一間大公司接觸左更加多不同既人，但黎黎去去都因為價值觀問題，千萬既理由唔接受做岩運動對身體好既事實
香港人就係咁，唔到自己身體真係出現問題先去解決
今晚同一位朋友傾計,佢問我公司 Leap 既 Gt 堂係咪一次玩晒定有連貫性, 多謝佢一個 '' 連貫性' 三個字勾起左我想打呢一篇文章。
咁我最想同大家分享既例子就係我既 0715 隊伍 ( 原名 Sunday Morning Workout 730) , 點解想分享,就係佢地係我工作入面最大既推動力
咁由點解會有呢一隊 Team講起, 就係本身我有另一隊名叫 Z.D.T , 有一次 有位新朋友 inbox 我about 點樣可以join, 然後佢上左兩次後,就問我可不可以開多一班俾佢,而佢就會帶班朋友落黎
第一次訓練認識佢地,就覺得佢地係咪黎一兩次就算既呢? 因為佢地都黎至不同既行業,生活習慣就係極少做運動,飲酒夜訓, 所以係極輕鬆情況下完成,然後佢地都斷斷續續出現,高逢期最多差不多20人,到冬天得5個人,佢地都一直堅持了一年了
咁同'連貫性有咩0關係呀?
係我既訓練理念入面,我不是要求所有人都要 Fit 過張家輝, 索過鄭秀文, 我希望參加我訓練既人可以經過一星期一次既訓練改善佢既生活習慣,
咁有人問 一星期一次有咩用?
不如放長遠睇下, 一個正常香港既打工仔都會習慣夜訓,星期5,6夜晚出外消遣, 星期日起身已經去到中午, 如果你地肯星期日朝 0715起身, 你星期六一定不能夠太夜訓或飲得太夜,第二朝起不到身。 咁係咪已經有改變?
去番我隊伍入面我就係因為見到佢地有呢一種轉變,甚至而家男仔平日一晚打拳, 女仔星期四晚就一齊跑步。
大家由零運動既人, 到而家一星期做到 2至3日運動,起碼都係一個最好既鼓勵俾到我
咁呢一個' 連貫性' 係直接連貫左你既日常生活
Btw 0715個名由來
第一次就係七點半練習,但因為女仕怕太陽,所以由第三次開始轉做 0715 啦 ( 隊名都係咁黎的)
