【2020年個人領悟回顧,感性到爆文慎入】 #2021一齊君臨天下
2020年,全香港人都過咗非常艱難嘅一年。本想鳩UP啲野大家灰諧下,輕鬆過埋2020。但回心一諗,原來真係無野笑得出。
開這個page幾年,很多人留言都留到會PM傾計了,行家、朋友、五毛,想和你們分享幾件2020年個人領悟回顧。
「原來節日放假係咁架!」
入行以來,未過聖誕,早於12月頭我哋班公關仔已經密鑼緊鼓CNY攪乜。人就係咁賤格,人哋放假我哋攪event無得放假,成日呻來呻去。依家終於咩都無得攪啦,阿客連棵聖誕樹都圍封埋,你想去望下decor執漏都慳返,即使有野做都係做下sales redemption。今年平安夜同聖誕,叫做正正經經喺屋企過。
嘩,悶到喊。
多L謝政府,難得有假放都無得出街玩。
「其實我係咪要轉行架啦?」
疫情又好、社會運動又好,乜叉都好,有咩風吹草動,對客戶老細來說,從來都喺marketing開刀是常識吧!公司生意大減,不免會和行家朋友吹水時開始懷疑人生:喂,我會唔會從此無得撈架!
不難發現,客戶對於online event玩上癮,而social media真的不是大家開個facebook玩下IG就能夠掌握的學問,在摸象過河加入social media 世界的同時,身為以event和PR為專業的公關仔,成日諗:即使世界回復所謂正常,event和media pitching都再也不一樣了。當我們不用攪event和pitching,我就是會被淘汰了嗎? 老實,我問了自己不下數十次。
2021,工作不知道會怎樣,我覺得最重要,就係唔好迷失咗自己。人生呀工作呀,有時都係咁跌跌撞撞咁撞條路出嚟。
時勢唔好啫,唔係能力唔好。可以氣餒,但請不要氣絕身亡。
「每一次見面都好難得」
呢句係人都知道,但經過過去兩年社會嘅洗禮;加上朋友個朋友個屋企人同個疑似確診嘅個案食過tea,然後就一串人進入自我隔離mode。我感恩身邊嘅朋友都有極高的公民意識,但已經係千挑百選得幾條友嘅最close friend約會,都試過兩三次突然朋友一個電話佢就自我隔離。幸好大家都最後無事。但原來平安、整齊、一齊圍威喂,真係唔係咁簡單。
我唔會每一次見面都當最後果一次,一來我個人的確粗心大意;但我開始明白,時間係真係要分配俾真係對自己好同埋啱傾嘅人。有啲人心地好,有啲人你好admire、有啲蛋散只係愛放負吹水,就間中見下算啦。
有限嘅時間,留返俾真正值得嘅人。
「相信自己的心想點做」
話說2020年1月,疫情未臨但我自己大病了一場。兩個月睇盡了中西醫,有一兩日我直情覺得自己會就咁死係屋企。
然後我開展了漫長的養生之路。
慢慢會挨通宵覺得好眼瞓,然後開始想辦法減少挨夜;有些事太激心,以前會一直放縱自己嬲:佢抵死吖嘛!依家?梗係繼續嬲啦,但我開始學識,慢慢疏遠呢啲人,疏遠果啲會煽動怒氣的八公八婆,和那些永遠都係佢最慘要人呵嘅番薯,讓自己平靜一點。
聽聽自己內心的聲音,值得做值得幫嘅盡力跑,普通事情就係義工,想幫先幫。如果唔想幫就NO佢,煩住你咩就屌鳩佢。
在不容易的年頭,盡量讓自己活得輕鬆,先至夠長命力氣喺其他範籌同佢死過。
「你贏,我陪你君臨天下;你輸,我陪你東山再起」
睇咗上一個post都知道呢句我喺抄人嘅,但睇完我個心真係慼住。
送俾呢個page同我一齊圍爐、一齊笑一齊鬧一齊成長嘅香港人。
2021,君臨天下,煲底相見。
多謝大家睇到呢度,睇公關仔寫咁多野。喺呢個年頭,能夠維持一個可以我手寫我心嘅page真係好難,自問依家寫咩都會諗下,呢個白色恐怖真係好恐怖。公關仔唔知道去到邊一日原來係連啲啲戇鳩野都會俾審查,又或者2021年已經無人再鍾意睇呢個page,又或者無端端唔知邊時邊日嘅post俾人勾返出嚟我就要byebye (悲觀主義者)。艱難嘅一年過去,2021年可能更難,但我衷心多謝喺呢個page陪住我一齊成長嘅大家。我不過是一個在agency裡混的公關仔,能夠得到大家錯愛,不勝感激。
2021新年平安,祝香港人齊齊整整,自由自在,百毒不侵。
愛你們愛香港的公關仔
2020.12.31
PS: 送上一張2019年我最喜歡的照片。香港人,我們現在的路塞住塞住,坐在車裡的我們不知道再過一公里,會是回家的路,還是什麼。但同路人的熱血和愛,永遠能夠給我們力量。
2021,大家互相頂住頂住 <3
同時也有10000部Youtube影片,追蹤數超過2,910的網紅コバにゃんチャンネル,也在其Youtube影片中提到,...
event marketing 入行 在 我是公關仔 Facebook 的最佳解答
【公關仔傾下計】 #感慨文 #不喜請過主
話說有一期好迷李欣頻,即使是厚到如字典的誠品及遠東百貨文案,都讀得津津有味。後來入了行,就完全明白神話都只是神話,她的東西如放到香港,只是死路一條。
全世界大概只有台灣人有這個耐性,會花時間看千字文文案,去形容書店新店開張,新書新貨上架如何豐富你的生活和人生。
公關、event、marketing現在「炒埋一碟」,但從我入行開始就覺得,我們這班「市務員」,最值錢或令人最敬佩的地方,是我們能從芸芸眾生裡,找到你的好,放大你的好,然後用一切方法給顧客說故事。
感慨的是,現在差不多所有客戶都只要結果,他們沒有買我們說故事的本事,只要我們的勞力。「人地咁做我咁做囉,佢地贏我哋就唔會輸」所有campaign都東一忽西一忽,拼拼湊湊,個個條PR Tag都想要first ever,但永無人會投資做第一個,好像沒有人願意寫一個全新的市場故事。
勿忘初心,其實我仍然很希望可以為一個campaign,努力寫一個故事。然而,能夠理解他們買的service最值錢的是什麼的客人,又有幾多呢?
「唔駛攪咁多,總之我件product要有好多KOL拎住影相,個個都見到洗版!」
然後,product背後讓人心動的故事呢?它的好與壞呢?讓人會買到返去真心待佢好嘅感動呢?......
#我無俾人炒放心 #講到有啲亂但放咗係心入面好耐架啦其實 #真心感慨文啫 #原來本書是2004年的出品 #青春呀
event marketing 入行 在 闊條面 Facebook 的最讚貼文
無意中經過拍攝現場,見倒工作人員通宵達旦為新一輯節目準備,突然憶起四年前嘅自己。
-
仲記得讀書時候無意中有個機會俾我入廣告公司做intern,雖然冇人工,但份外開心,每完成一個Report,見識倒新場面總係覺得好滿足,嗰一刻斷定呢一世都會留喺呢行。
-
畢業後,放棄所讀嘅專業,輾轉下入咗marketing 。由睇稿對圖出新product搞event , 坦白講並非所有部份都係我鐘意,但每次campaign 出街,都總有無比嘅成功感,即使只係團隊一小部分,仍為自己留下嘅汗水感到自毫。
-
行咗四年,轉過幾個環境,赫然發現事業到咗一個樽頸位。跟過唔同類別嘅campaign,體驗過無數次成功同失敗,入行時嘅熱血同堅持,慢慢被現實磨蹭。到咗一個矛盾位,明知聽日要番工,但又唔知為咩要番工。明明唔想放假覆公事,到頭來又變咗流動office。假期過後,又好驚到星期一。
-
原來人會攰可以嚟得冇原因,而衝破樽頸
亦非易事。盼望有日靈機一觸,可以為呢個兩難局面尋求解決辦法。
-
共勉之🤝
#闊條面 #文人多說話 #文人說廢話