Search
[ViuTV][IT狗] 香港亞洲電影節喺今屆首次將電視劇納入festival內容！安排咗2022年喺電視播放嘅ViuTV劇集《IT狗》首兩集喺電影節內率先播放~
喜劇《IT狗》講一班IT職場上後生仔爭扎求存、有血有淚嘅故事，由羅耀輝監製、《當C遇上G7》簡君晋執導。演員陣容包括凌文龍 Siulung ling、楊樂文 LokmanYeung、Hanna Chan 陳漢娜、 KaKi Sham 岑珈其、YoshiYu余逸思、陳湛文 Peter Chan、陳瑞輝Frankie Chan、Stanley Yau 邱士縉、Jeffrey Ngai 魏浚笙 等 。
仲未公布幾時賣飛呀，留意返 香港亞洲電影節 Hong Kong Asian Film Festival 嘅消息。
#香港亞洲電影節2021 #ViuTV #IT狗 #羅耀輝 #簡君晋 #凌文龍 #楊樂文 #陳漢娜 #岑珈其 #余逸思 #陳湛文 #陳瑞輝 #邱士縉 #魏浚笙
短講《殺破狼．貪狼》
（含劇透，慎讀）
—
《殺破狼．貪狼》喺香港唔算多人講，反而喺中國就頗受歡迎，破咗《戰狼二》嘅連續廿一日單日票房紀錄，眾聲喧嘩，有人大讚，亦有彈唔及前兩部作品。喺唔知值唔值得睇嘅情況下，當然以身試毒，再比大家一啲意見。
—
而最後結論係「幾好睇」，起碼情節上吸引到我眼球。
—
《殺破狼》系列由第二集開始，基本上變成咗一個品牌，三套電影入面都有一啲共同嘅元素，例如主角係警察；故事往往係因為某啲角色嘅執念而令幾乎所有人都陷入萬劫不復嘅下場；總有空中飛人嘅情節；故事嘅關鍵係細路女；有弱智角色，而佢地都同影片有關；故事是非黑白模糊等等。
—
而《貪狼》亦唔例外，都係有住上述嘅元素，但咁樣會唔會悶呢？呢個就係要繼續拍呢個系列嘅難點。由《殺破狼一》開始，宇宙最強同任達華由不擇手段要砌洪金寶嘅果一刻開始，死同家破人亡就係佢地嘅宿命；而喺《殺破狼二》入面，夾係中間都要死，又係宿命；去到第三集，唔單止係講宿命，講嘅仲係宿命為何而生。
—
當神童開話搞大咗HANNA個肚，同古天樂講會負責任，而老豆竟然CALL伙記開佢衰十一拉人封艇果刻開始，宿命嘅齒輪已經開動咗。拉人有錯？其實無，個o靚仔絕對有罪，讀書唔成要repeat返part time仲學人搞未成年少女，抵拉；但其實係咪又一定要拉呢？拉咗個女嘅未來老公，仲要搞埋墜胎，賠上咗父女嘅關係，亦千估萬估都估唔到，最後發展咗套戲嘅成個故事出嚟。其實拉同唔拉都無絕對嘅正確同錯誤，而故事嘅發展就反映出編劇嘅人道主義精神，應唔應做，有時唔係睇法律，因為法律都不外乎人情，啱嘅嘢未必一定要去做，因為可能仲會有更「啱」嘅決定可以選擇。
—
"LIFE IS LIMITED,JUST ACCEPT IT"，人其實應唔應該逆天而行呢？林家棟就係電影入面嘅逆天者，換活心就係一種違反自然嘅行為，《貪狼》故事嘅始作俑者有兩個，一個係古天樂，另一個就係季正雄。某啲人會詬病套戲入面有太多刻意嘅「命」，但呢樣反而就係我喜歡嘅地方，人與人之間嘅「命」一脈相承，環環緊扣，有人迫於無奈，有人逆天而行，有人相信人力勝天，牽一發動全身。
—
究竟係咪人地嘅生命就唔係生命，自己嘅生命先係最重要呢？好似林家棟話齋，天災都會死好多人，其他人可以作為自己嘅棋子去換取更大嘅利益，「天地不仁 以萬物為芻狗」。但人嘅決定係咪可以同天災去類比，然後為所欲為呢？
—
古天樂最後嘅舉動就做咗一個好好嘅示範，唔理之前做嘅決定係啱係錯都好，件事已經害到好多無辜嘅人出咗事，你係呢刻可以做嘅，唔係諗已經死咗幾多人，而係諗你仲可以救幾多人，其實佢大可以拎把槍出去客廳度屠殺，殺番人地個孫女泄憤，但要終止仇恨嘅輪迥，要破到宿命，靠嘅往往都係自願嘅犧牲，放低所謂嘅執著，為你所愛嘅人諗多幾步。
—
P.S.1. 古仔打戲唔洗擺咩期望，好多都係FOCUS落個身度影，不過唔係武打出身，亦唔係真係諗住睇佢打，收貨啦！
—
P.S.2. 好似話古仔係會《三國無雙》度做呂布，佢今次已經喺凍肉倉預演咗一次。
—
P.S.3. 其實入去主要係睇 Hanna Chan 陳漢娜同 蔡潔 Jacky Cai，可惜兩個人戲份都唔算多，表現尚算可喜，繼續努力！
—
殺破狼・貪狼 Paradox
古天樂 Louis Koo
林家棟
卓亦謙 （Nick Cheuk）
Jill Leung
