【電影吹水潭】
《自殺特攻》The Suicide Squad (2021, dir: James Gunn)
．比上不足比下有餘；
．不過呢類笑騎騎反英雄片都係有種過目即忘嘅感覺，睇完笑完之後對個故事唔會有好大感覺。有台灣影評人將套電影嘅創作靈感扣上阿根廷獨裁政府嘅著名政治人物貝隆夫人故事，可見成個創作動機係幾有趣（個人而言，篇影評更好睇哈哈）。不過《自》畢竟係一套娛樂片，一回到電影本身，即使有「貝隆夫人」背景參考，都不足以令成套戲變得有咩深度。
．好多配角英雄，統統都係突出人物設定為先，故事劇情為副（如有），這樣最適合去配合婜接推出嘅各樣衍生產品（如Hottoys模型, 手遊/電玩角色）。最緊要令觀眾記得鯊魚佬兇殘但可愛、圓點佬搞笑但變態，其他野對消費者嚟講並唔重要。
．總括，要策劃一套「與別不同」嘅超級英雄電影，Formula 似乎越來越清晰。特別係導演拍過成功的GOTG 和相對令人失望的GOTG vol. 2後，好了解這類電影價值所在，佢設定嘅公式就更明顯：
1. 劇情要簡單，三歲到八十都睇得明，但歡迎扭少少橋，等班高智商影迷自high下；
2. 動作要爽要見血，重點係「令人睇得開懷嘅暴力」；
3. 角色突出靠造型人設（呢點係改編漫畫嘅優勢），背景可以等漫畫迷自己補完，除咗主角之外其他人物唔好偏離主線，但如果係有同家庭親情有關嘅可以加返少少；
4. 笑料要有，但唔使個個都負責搞笑。留返一兩個做木獨友負責黑色幽默，一兩個人玩冷靜而深情，有需要時用，冇需要時放埋一邊；
5. 視覺特效喺而家大公司嘅科技夠用，唔使諗突破住；
6. 鏡頭大部份時間唔使點處理，只需要記住搞返一兩個signature長鏡頭，班影迷淨係會記住果一兩場戲，方便大家搵話題討論；
7. 加啲懷舊元素等大家J吓回億就攞埋Extra Credit，爆分！
完。
伸延閱讀無影無蹤文章：
https://www.facebook.com/100044187558529/posts/386138666202382/?d=n
gotg 在 Marvel's Guardians of the Galaxy - Trailer 1 (OFFICIAL) 的推薦與評價
From Marvel, the studio that brought you the global blockbuster franchises of Iron Man, Thor, Captain America and The Avengers, comes a new team ... ... <看更多>