幾十年，點掂？冇架啦。Welcome to capitalism（＊＊＊＊＊＊）（＊＊＊＊＊＊＊）
10. 抽唔抽得過？鳩知咩。價都未定。唔好咁爛賭啦。
（＊）個題出賣年紀了。四十歲以下嘅明唔明？
（＊＊）正如杜拜都有鼎泰豐，但就變咗雞肉小籠包了
（＊＊＊）做Research著 Adidas 返工都得？得，唔怕畀人炒咪得。
（＊＊＊＊）亡友真係亡友，邊隻字你唔明？不過句嘢係我講的，但佢發揚光大不停同人講。而我睇到呢句嘢，係一個女仔寫嘅書。
（＊＊＊＊＊）再問一次，四十歲以下嘅有冇人明？
（＊＊＊＊＊＊）Patreon嘅文用講，其實唔止Capitalism．Capitalism 有咗都幾長時間，但近幾十年更加係高度金融化嘅社會。同60/70年代好唔同。可以由列根 戴卓爾 蘇東坡 佛利民 Big Bang（唔係韓仔）講起。但記住，倫敦變成金融中心，係因為Big Bang，唔係襟蚊籮。
（＊＊＊＊＊＊＊）諗起名校女生埃汾太。佢話佢啲中學同學？著對Timberland去打波。「咪好快爛？」。就係一個月換一對！有錢人同你嘅世界係唔同的。囡囡回想當年Timberland一對應該千幾銀，Dr Martens就五舊水，一對Timberland三對Dr Martens咁上下。正如江湖傳聞，Chanel啲衫唔係拎去洗的，著完就掉啦（https://bityl.co/5A0R）
＝＝＝＝＝＝＝＝＝＝＝＝＝＝
你嘅2020年點？我嘅2020年就幾好。Ivan Patreon，港美市場評點，專題號外，每日一圖，好文推介。每星期6篇，月費100唔使，5個月已1200人訂！（https://bityl.co/4Y0h）。月頭訂至抵，年費仲有85折，仲係睇13個月添。
dr martens membership 在 Dr. Martens Hong Kong - 【DM's LITE系列- 會員尊享HK ... 的推薦與評價
Thanks for your inquiry! Join our 1461 Membership with purchase of HK$1,800 in a single transaction to enjoy the privileges: • Year round 10% ... ... <看更多>