關於 ive 被 退學 ，我們在網路上蒐集到這些相關的討論、資訊與評價

Martin Oei 黃世澤係一個冇料之人。受 Simon Shen 教授邀請下遇過佢，切磋過幾下後發覺佢只係班門弄斧，當自己係英國國情維基百科，卻忘記我喺英國讀完初中高中大學，比佢仲熟。一排冇見，冇想過佢依家層次更低，開始跟風污衊我。

最新一期，佢寫到類似以下：「馬卓安，都唔係牛劍出身，只係中五畢業。英國更加講英雄莫問出處」。

而我喺一月份東周刊正正寫到：

「所謂外國留過學、做專業人士的人，其實很多只算 middle middle)。 我反而認為，就是因為這樣，在香港，在社會地位上上流的可能性很大。實際上，英國也充滿這種例子。1992-1997年的英國保守黨首相 John Major，16歲退學，中下階層背景，現在是皇室最好的朋友之一；末代港督 彭定康，全家沒讀過大學，愛爾蘭移民血統。被評為英國最偉大人物的二戰首相邱吉爾，沒錯，家族是英國最貴族之一，但當年讀完我們的母校哈羅後，沒有考進牛津劍橋，只讀了軍校，這在當年他的世界裡，和你現在所說的自己只有Ive的學歷，不相伯仲。

結論：學習多些接近自己背景的偉人。你不能決定上天派什麼牌給你，但你如何用這副牌，是你的決定。」

講啊黃生，你連基本資料都未知，夠膽黎挑戰我？！

先要求你出黎鄭重道歉，否則唔好扮文人。

https://martinoei.com/…/%e5%a8%9b%e6%a8%82%e7%82%b8%e5%bd%8…

［我唔係對號入座 只係有感而發］

工作過後，到了凌晨時份終於有時間俾我慢慢發表一下廢青文。
一位曾經教導過我的老師inbox了我這篇文章，建議我有能力的話便寫點什麼吧。

我唔係評論文章內容，我只係針對「毅進仔」哩三個字，因為我都係「毅進仔」。

文章內「毅進仔」究竟代表了什麼意思，我相信識閱讀嘅人就自然知道。

我一向都知「毅進」哩兩個字絕對唔係名牌，因為佢係同讀唔成書嘅意思掛勾，點解我知？因為我都係揸車㗎囉；

我會考得兩分，做左幾年嘢後發現自己除左表演咩都唔識做，渴望能從「香港唯一一間有文憑認可性的藝術學校」（簡稱：入場卷），打算進修一下演藝能力，於是去讀返書入毅進，畢業後再讀IVE，打算用個最低面試資格去面試APA；

點知APA因為政府（高學歷人士社團）轉三三四學制，再加上「內地實在太多人材」計劃，提高咗面試資格，要我IVE畢業埋先有面試資格，因此我覺得太浪費時間（咁樣讀法我咪30歲先畢業？！），於是我IVE都中途退學；最終我花了幾萬元學費，交了兩次考APA的入學表，結果連一次「面試」機會都無。

無學歷又係社會打滾了幾年，教識了我一個重要的事實：
「仗義每多屠狗輩 負心未必一定係讀書人 但負心的確多是讀書人」

你覺得係街度拎棍毆人被你文章標籤為「毅進仔」嘅人惡啲？
定係學歷滿滿高薪厚職的高官惡啲？

我打一個沒有答案的問題，只是想講「毅進仔」，係不適用於此文章，你要講就講警察，要形容詞就用「黑警」、「慈母」、「未醒覺的九十後」等等，但你講「毅進仔」係乜乜乜就等同於鬧交時「Hi人伯母」一樣，為鬧而鬧，其實關伯母咩事啫？又唔見我去拎棍毆人，當然我唔排除個個人真係毅進畢業；但我覺得你寫文章用「毅進仔」哩個字眼去作論點，令我覺得你骨子裡嘅思維都唔見得比你文章裡形容嘅「毅進仔」優秀。

所以熱狗真係熱狗，無營養價值嘅食物，想瘦身健康少食為妙。

連起跑的槍聲都聽不到，試問又怎能夠不輸在起跑線？

無論近視、遠視、散光，戴上眼鏡後都可以回復清晰視力，又可以繼續正常生活。但聾人便沒有那麼幸運，他們即使裝上人工耳蝸，聽力也不能回復「正常」：「戴咗機可以聽到你哋講嘢，正常嘅聲都可以聽到，但譬如高音嘅聲就聽唔到，譬如『sa……te……』嘅聲就會聽唔清楚。」聾生芷瑩說。

為了提供一個平等的學習機會給聾生，中文大學的「手語及聾人研究中心」早在2006年便找學校合作，在學校內增設手語老師，使聾人不用再因聽漏而跟不上學習進度。

政府支援不足　聾生退學率高

五年前，中大與第一間中學「聖母院書院」合作，在主流學校加入共融班，更聘請手語老師替聾生翻譯。可是，他們的資金來源並不是來自政府，而是透過民間資助，皆因教育局未確認手語是一個語言。

其中一名手語雙語老師Chloe指，政府一直說手語不是唯一的學習方法，可以透過視像和其他體驗方式學習，但聾生沒有手語等於沒有一種學習的語言，不能把資訊有效通達：「你無端端播新陳代謝Metabolism，佢睇住唔會知道點解，尤其聾生語文基楚唔係太好嘅時候，唔係你播咗出嚟佢就會睇得明。」

正因聾生在主流學校不被重視，Chloe表示，他們難跟上學習進度，而更甚的是，他們大多會放棄升學：「我識嘅本地學士畢業嘅聾人只有幾個，IVE嗰啲都會有，但我聽到更多嘅就係佢哋會退學。」

外國聾人可成為專業人士

而聖母院書院其中一位聾生陳芷瑩，亦曾因沒有手語老師，上課跟不上進度，萌生過放棄做獸醫的夢想。幸好，今年來了一位教授化學的手語老師，使芷瑩的成績進步了不少：「本來考試或者測驗，通常都只有廿分或者十幾分，今年有手語老師之後就開始追到個課程，而家就合格邊緣。」

香港聾人多從事低收入工作，但有了手語教學，聾生的吸收便可與健聽生看齊，他們的未來亦更有盼望。相比外國，Chloe指不少聾人都可以從事專業工作，例如教授、律師、聽力學家等，全因他們從小便有平等的學習機會：「我自己喺美國讀聾人教育嘅時候，我教授係聾人嚟，都係用手語教我，碩士課程都可以用手語教。」

聾童愈早學手語愈有利

Chloe表示，香港大多數的聾童，父母都是健聽人士，他們可能會怕孩子學會手語後，就不願意說話，但其實聾童愈早學手語，有了一個溝通語言，反而更容易掌握口語。以芷瑩為例，雖然天生雙耳失聰，但由於得到父母支持學習手語，Chloe指她的說話能力發展得相對較好。

有見及此，除了與一所幼稚園、兩所小學和一所中學合作，讓聾生可以一條聾升讀，中大更與五間保護兒童會的幼兒園合作，使聾童可以及早適應用手語學習，改寫聾人必定從事低收入行業這個命運。

今集《港。故》就帶大家看看，在一間真正做到「融合教學」的學校，一個聾生和一個手語老師，以鬥志戰勝天命，即使聽不到亦可走得遠的故事。

-------------
《港。故》：東網每周專題習作，講故事、講香港人的故事，請關注《港。故》fb：https://goo.gl/YJXtcw