#在世界的那一方:已經厭倦都市生活想隱居?呢度可能啱你!
位於大西洋中心的Tristan da Cunha小島,被稱為世界最遍遠而有人長居的離島。小島為英國海外屬地Saint Helena, Ascension and Tristan da Cunha的一部分,距離南非2,816公里,距離南美洲3,360公里,就算距離最近的城鎮,都有2,173公里。(參考:香港及首爾相距2,091公里)
小島上只有一個小鎮,名為七海愛丁堡(Edinburgh of the Seven Seas),人口只有246。小鎮位於一座活火山之下,1961年曾爆發令全島居民撤離至英國本土,英國政府曾希望佢哋永居英國,但居民最後都係決定返回小島。
七海愛丁堡十分之細,有一間學校、一間cafe、一間酒吧、一間小型超市、一間小型醫院、一間郵局。島上並冇機場,對外聯繫只靠船隻:一年只有大概9次的船隻來往南非開普頓,單程就要一個星期,十分不便。因為人太少,加上少離開小島,所以基本上所有人都已經互相認識。
當地人生活十分簡單,平日只係種下菜、捕下魚同養下牛,因為佢哋生活十分簡單,所以官方網站(可以睇以下網址)的新聞都幾有趣!有對夫婦結婚周年、市政府開會時有老鼠、有新居民、有人離世等等,在當地已經係大新聞了!
而且可能日日對住同一班人悶,所以佢哋對外來客人都好熱情㗎!例如2018年1月有郵輪停泊﹐令佢哋十分雀躍,成為當地大新聞,全島人仲出動接待外賓㖭!如果你想去的話可以考慮坐郵輪,或者自己喺南非搭船過去!
唔知你又鍾唔鍾意呢種咁平淡簡單的生活呢?
官方新聞網:https://www.tristandc.com/news/index.php
#又飛啦 #flyagain #英國 #UK #TristandaCunha #remote #偏遠 #逃離城市 #清靜 #旅遊 #travel #看世界 #想去旅行 #眼睛想旅行
Search