【唔好話我聽你未睇：話題之作《Westworld》】
終於睇完近來美劇話題之作《Westworld》頭兩集，果然係非常勁抽，起碼夾埋兩個鐘我都坐定定響電腦面前一刻都無走開而且完全唔覺悶。
《Westworld》係1973年電影嘅重製版，我無睇過舊版唔知劇情有幾相似，但表達出黎完全無過時感覺。故事係講響未來有人創造咗一個西部主題樂園、入面嘅角色全部都由機械人扮演，而且呢個世界所有武器只會對機械人有傷害，所以你可以想像佢係比「遊客」響入面為所欲為，強暴、殺人無惡不作；而你亦會預估得到長遠黎講，一定係班機械人不堪「虐待」，最出聯合起黎向人類報復。
當然，如果單單係呢啲並唔新鮮、意料之中嘅劇情，理應好快無哂新鮮感；但係《Westworld》嘅編劇Jonathan Nolan（即係Christopher Nolan細佬），響好多細節上面都強化咗：例如入面個世界經已唔係主題樂園咁簡單，而係一個類似Sandbox遊戲，所以入面每個角色嘅行為都會影響到故事發展；但如此同時每個場景都會響24小時候Reset，結果形成咗一個非常奇特嘅世界觀。
響特技同演員演技配合之下，機械人同人類嘅微妙分別好有《攻殼機動隊》嘅科幻味，而故事特別放大機械人被不人道對待果種鬱結，更加令觀眾想知道佢地點會響人類嚴密監視下能夠反抗成功──當然最正嘅係，第一、二個產生反抗意識而殘存落黎嘅都係女性角色，帶有非常強烈嘅女性主義味道。
另一樣我好鍾意《Westworld》嘅地方係，雖然佢係長篇電視劇，但每集自身嘅內容都非常完整，唔會令你覺得好似少咗啲嘢若有所失咁：例如第一集就係對成個Westworld概念嘅介紹；第二集就係借呢個主題樂園批判現今流行文化只求官能刺激而欠缺內涵，其實如果你有打開《GTA》呢類Sandbox Game，就更加能夠體會佢對世界各種設定嘅深意（例如佢講要吸引遊客再黎最重要係細節，簡單係毒撚MODE全開）。
最後當然要講到呢套嘢嘅強大卡士，首先有Anthony Hopkins做科學家Ford、Ed Harris做神秘奸角黑衣人，然後女主角Evan Rachel Wood我係非常鍾意，演技好唔在話下，仲要真係做倒推進全劇進展、帶動觀眾情緒嘅角色，非常犀利。
不過又話說回頭，對上一套比我咁震撼嘅設定係《Resurrection亡者再臨》，最初幾集果個死者輪迴設定都令我拍案叫絕，但去到第二季就開始爛咗……所以《Westworld》而家個設定吹到咁勁，可唔可以做到第二套《Lost》（雖然Lost其實去到後面都爛爛地），真係要再睇落去先知。
gta 3 重 製版 密 技 在 請問誰知道APP版本的GTA3如何打祕技? - Mobile01 的推薦與評價
1.請到market搜尋無線鍵盤 · 2.打開瀏覽器輸入您的WIFI IP · 3.選擇遊戲模式(僅辨識按鍵碼) · 4.複製密技>>滑鼠右鍵貼上>>ENTER即可 ... <看更多>