心血來潮寫一寫買包的事。
有人叫代購,有人叫走水貨,簡單一點,就是在外國低買回來高賣,當然啦賣出價格比香港專門店為低,唔係搵鬼幫襯你。
幾年前的水貨界真係好旺,歐羅匯率低,加埋退稅,購入價錢視乎牌子,售價可以是香港七折甚至六折,以BOY CHANEL為例,三數年前起碼能賺兩三千港幣,飛一轉巴黎買個袋,分分鐘賺的和allowance 一樣多。
好多專門店為左打擊水貨,實施限購,例如CHANEL會是每個國家兩個月內只可以買一個袋四個銀包四件飾物,店員還會西口西面,唔比影相、唔會check貨、由你鳩等番一頭半個鐘都係閒事,買個袋都要低聲下氣,鬼叫人地唔憂做咩。
搞笑既係,由於CHANEL想打擊水貨行業,曾經大幅調整價格,亦姐係當年香港大降價一事~歐洲、香港的售價相差無幾,無利可圖之下巴黎的CHANEL真係水靜河飛。突然無撚曬客,D sales直頭send email黎又miss you又剩,我真係嚇左一跳然後得淡笑,入到去勁好招呼,未買都offer champagne,昔日的嘴臉不復見,風水輪流轉呀真係。
睇得奢侈品多,老老實實我自己就唔會買CHANEL既袋,睇佢佢啲QC每況愈下,膠水漬啦、車線跳針啦、刮痕啦,咁都收人四皮野一個袋,我都唔知賣嗰個戇鳩定買嗰個傻。又佢既飾物只叫accessories ,點解唔叫jewelry ? 因為佢並唔係用純銀,亦唔係用真石,見到太多唔夠兩年就甩石,二千幾三千幾買對敏感都唔防既耳環。。。只能說logo既影響力真係好大好大。
有時返工見到有d港女死攬住個chanel唔肯放前面座椅底或者overhead都想笑,我仲試過比人叫我小心d,唔係刮花我賠唔起添。其實,無咁大個頭唔好帶咁大頂帽啦,貴過你既大有袋在,好似喺hermes 就試過有sales攞過一個鱷魚皮鑲鑽既birkin比我,盛惠€180,000😂況且用一個負擔唔起既袋,並唔會令你個人高級左。
出入名店,見盡奢侈同浮華,仲記得當年幫富二代買對拖鞋仲貴過我做一班巴黎機既錢,我都好迷失。如果無呢啲經歷,我或者都未睇得清金碧輝煌背後既空虛,亦唔會明白虛榮底下係幾咁膚淺。如果有人因為你無一個袋或者無一隻錶而睇唔起你,你都無需要交呢個朋友丫。
「有時也很葡萄週遊列國的富二代,但我靠著自己也慢慢在不同地方留下腳毛了。
誰說空服只不過是空中侍應,是啊但我還是靠自己遞餐派飲料泡杯麵走到地球另一端了。你可以白目我,但我替自己驕傲,我花自己賺來的看自己賺來的吃自己賺來的,無比甘甜。」
幾年前寫既一段,而家睇番都係一樣感覺。
P.S
今日等巴士等到小小中暑,大家有興趣睇呢d下次寫下買hermes 🤭🤭🤭
P.S.S拿我無講過文中係我呀🙃🙃🙃
Search